മേവറം ബൈപ്പാസിലുണ്ടായ വാഹനാപകടത്തില്‍ യുവാവിന് ദാരുണാന്ത്യം. ചന്ദനത്തോപ്പ് സ്വദേശി അനസ് (30) ആണ് മരിച്ചത്. രാവിലെ ആറരയോടെയാണ് അപകടം ഉണ്ടായത്.

തിരുവനന്തപുരം റിസര്‍വ് ബാങ്ക് ഓഫ് ഇന്ത്യയിലെ സുരക്ഷാ ചുമതലയിലുണ്ടായിരുന്ന കേരള പൊലീസ് കോണ്‍സ്റ്റബിളായിരുന്നു മരിച്ച അനസ്. 

 അതേസമയം  ഓട്ടോറിക്ഷയും കാറും കൂട്ടിയിടിച്ച് അപകടമുണ്ടായപ്പോള്‍ നഷ്ടപരിഹാരമായി കാറുകാരന്‍ പണം ആവശ്യപ്പെട്ടതില്‍ മനംനൊന്ത് ഓട്ടോറിക്ഷാ ഡ്രൈവര്‍ ആത്മഹത്യ ചെയ്തതായി കുടുംബത്തിന്റെ ആരോപണം...

കാറുകാരന്‍ 48,000 രൂപ ആവശ്യപ്പെട്ടതില്‍ ഏറെ വിഷമത്തിലായിരുന്നു യുവാവ്. നാട്ടുകാര്‍ക്ക് മുന്നില്‍ വച്ചുള്ള അധിക്ഷേപങ്ങളില്‍ മനംനൊന്ത് ഓട്ടോ ഡ്രൈവര്‍ ആയ 21 കാരന്‍ ആത്മഹത്യ ചെയ്തതായാണ് കുടുംബം പറയുന്നത്.

വിഴിഞ്ഞം ഉച്ചക്കട എസ് എസ് നിവാസില്‍ ആദര്‍ശ് എസ് എസ് ആണ് വെള്ളിയാഴ്ച രാത്രി ആത്മഹത്യ ചെയ്തത്. വെള്ളിയാഴ്ച രാത്രി 7 മണിയോടെ ഉച്ചക്കട - പയറ്റുവിള റോഡില്‍ ഹനുമാന്‍ സ്വാമി ക്ഷേത്രത്തിന് സമീപത്തായി ആദര്‍ശ് ഓടിച്ചിരുന്ന ഓട്ടോറിക്ഷയും ഒരു സ്വിഫ്റ്റ് കാറുമായി കൂട്ടിയിടിച്ചിരുന്നു.

കാറില്‍ ഇടിച്ച ശേഷം നിയന്ത്രണം വിട്ട ഓട്ടോറിക്ഷ സമീപത്തെ പോസ്റ്റില്‍ ഇടിച്ചാണ് നിന്നത്. അപകടത്തില്‍ ആദര്‍ശിന് കാലിന് പരിക്ക് പറ്റിയിരുന്നു. തുടര്‍ന്ന് കാര്‍ ഓടിച്ചിരുന്ന യുവാവ് ഓട്ടോറിക്ഷ ലൈറ്റ് ഇല്ലാതെ വന്ന് ഇടിച്ചതാണെന്നും അതിനാല്‍ വാഹനം കണ്ടില്ലെന്നും ആദര്‍ശ് മദ്യപിച്ചാണ് വാഹനം ഓടിച്ചതെന്നും തടിച്ചുകൂടിയ നാട്ടുകാര്‍ക്ക് മുന്നില്‍ ആരോപണം ഉന്നയിച്ചു.