ചൈനീസ് പ്രസിഡന്റായി മൂന്നാംവട്ടവും തിരഞ്ഞെടുക്കപ്പെട്ട ഷി ജിന്പിങ്ങിന് വിപ്ലവാഭിവാദനങ്ങള് നേര്ന്ന് മുഖ്യമന്ത്രി പിണറായി വിജയന്.
ചൈനീസ് പ്രസിഡന്റായി മൂന്നാംവട്ടവും തിരഞ്ഞെടുക്കപ്പെട്ട ഷി ജിന്പിങ്ങിന് വിപ്ലവാഭിവാദനങ്ങള് നേര്ന്ന് മുഖ്യമന്ത്രി പിണറായി വിജയന്. ലോകരാഷ്ട്രീയത്തില് ശ്രദ്ധേയമായ ശബ്ദമായി ചൈന മാറിയത് അഭിനന്ദനാര്ഹമാണ്.
കൂടുതല് സമര്ത്ഥമായ ചൈനയ്ക്കുവേണ്ടിയുള്ള തുടര്ശ്രമങ്ങള്ക്ക് മുഖ്യമന്ത്രി വിജയാശംസകള് നേര്ന്നു. ട്വീറ്റിലൂടെയാണ് മുഖ്യമന്ത്രിയുടെ അഭിനന്ദന സന്ദേശം.
അതേസമയം ചൈനയുടെ സര്വാധികാരി എന്നതിന് മറുവാക്കില്ലെന്ന് തെളിയിച്ച് ഷി ജിന്പിങ് മൂന്നാംതവണയും രാജ്യത്തിന്റെ പ്രസിഡന്റ് സ്ഥാനം ഏറ്റെടുത്തു.
ബീജിങ്ങിലെ ഗ്രേറ്റ് ഹാള് ഓഫ് പീപ്പിള്സില് നടന്ന വോട്ടെടുപ്പില് നാഷണല് പീപ്പിള്സ് കോണ്ഗ്രസ് അംഗങ്ങള് ഏകകണ്ഠമായാണ് ഷിയെ തിരഞ്ഞെടുത്തത്. അംഗങ്ങളായ 2,952 പേരും ഷിയെ അനുകൂലിച്ച് വോട്ട് ചെയ്തു.
ഇനി ഷിയ്ക്ക് കീഴില് എത്തുന്ന പ്രധാനമന്ത്രിയും മറ്റ് വകുപ്പുകളുടെ ചുമതല വഹിക്കുന്ന മന്ത്രിമാരും ആരാകുമെന്നാണ് അറിയാനുള്ളത്. ഷി ജിന് പിങ്ങിന്റെ വിശ്വസ്തര്ക്ക് തന്നെയാകും ചുമതലകള് വീതിച്ച് നല്കുക. ഷിയുടെ വിശ്വസ്തനും പാര്ട്ടിയിലെ രണ്ടാമനുമായ ലി ക്വിയാങ്ങിനെയാണ് പ്രധാനമന്ത്രി സ്ഥാനത്തേക്ക് പ്രതീക്ഷിക്കുന്നത്. നാഷണല് പീപ്പിള്സ് കോണ്ഗ്രസിന്റെ രണ്ട് സെഷനുകളും ചൈനീസ് പീപ്പിള്സ് പൊളിറ്റിക്കല് കണ്സള്ട്ടേറ്റീവ് കോണ്ഫറന്സും ഈ നിര്ണായക യോഗം ചേരും.
"
https://www.facebook.com/Malayalivartha
