രാജ്യത്തെ ഭരണാധികാരിയെ ബഹുമാനിക്കുന്ന സമീപനമാണ് സഭയുടേത്.... രാജ്യത്തെ ക്രൈസ്തവര് അരക്ഷിതരല്ലെന്നും സിറോ മലബാര് സഭാ മേജര് ആര്ച്ച് ബിഷപ് കര്ദിനാള് മാര് ജോര്ജ് ആലഞ്ചേരി
രാജ്യത്തെ ഭരണാധികാരിയെ ബഹുമാനിക്കുന്ന സമീപനമാണ് സഭയുടേതെന്നും ബിജെപി ഭരണത്തില് രാജ്യത്തെ ക്രൈസ്തവര് അരക്ഷിതരല്ലെന്നും സിറോ മലബാര് സഭാ മേജര് ആര്ച്ച് ബിഷപ് കര്ദിനാള് മാര് ജോര്ജ് ആലഞ്ചേരി. ക്രൈസ്തവരെ പാര്ട്ടിയിലേക്ക് അടുപ്പിക്കാനുള്ള ബിജെപി ശ്രമങ്ങള്ക്കിടെ ഇംഗ്ലീഷ് മാധ്യമത്തിന് നല്കിയ അഭിമുഖത്തിലാണ് കര്ദിനാളിന്റെ നിലപാട്.
കേരളത്തില് ബിജെപിക്കും സാധ്യതയുണ്ടെന്നും ജനപിന്തുണ നേടുന്നതില് വിജയിച്ചിട്ടുണ്ടെന്നും കര്ദിനാള് പറഞ്ഞു. എന്നാല് അഭിമുഖത്തിലെ തലക്കെട്ട് തെറ്റിദ്ധരിപ്പിക്കുന്നതാണെന്നും സഭയ്ക്ക് ഈ രീതിയില് നിലപാട് ഇല്ലെന്നും സഭാവക്താവ് ഒരു മാധ്യമത്തോട് പറഞ്ഞു.
പ്രധാനമന്ത്രി നരേന്ദ്രമോഡി ആരുമായും ഏറ്റുമുട്ടലിന് പോകാറില്ലെന്നും നേതൃത്വ പ്രാഗല്ഭ്യം കൊണ്ടാണ് വളരാന് ശ്രമിക്കുന്നതെന്നും ചൂണ്ടിക്കാട്ടിയാണ് കര്ദിനാള് മാര് ജോര്ജ് ആലഞ്ചേരിയുടെ പ്രശംസ. മോദി രാജ്യാന്തര തലത്തില് ഇന്ത്യയുടെ പ്രതിഛായ ഉയര്ത്തി. ബിജെപിക്ക് സമ്പൂര്ണ അധികാരം കിട്ടിയാലും ന്യൂനപക്ഷങ്ങള് അരക്ഷിതരാകുമെന്ന് കരുതാനാകില്ല. കേരളത്തില് മൂന്ന് മുന്നണികള്ക്കും സാധ്യതയുണ്ടെന്നും കര്ദിനാള് പറഞ്ഞു.
https://www.facebook.com/Malayalivartha
