സങ്കടം അടക്കാനാവാതെ... ഇടുക്കിയില് നിയന്ത്രണം വിട്ട ബൈക്ക് മറിഞ്ഞ് നവവരന് ദാരുണാന്ത്യം... ഭാര്യയ്ക്ക് ഗുരുതര പരുക്ക്
ഇടുക്കിയില് നിയന്ത്രണം വിട്ട ബൈക്ക് മറിഞ്ഞ് നവവരന് ദാരുണാന്ത്യം.ചെമ്മണ്ണാര് ഗ്യാപ് റോഡില് ബൈസണ്വാലി പഞ്ചായത്തിലെ കാക്കാകടയ്ക്ക് സമീപമാണ് സംഭവ നടന്നത്.
ഫോര്ട്ട്കൊച്ചി ചക്കാലക്കല് സ്വദേശി സെന്സ്റ്റെന് വില്ഫ്രഡ് (35) ആണ് മരിച്ചത്. ഭാര്യ മേരി സഞ്ജുവിന് (28) ഗുരുതരമായി പരുക്കേറ്റു. ഉച്ചയ്ക്ക് ഒരു മണിയോടെയാണ് സംഭവം. അടുത്തിടെ വിവാഹിതരായ ദമ്പതികള് മൂന്നാറിലേക്ക് പോയ ശേഷം, ഗ്യാപ് റോഡ്കാക്കാകട ബൈസണ്വാലി വഴി തിരികെ വരികയായിരുന്നു. ഗ്യാപ് റോഡില് നിന്നും ഇറക്കം ഇറങ്ങി കാക്കാകടയിലേക്ക് വരുന്നതിനിടെ ബൈക്ക് നിയന്ത്രണം നഷ്ടപ്പെട്ട് മറിയുകയായിരുന്നു.
ഗുരുതരമായി പരുക്കേറ്റ ഇരുവരെയും നാട്ടുകാരാണ് അടിമാലി താലൂക്ക് ആശുപത്രിയില് എത്തിച്ചത്. സെന്സ്റ്റെന് ആശുപത്രിയില് വച്ച് മരിച്ചു.
മേരി സഞ്ജുവിനെ എറണാകുളത്തെ സ്വകാര്യ ആശുപത്രിയിലേക്ക് മാറ്റി. സെന്സ്റ്റെനിന്റെ മൃതദേഹം അടിമാലി താലൂക്ക് ആശുപത്രിയില്.
https://www.facebook.com/Malayalivartha
