എല്ലാവരും മനസ്സില് കുളിര്മയോടെയാണ് ഈസ്റ്ററിനെ വരവേല്ക്കുന്നത്. ആ ഘട്ടത്തില് രാജ്യത്തിന്റെ പ്രധാനമന്ത്രി ഡല്ഹിയിലെ പ്രസിദ്ധമായ ക്രൈസ്തവ ദേവാലയം സന
ബിജെപി നേതാക്കളുടെ ഈസ്റ്റര് ദിന സന്ദര്ശനങ്ങളെ വിമര്ശിച്ച് മുഖ്യമന്ത്രി പിണറായി വിജയന്. ബിജെപിയുടെ മോഹം ഇവിടെ നടക്കില്ല. ബിജെപിയുടെ തനിനിറമെന്തെന്ന് എല്ലാ ന്യൂനപക്ഷ വിഭാഗങ്ങള്ക്കും അറിയാം. കേരളത്തില് ക്രൈസ്തവ വേട്ട നടക്കാതെ പോയത് സര്ക്കാരിന്റെ ശക്തമായ നിലപാട് മൂലമാണ്. പ്രധാനമന്ത്രി നരേന്ദ്ര മോദിയുടെ പള്ളി സന്ദര്ശനം മുന്ചെയ്തികളുടെ പ്രായശ്ചിത്തമെങ്കില് നല്ലതാണെന്നും അദ്ദേഹം പറഞ്ഞു. അങ്കമാലിയില് എം.സി.ജോസഫൈന് അനുസ്മരണത്തില് സംസാരിക്കുകയായിരുന്നു മുഖ്യമന്ത്രി.
''എല്ലാവരും മനസ്സില് കുളിര്മയോടെയാണ് ഈസ്റ്ററിനെ വരവേല്ക്കുന്നത്. ആ ഘട്ടത്തില് രാജ്യത്തിന്റെ പ്രധാനമന്ത്രി ഡല്ഹിയിലെ പ്രസിദ്ധമായ ക്രൈസ്തവ ദേവാലയം സന്ദര്ശിക്കുകയുണ്ടായി. നല്ലകാര്യം. എങ്ങനെയെന്നാല് ഇതുവരെയുള്ളതിന് പ്രായശ്ചിത്തമാകുമെങ്കില്. ആകുമോ? മറ്റേ രുചി അറിഞ്ഞ പുലി വേറൊരു വഴി സ്വീകരിക്കുമോ. ആ വഴിക്കു തന്നെയല്ലേ അത് സഞ്ചരിക്കുക. എന്നാല് അതേ ഘട്ടത്തില് കേരളത്തില് വലിയ മാറ്റം കണ്ടു. കേരളത്തില് എല്ലാ സ്ഥലങ്ങളിലും അരമനകളില് ബിജെപി നേതാക്കള് സന്ദര്ശനം നടത്തുന്നത്.
അതുകൊണ്ട് ഒരു ദോഷം ഇവിടെയില്ല. കാരണം കേരളത്തിനു പുറത്താണല്ലോ ഈ പറയുന്ന ക്രൈസ്തവ വേട്ട നടക്കുന്നത്. ആ നിലപാട് നിങ്ങള്ക്ക് ഇവിടെ സ്വീകരിക്കാന് കഴിയാതിരുന്നത് ഇവിടുത്തെ സംഘപരിവാറിന് എന്തെങ്കിലും പ്രത്യേകമായ ന്യൂനപക്ഷ സ്നേഹം ഉണ്ടായതുകൊണ്ടല്ല. ഇവിടെ വര്ഗീയ നിലപാട് സ്വീകരിച്ച് വര്ഗീയ സംഘര്ഷം ഉണ്ടാക്കാന് ശ്രമിച്ചാല് ശക്തമായി നേരിടുന്ന നിലപാടാണ് സര്ക്കാര് സ്വീകരിക്കുന്നത്. വിട്ടുവീഴ്ച ഇല്ലാത്ത നിലപാട്. മുഖം നോക്കാതെയുള്ള നടപടി. ഏത് ഉന്നതനായാലും അയാള്ക്കെതിരെ നടപടി''- പിണറായി വിജയന് പറഞ്ഞു.
https://www.facebook.com/Malayalivartha
