പ്രതിഷേധത്തിനായി ഒത്തു ചേര്‍ന്നിടത്തു നിന്ന് വെള്ളം വാങ്ങാന്‍ പുറത്തു പോകേണ്ടി വന്നപ്പോഴുള്ള അനുഭവം സിജ വെളിപ്പെടുത്തിയിരിക്കുകയാണ് സിജ റോസ്. സത്യം പറഞ്ഞാല്‍, അവിടെയുള്ള ചില പൊലീസ് ഉദ്യോഗസ്ഥരെ എനിക്ക് ബോധ്യപ്പെടുത്തേണ്ടി വന്നു. ഞാന്‍ പുറത്ത് പോവുകയാണെങ്കില്‍, എന്നെ അകത്തേക്ക് തിരികെ പ്രവേശിപ്പിക്കണം എന്ന് ഞാന്‍ അവരോട് പറഞ്ഞു. എന്നാലേ ഞാന്‍ പോവൂ എന്ന്. അവരുടെ ഭാവം എന്താണെന്ന് എനിക്ക് മനസ്സിലായില്ല.

അവര്‍ എന്നെ പരിഹസിക്കുകയായിരുന്നോ ആവോ! അവര്‍ എന്നെ തിരിച്ച് അകത്തേക്ക് കടത്തിവിടുമോ എന്ന് ഞാന്‍ സംശയിച്ചു. എന്തായാലും, ഒരു സാഹസം എടുത്ത് പോയി വെള്ളം കൊണ്ടുവരാം എന്ന് ഞാന്‍ കരുതി. കൊണ്ടു വന്ന വെള്ളം നിമിഷങ്ങള്‍ക്കുള്ളില്‍ തീര്‍ന്നുപോയി. ഇവിടുത്തെ പൊലീസ് ഉദ്യോഗസ്ഥര്‍ നിസ്സഹായരാണ്. അവര്‍ ഒരു വാക്ക് പറഞ്ഞാല്‍ അത് പാലിക്കുന്നുണ്ട്. രാവിലെ ഞങ്ങള്‍ വഴി ചോദിച്ചപ്പോള്‍ അവര്‍ ശരിയായ വഴി കാണിച്ചു തന്നു. നമ്മള്‍ അവരോട് മര്യാദയോടും ബഹുമാനത്തോടും പെരുമാറിയാല്‍ അവര്‍ നമ്മളോടും അങ്ങനെ തന്നെ.