ഗാനമേളയ്ക്കു ശേഷം ട്രൂപ്പ് അംഗങ്ങള്ക്കൊപ്പം വിശ്രമിക്കവേ ഗായകന് കുഴഞ്ഞുവീണു... ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല
ഗാനമേളയ്ക്കു ശേഷം ട്രൂപ്പ് അംഗങ്ങള്ക്കൊപ്പം വിശ്രമിക്കവേ ഗായകന് കുഴഞ്ഞുവീണു... ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
കന്യാകുമാരി സാഗര് ബീറ്റ്സ് ഗാനമേള ട്രൂപ്പിലെ അംഗം കോട്ടയം പത്തനാട് കരിമ്പന്നൂര് ഹൗസില് പള്ളിക്കെട്ട് രാജ എന്നറിയപ്പെടുന്ന രാജു എം.കെ (55) ആണ് മരിച്ചത്. ഇന്നലെ പുലര്ച്ചെ 3ന് കായംകുളം പത്തിയൂര് ക്ഷേത്രത്തിലെ 7-ാം ഉത്സവത്തോടനുബന്ധിച്ച് നടന്ന ഗാനമേള കഴിഞ്ഞപ്പോഴായിരുന്നു സംഭവം. ഉടന്തന്നെ സൃഹൃത്തുക്കളും ക്ഷേത്രഭാരവാഹികളും ചേര്ന്ന് കായംകുളത്തെ ആശുപത്രിയില് എത്തിച്ചെങ്കിലും രക്ഷിക്കാനായില്ല.
കോട്ടയം കറുകച്ചാല് സ്വദേശിയായ രാജു 1989 മുതല് ഗാനമേള രംഗത്ത് സജീവമാണ്. 'പള്ളിക്കെട്ട് ശബരിമലയ്ക്ക് ' എന്നു തുടങ്ങുന്ന ഗാനത്തിലൂടെ ശ്രോതാക്കളുടെ പ്രീതി നേടിയ ഇദ്ദേഹം പിന്നീട് പള്ളിക്കെട്ട് രാജ എന്ന് അറിയപ്പെടുകയായിരുന്നു.
പ്രണവം ഓര്ക്കസ്ട്രയിലൂടെയാണ് രാജു ഗാനമേള മേഖലയിലേക്ക് കടന്നത്. എയ്ഞ്ചല് വോയ്സ്, ശ്രീസാമിനീസ്, എം.ജി.എം, ബ്ളൂ ഡയമണ്ട്, ആലപ്പുഴ ക്ളാപ്സ് എന്നീ ട്രൂപ്പുകള്ക്കൊപ്പവും അദ്ദേഹം പാടിയിട്ടുണ്ട്.
കരിമ്പന്നൂര് കുട്ടപ്പന്റെയും കുട്ടിയമ്മയുടെയും മകനാണ്. ഭാര്യ : രാധിക. മക്കള് : രാഹുല്രാജ്, രശ്മിരാജ്, ചിത്രരാജ്. സംസ്കാരം പിന്നീട് നടക്കും
"
https://www.facebook.com/Malayalivartha
