ഏഴാം ക്ലാസ്സുകാരനെ അച്ഛന്‍ മുഖത്തടിച്ചു പരുക്കേല്‍പിച്ചു... കുട്ടിയുടെ മുത്തച്ഛന്‍ നല്‍കിയ പരാതിയില്‍ അച്ഛനെ പോലീസ് പിടികൂടി
ഏഴാം ക്ലാസ്സുകാരനെ അച്ഛന്‍ മുഖത്തടിച്ചു പരുക്കേല്‍പിച്ചു. കൊല്ലം ചിതറയിലാണ് സംഭവം. ഏഴാം ക്ലാസ് വിദ്യാര്‍ത്ഥിയായ മകന്റെ മുഖത്തടിച്ചു പരുക്കേല്‍പിച്ച കേസില്‍ അച്ഛനെ പോലീസ് പിടികൂടി. കുറക്കോട് സ്വദേശിയെയാണ് ജുവനൈല്‍ ജസ്റ്റിസ് ആക്ട് പ്രകാരം ചിതറ പൊലീസ് അറസ്റ്റ് ചെയ്തത്. ജുവനൈല്‍ ജസ്റ്റിസ് ആക്ടിലെ വിവിധ വകുപ്പുകള്‍ ചുമത്തിയ പൊലീസ് പ്രതിയെ കോടതിയില്‍ ഹാജരാക്കി റിമാന്റ് ചെയ്തു.
ഇന്ന് രാവിലെയാണ് പതിനൊന്നുകാരനെ വര്‍ക് ഷോപ്പ് ജീവനക്കാരനായ അച്ഛന്‍ ക്രൂരമായി മര്‍ദ്ദിച്ചത്. ഉറക്കത്തില്‍ നിന്നും എണിക്കാന്‍ വൈകിയതിനാണ് വിദ്യാര്‍ത്ഥിയുടെ മുഖത്തടിച്ചത്. അടിയേറ്റ് വീണ പതിനൊന്നുകാരനെ കടയക്കല്‍ താലൂക്ക് ആശുപത്രിയിലെത്തിച്ച് ചികിത്സ നല്‍കി.
കുട്ടിയുടെ കണ്ണിന് സമീപം സാരമായി പരിക്കേല്‍ക്കുകയും ചുണ്ട് പൊട്ടുകയും ചെയ്തു. തുടര്‍ന്ന് കുട്ടിയുടെ മുത്തച്ഛന്‍ നല്‍കിയ പരാതിയിലാണ് പ്രതി പിടിയിലായത്. പ്രതി നിരന്തരം പതിനൊന്നുകാരനെ മര്‍ദ്ദിക്കാറുണ്ടായിരുന്നുവെന്ന് പൊലീസ് പറഞ്ഞു. നിരന്തര വഴക്ക് കാരണം ഇയാളുടെ ഭാര്യ നേരത്തെ ഉപേക്ഷിച്ചു പോയിരുന്നു.
https://www.facebook.com/Malayalivartha
