എം. ശിവശങ്കറിന്റെ ജാമ്യാപേക്ഷ ഇന്ന് ഹൈക്കോടതി പരിഗണനയില്.... ജസ്റ്റിസ് ബദറുദ്ദീന്റെ ബെഞ്ചാണ് ഹര്ജിയില് വാദം കേള്ക്കുക, കീഴ്ക്കോടതി ജാമ്യം തള്ളിയതിനെതിരെയാണ് ശിവശങ്കര് ഹൈക്കോടതിയെ സമീപിച്ചത്
ലൈഫ് മിഷന് കോഴക്കേസില് മുഖ്യമന്ത്രിയുടെ മുന്പ്രിന്സിപ്പല് സെക്രട്ടറി എം. ശിവശങ്കറിന്റെ ജാമ്യാപേക്ഷ ഹൈക്കോടതി ഇന്ന് പരിഗണിക്കും. ജസ്റ്റിസ് ബദറുദ്ദീന്റെ ബെഞ്ചാണ് ഹരജിയില് വാദം കേള്ക്കുക.കീഴ്ക്കോടതി ജാമ്യം തള്ളിയതിനെതിരെയാണ് ശിവശങ്കര് ഹൈക്കോടതിയെ സമീപിച്ചിരിക്കുന്നത്.
വെള്ളിയാഴ്ച ഹര്ജി ലിസ്റ്റ് ചെയ്തിരുന്നെങ്കിലും പി.എം.എല്.എ കേസുകള് പരിഗണിക്കുന്ന കോടതിയിലേക്ക് കേസ് മാറ്റുകയായിരുന്നു. തനിക്കെതിരായ കേസ് കെട്ടിച്ചമച്ചതാണെന്നും രാഷ്ട്രീയ പകപോക്കലാണെന്നുമാണ് ശിവശങ്കര് ആരോപിക്കുന്നത്.
അതേസമയം കേസില് നിലവില് റിമാന്ഡില് കഴിയുകയാണ് എം. ശിവശങ്കര്. കേസില് തനിക്കെതിരെ അന്വേഷണ സംഘം ഉന്നയിക്കുന്നത് മൊഴികള് മാത്രമാണെന്നും എന്ഫോഴ്സ്മെന്റ് ഡിപ്പാര്ട്മൈന്റ് തന്നെ തെറ്റായി പ്രതി ചേര്ക്കുകയായിരുന്നെന്നും ശിവശങ്കര് കോടതിയില് പറഞ്ഞു.
ഒന്പത് ദിവസം കസ്റ്റഡിയില് എടുത്ത് ചോദ്യം ചെയ്തെന്നും അന്വേഷണവുമായി പൂര്ണമായി സഹകരിച്ചെന്നും ശിവശങ്കര് പറഞ്ഞു. എന്നാല് ശിവശങ്കര് അന്വേഷണവുമായി സഹകരിച്ചില്ലെന്നാണ് കോടതിയില് ഇ.ഡി പറഞ്ഞത്. അതേസമയം ആരോഗ്യാവസ്ഥ കണക്കിലെടുത്ത് ജാമ്യം നല്കണമെന്നും ശിവശങ്കര് ആവശ്യപ്പെട്ടിട്ടുണ്ട്.
https://www.facebook.com/Malayalivartha
