ദമ്പതികള്‍ വീട്ടിനുള്ളില്‍ മരിച്ച നിലയില്‍ കണ്ടെത്തി. തിരുവനന്തപുരത്തെ കിളിമാനൂരിലാണ് സംഭവം. പവിഴം വീട്ടില്‍ രാജേന്ദ്രനും ഭാര്യ ശശികലയുമാണ് മരിച്ചത്.

ശശികലയെ കൊലപ്പെടുത്തിയ ശേഷം ശേഷം ഭര്‍ത്താവ് ജീവനൊടുക്കിയതാണെന്നാണ് പൊലീസിന്റെ പ്രാഥമിക നിഗമനം. കുടുംബ വഴക്കാണ് കൊലപാതകത്തിന് കാരണമായതെന്നും പൊലീസ് .

ശ്വാസം മുട്ടിച്ച് മരിച്ച നിലയിലായിരുന്നു ഭാര്യയുടെ മൃതദേഹം കണ്ടെത്തിയത്. ഭര്‍ത്താവ് ജീവനൊടുക്കിയ നിലയിലുമായിരുന്നു. പൊലീസ് സംഭവ സ്ഥലത്തെത്തി പ്രാഥമിക നടപടികള്‍ പൂര്‍ത്തിയാക്കി. അയല്‍വാസികളാണ് പൊലീസിനെ വിവരമറിയിച്ചത്. വാട്ടര്‍ അതോറിറ്റിയില്‍ നിന്ന് വിരമിച്ച ഉദ്യോഗസ്ഥനാണ് രാജേന്ദ്രന്‍.