കോഴിക്കോട് ട്രെയ്ന്‍ തീവെപ്പ് കേസിലെ പ്രതി ഷഹറൂഖ് സാക്കിര്‍ നായികിന്റെ ആരാധകന്‍. നിരന്തരം ഇയാളുടെ വീഡിയോകള്‍ കണ്ടിരുന്നു. വിവാദ ഇസ്ലാമിക മതപ്രഭാഷകന്‍ സാക്കിര്‍ നായിക് ഇന്ത്യയ്ക്ക് വലിയ ഭീഷണി ആയി മാറിയിരിക്കുകയാണ്. ഇന്ത്യയില്‍ നരവധി അനുയായികള്‍ ഇയാള്‍ക്കുണ്ട്. ചെറുപ്പക്കാരിലേക്ക് തീവ്രമതവികാരം കുത്തിവെക്കുകയാണ് ഇയാളുടെ പ്രഭാഷണങ്ങള്‍. കാലങ്ങളായ് ഇന്ത്യ തേടുകയാണ് സാക്കിര്‍ നായികിനെ. ഇന്ത്യയില്‍ ഇയാള്‍ക്ക് കാലുകുത്താനാകില്ല. ഇന്ത്യയില്‍ വന്നാല്‍ തുറുങ്കിനകത്തേക്കേ എത്തുള്ളു. ഷഹറൂഖ് സെയ്ഫിയും സാക്കിറിന്റെ ആരാധകന്‍.

ഷെഹറൂഖ് തീവ്രമൗലികവാദിയാണെന്ന് എഡിജിപി എംആര്‍ അജിത് കുമാര്‍ വ്യക്തമാക്കി. ഷാറൂഖ് സെയ്ഫിയാണ് കുറ്റകൃത്യം ചെയ്തതെന്ന് വ്യക്തമായി. സാക്കിര്‍ നായ്ക്, ഇസ്രാ അഹമ്മദ് തുടങ്ങി മൗലികവാദികളായ ആളുകളുടെ വീഡിയോസും മറ്റും നിരന്തരം ഷഹറൂഖ് കാണുമായിരുന്നു. അക്രമം ചെയ്യാന്‍ ആസൂത്രണം ചെയ്താണ് പ്രതി കേരളത്തിലെത്തിയതെന്നും അദ്ദേഹം പറഞ്ഞു. റെയില്‍വെ പൊലീസ് രജിസ്റ്റര്‍ ചെയ്ത കേസാണ്. മറ്റ് സംസ്ഥാനങ്ങളിലടക്കം വിശദമായ അന്വേഷണം നടത്തി. മറ്റ് സംസ്ഥാന പൊലീസുമായും കേന്ദ്ര ഏജന്‍സികളുമായും അന്വേഷണം നടത്തി. കിട്ടിയ എല്ലാ തെളിവുകളെയും അടിസ്ഥാനമാക്കിയാണ് ഇന്നലെ യുഎപിഎ ചുമത്തിയത്. രണ്ടാഴ്ചക്കുള്ളില്‍ കുറ്റകൃത്യവുമായി ബന്ധപ്പെട്ട എല്ലാ കാര്യങ്ങളും അന്വേഷണ സംഘം കണ്ടെത്തി. പ്രതിക്ക് സഹായം ലഭിച്ചോയെന്നതില്‍ അന്വേഷണം പുരോഗമിക്കുകയാണെന്നും അദ്ദേഹം വ്യക്തമാക്കി. ഇതുവരെ പൊലീസ് അന്വേഷണം ശാസ്ത്രീയമായിരുന്നു. എല്ലാ തെളിവുകളും കണ്ടെത്തിയിട്ടുണ്ട്. വളരെ വിപുലമായി അന്വേഷിക്കേണ്ട കേസാണിത്. പ്രതിക്ക് ഏതെങ്കിലും സംഘടനകളുമായി ബന്ധമുണ്ടോയെന്ന് ഇപ്പോള്‍ പറയാനാകില്ല. പ്രതിക്ക് 27 വയസാണെന്നും പ്ലസ് ടു വരെ വിദ്യാഭ്യാസം നേടിയിട്ടുണ്ട്. നാഷണല്‍ ഓപ്പണ്‍ സ്‌കൂളിലാണ് പഠിച്ചതെന്നും അദ്ദേഹം പറഞ്ഞു.

ഇതില്‍ സാക്കിര്‍ നായികിന്റെ വീഡിയോകള്‍ നിരന്തരം കണ്ടിരുന്ന ആളാണ് ഷഹറൂഖെന്ന് എടുത്ത് പറയുന്നു. കാലങ്ങളായ് വിദേശ രാജ്യങ്ങളിലിരുന്ന് കൊണ്ട് ഇന്ത്യയ്‌ക്കെതിരെ ഭീകരവാദം വളര്‍ത്തുകയാണ് സാക്കിര്‍ നായ്ക്. ഇന്ത്യയില്‍ കള്ളപ്പണം വെളുപ്പിക്കല്‍,വിദ്വേഷ പ്രസംഗം,എന്നീ കുറ്റങ്ങള്‍ നേരിടുന്ന നായ്ക് 2017 മുതല്‍ മലേഷ്യയിലാണ്. ഇയാളെ വിട്ടുകിട്ടാനായുള്ള ശ്രമങ്ങള്‍ നടത്തുകയാണ് ഭരണകൂടം.
ഇന്ത്യയിലും വിദേശത്തുമുള്ള മുസ്ലീം യുവാക്കളെ പ്രഭാഷണങ്ങളിലൂടെയും മറ്റും തീവ്രവാദ പ്രവര്‍ത്തനങ്ങള്‍ക്ക് പ്രേരിപ്പിച്ചെന്നാണ് ഇയാള്‍ക്കെതിരെയുള്ള ആരോപണം. തന്റെ സംഘടനയായ ഇസ്ലാമിക് റിസര്‍ച്ച് ഫൗണ്ടേഷന്‍ നിരോധിച്ചതിനെത്തുടര്‍ന്ന് 2016ല്‍ ഇന്ത്യയില്‍ നിന്ന് രക്ഷപ്പെട്ട നായിക് മലേഷ്യയിലെത്തിയിരുന്നു. ഇപ്പോള്‍ അവിടെ അഭയാര്‍ത്ഥിയായി കഴിയുകയാണ്. 2019ല്‍ മലേഷ്യയില്‍ പൊതു പ്രസംഗങ്ങള്‍ നടത്തുന്നതില്‍ നിന്നും നായിക്കിനെ വിലക്കിയിരുന്നു.

ഇന്ത്യയെ കൂടാതെ, ബംഗ്ലാദേശ്, കാനഡ, ശ്രീലങ്ക, യുകെ എന്നിവിടങ്ങളില്‍ നായിക്കിന്റെ പീസ് ടിവി നെറ്റ്‌വര്‍ക്ക് നിരോധിച്ചിട്ടുണ്ട്. 2022ലെ മംഗളൂരു ഓട്ടോ സ്‌ഫോടനക്കേസിലെ മുഖ്യപ്രതിയായ മുഹമ്മദ് ഷാരിഖ്, സക്കീര്‍ നായിക്കിന്റെ വീഡിയോകള്‍ തന്നെ സ്വാധീനിക്കുകയും തീവ്രവാദിയാക്കുകയും ചെയ്തതായി പറഞ്ഞിരുന്നു.ടെലിഗ്രാം വഴിയും സിഗ്‌നല്‍, വയര്‍, ഇന്‍സ്റ്റാഗ്രാം, എലമെന്റ് തുടങ്ങിയ മറ്റ് പ്ലാറ്റ്‌ഫോമുകള്‍ വഴിയും സാക്കിര്‍ നായിക്കിന്റെ വീഡിയോകള്‍ പങ്കുവച്ച ഷാരിഖിന്റെ ഫോണ്‍ കര്‍ണാടക പൊലീസ് ഉദ്യോഗസ്ഥര്‍ പിടിച്ചെടുത്തിരുന്നു. ക്രിസ്തുമസിന് ആശംസകള്‍ നേരുന്നതും ആഘോഷങ്ങളില്‍ പങ്കെടുക്കുന്നതും ഇസ്ലാമിക വിരുദ്ധമെന്ന വിവാദ പ്രസ്താവനയുമായി ഇക്കഴിഞ്ഞ ഡിസംബറില്‍ സാക്കിര്‍ രംഗത്തെത്തിയിരുന്നു. 'അമുസ്ലീങ്ങളുടെ ആഘോഷങ്ങള്‍ ഏതെങ്കിലും തരത്തില്‍ അനുകരിക്കുന്നത് ഇസ്ലാമില്‍ അനുവദനീയമല്ല. ആഹാരം, വസ്ത്രം, തിരിതെളിക്കല്‍ എന്നിവയും സാധാരണയായുള്ള ആരാധനാക്രമത്തില്‍ മാറ്റം വരുത്തുന്നതൊന്നും അനുവദനീയമല്ല.അത്തരത്തിലുള്ള ആഘോഷങ്ങളുടെ ഭാഗമായി വിരുന്ന് നല്‍കുന്നതോ സമ്മാനങ്ങള്‍ കൊടുക്കുന്നതോ വാങ്ങുന്നതോ അനുവദനീയമല്ല' എന്നായിരുന്നു സാക്കിര്‍ ഫേസ്ബുക്ക് കുറിപ്പില്‍ പറഞ്ഞത്. ഇങ്ങനെ നിരന്തരം മറ്റ് മതങ്ങളെ വെറുക്കാന്‍ മാത്രമാണ് നായ്ക് പ്രചരിപ്പിക്കുന്നു. ഇസ്ലാമാണ് എല്ലാമെന്നുള്‍പ്പെടെ തീവ്രമതവികാരം ഇളക്കിവിടുന്നതില്‍ നായ്ക് മുന്നിലാണ്. ഇയാളെ പൂട്ടേണ്ടത് ഇന്ത്യയുടെ സുരക്ഷയ്ക്ക് അത്യാവാശ്യമാണ്.