ഇന്ത്യയ്ക്കിത് അഭിമാന നിമിഷം. ഓസ്‌കര്‍ വേദിയില്‍ നാട്ടു നാട്ടു ഗാനാവതരണത്തിന്റെ അവതാരകയായി ബോളിവുഡ് താരം ദീപിക പദുക്കോണ്‍. ലോസ് ഏഞ്ചലസിലെ നര്‍ത്തകരാണു ഓസ്‌കര്‍ വേദിയില്‍ നാട്ടു നാട്ടു നൃത്തം അവതരിപ്പിച്ചത്. സിനിമയുടെ നൃത്ത പശ്ചാത്തലത്തിനു സമാനമായ രംഗങ്ങള്‍ ഒരുക്കിയ ശേഷമായിരുന്നു അതിമനോഹരമായ അവതരണം. കൈയടികളോടെയാണ് സദസ് നാട്ടു നാട്ടു അവതരണത്തെ വരവേറ്റത്.

ഓസ്‌കര്‍ വേദിയിലെ നാട്ടു അവതരണത്തിനു സാക്ഷിയായി സിനിമയില്‍ നൃത്തം അവതരിപ്പിച്ച ജൂനിയര്‍ എന്‍ടിആറും രാംചരണും സംവിധായകന്‍ എസ്. എസ്. രാജമൗലിയും ഡോള്‍ബി തിയെറ്ററിലുണ്ടായിരുന്നു. ഗ്ലോബല്‍ ഹിറ്റ് സെന്‍സേഷനായ നാട്ടു നാട്ടു സിനിമയില്‍ ചിത്രീകരിച്ചത് ഉക്രൈനിലെ പാലസിനു മുന്നിലാണ്. ഒരു പ്രേക്ഷകനായിരുന്ന് ഈ നൃത്തരംഗം വീക്ഷിക്കുന്നതില്‍ അതീവ സന്തോഷമുണ്ടെന്നു ജൂനിയര്‍ എന്‍ടിആര്‍ നേരത്തെ പ്രതികരിച്ചിരുന്നു.

ഓസ്‌കറില്‍ നേട്ടം കൊയ്ത് ഇന്ത്യ. മികച്ച ഡോക്യുമെന്ററി ഹ്രസ്വചിത്ര വിഭാഗത്തില്‍ 'ദ് എലിഫന്റ് വിസ്പറേഴ്‌സ്' പുരസ്‌കാരം നേടി. ഇതോടെ ഓസ്‌കറില്‍ പുതുചരിത്രം എഴുതുകയാണ് ഇന്ത്യ. ലൊസാഞ്ചസിലെ ഡോള്‍ബി തിയറ്റഴ്‌സിലാണു 95ാമത് ഓസ്‌കര്‍ പുരസ്‌കാര പ്രഖ്യാപനം നടക്കുന്നത്.

മൂന്ന് ഇന്ത്യന്‍ ചിത്രങ്ങളാണ് ഇത്തവണത്തെ ഓസ്‌കര്‍ പുരസ്‌കാരപട്ടികയില്‍ മത്സരവിഭാഗത്തിലിടം നേടിയത്. അതുകൊണ്ടുതന്നെ വാനോളമാണ് ഇന്ത്യന്‍ പ്രതീക്ഷ. മികച്ച ഡോക്യുമെന്ററി ഫീച്ചര്‍ വിഭാഗത്തില്‍ 'ഓള്‍ ദാറ്റ് ബ്രീത്സും മികച്ച ഡോക്യുമെന്ററി ഹ്രസ്വചിത്രവിഭാഗത്തില്‍ ദ 'എലിഫന്റ് വിസ്പേഴ്‌സും' മത്സരിക്കുന്നു. മികച്ച ഗാനവിഭാഗത്തില്‍ എസ്.എസ്. രാജമൗലി ചിത്രമായ ആര്‍.ആറിലെ 'നാട്ടു നാട്ടു...' ഗാനവും പട്ടികയിലുണ്ട്.

ഗോള്‍ഡന്‍ ഗ്ലോബ്, ക്രിട്ടിക്‌സ് ചോയ്സ് എന്നീ പുരസ്‌കാരങ്ങള്‍ നേടിയതിനുപിന്നാലെയാണ് എം.എം. കീരവാണി സംഗീതസംവിധാനം നിര്‍വഹിച്ച ഈ പാട്ട് ഓസ്‌കര്‍ അവാര്‍ഡിന് മത്സരിക്കുന്നത്. കീരവാണിയും ഗായകരായ രാഹുല്‍ സിപ്‌ളിഗഞ്ചും കാല ഭൈരവയും ചേര്‍ന്ന് നാട്ടു നാട്ടു ഗാനം ഓസ്‌കര്‍ പുരസ്‌കാരവേദിയില്‍ അവതരിപ്പിച്ചു.

95-ാം ഓസ്‌കര്‍ പുരസ്‌കാരം പ്രഖ്യാപിക്കുകയാണ്. ലോസ് ആഞ്ജലിസിലെ ഓവിയേഷന്‍ ഹോളിവുഡിലെ ഡോള്‍ബി തിയേറ്ററിലാണ് പുരസ്‌കാരദാനച്ചടങ്ങ് നടക്കുന്നത്.

രാജമൗലി ചിത്രം ആര്‍.ആര്‍.ആറിലെ 'നാട്ടു നാട്ടു'വിലാണ് ഇന്ത്യയുടെ പ്രതീക്ഷ. ഒറിജിനല്‍ സോങ് വിഭാഗത്തിലാണ് ചിത്രത്തിലെ 'നാട്ടു നാട്ടു' എന്ന ഗാനത്തിന് ഓസ്‌കര്‍ നാമനിര്‍ദേശം ലഭിച്ചത്. ഗോള്‍ഡന്‍ ഗ്ലോബില്‍ മികച്ച ഒറിജിനല്‍ സോങ് വിഭാഗത്തില്‍ നാട്ടു നാട്ടുവിലൂടെ പുരസ്‌കാരം സ്വന്തമാക്കിയ സംഗീത സംവിധായകന്‍ എം.എം. കീരവാണി ഓസ്‌കര്‍ വേദിയില്‍ ലൈവ് പെര്‍ഫോമന്‍സ് ചെയ്യുന്നുണ്ട്. കാലഭൈരവ, രാഹുല്‍ സിപ്ലിഗുഞ്ജ് എന്നിവര്‍ ചേര്‍ന്നാണ് 'നാട്ടു നാട്ടു' ആലപിച്ചത്. പ്രേം രക്ഷിത് ആയിരുന്നു നൃത്തസംവിധാനം.

അമേരിക്കന്‍ നടിയും നര്‍ത്തകിയുമായ ലോറന്‍ ഗോട്ലീബ് ആണ് ഓസ്‌കര്‍ പുരസ്‌കാര വേദിയില്‍ 'നാട്ടു നാട്ടു'വിനു ചുവടുവെച്ചത്. ഗോള്‍ഡന്‍ ഗ്ലോബിന് പുറമെ ഹോളിവുഡ് ക്രിട്ടിക്സ് അസോസിയേഷന്‍ അവാര്‍ഡ്‌സില്‍ മൂന്ന് വിഭാഗങ്ങളില്‍ 'ആര്‍.ആര്‍.ആര്‍' അവാര്‍ഡ് കരസ്ഥമാക്കിയിരുന്നു. മികച്ച അന്താരാഷ്ട്ര ചിത്രം, മികച്ച ഗാനം (നാട്ടു നാട്ടു), മികച്ച ആക്ഷന്‍ ചിത്രം എന്നീ വിഭാഗങ്ങളിലാണ് ആര്‍.ആര്‍.ആറിന്റെ അവാര്‍ഡ് നേട്ടം.

ഇതാദ്യമായാണ് ഒരു തെന്നിന്ത്യന്‍ ഗാനം ഓസ്‌കര്‍ വേദിയില്‍ അവതരിപ്പിക്കപ്പെട്ടത്. മാര്‍ച്ച് 13നായിരിക്കും പരിപാടി ഇന്ത്യയിലുള്ളവര്‍ക്കു കാണാന്‍ സാധിക്കുക. എം.എം.കീരവാണിയുടെ ചടുലമായ ഈണവും രാം ചരണിന്റെയും ജൂനിയര്‍ എന്‍ടിആറിന്റെയും തകര്‍പ്പന്‍ ചുവടുകളും കൊണ്ട് ലോകോത്തര ശ്രദ്ധ നേടിയതാണ് 'നാട്ടു നാട്ടു' പാട്ട്. ഗോള്‍ഡന്‍ ഗ്ലോബ് പുരസ്‌കാരം സ്വന്തമാക്കിയ പാട്ട് ഇനി ഓസ്‌കര്‍ നേടുമോ എന്നാണ് ലോകം ആകാംക്ഷയോടെ കാത്തിരിക്കുന്നത്.

ഗോള്‍ഡന്‍ ഗ്ലോബ് പുരസ്‌കാരം സ്വന്തമാക്കിയതോടെ ഈ പാട്ടിനെ നേട്ടത്തിന്റെ നെറുകയിലെത്തിക്കാന്‍ കീരവാണിക്കു കഴിഞ്ഞു. പാട്ടിനൊപ്പം ആവേശത്തോടെ രാജ്യമൊന്നാന്നാകെ ചുവടുവച്ചു. നീണ്ട 14 വര്‍ഷത്തിനു ശേഷമാണ് ഗോള്‍ഡന്‍ ഗ്ലോബ് ഇന്ത്യയിലേക്കെത്തിയത്. മുന്‍പ് 2009 ല്‍ എ.ആര്‍.റഹ്‌മാനാണ് പുരസ്‌കാരം നേടിയത്.