മുഖ്യമന്ത്രി ഉമ്മന്‍ ചാണ്ടിയും എക്‌സൈസ് മന്ത്രി കെ.ബാബുവും രാജിവയ്ക്കണമെന്ന് ആവശ്യപ്പെട്ടുള്ള എല്‍.ഡി.എഫ് മാര്‍ച്ച് പ്രതിപക്ഷ നേതാവ് വി.എസ്.അച്യുതാനന്ദന്‍ ഉദ്ഘാടനം ചെയ്തു. ഉമ്മന്‍ചാണ്ടിയെപ്പോലെ ഇത്രയും നാണം കെട്ടൊരു മുഖ്യമന്ത്രിയെ കേരളം കണ്ടിട്ടില്ലെന്നും, അല്‍പ്പമെങ്കിലും ലജ്ജയുണ്ടെങ്കില്‍ അദ്ദേഹം സ്ഥാനത്ത് തുടരരുതെന്നും വി.എസ് ആവശ്യപ്പെട്ടു. ഡി.ജി.പി സെന്‍കുമാറിനെതിരെയും രൂക്ഷവിമര്‍ശനവുമായി വി.എസ് രംഗത്തെത്തി. അഴിമതിയുണ്ടെന്ന് ജേക്കബ് തോമസ് പറയുമ്പോള്‍ ഡി.ജി.പി കൊഞ്ഞനം കുത്തുന്നു. സര്‍ക്കാരിനെ ന്യായീകരിയ്ക്കുകയാണ് ഡി.ജി.പി നിരന്തരം ചെയ്യുന്നതെന്നും വി.എസ് പറഞ്ഞു. 

ഇതിനിടെ മുഖ്യമന്ത്രിയ്‌ക്കെതിരെ രൂക്ഷ വിമര്‍ശനവുമായി സി.പി.എം പൊളിറ്റ് ബ്യൂറോ അംഗം പിണറായി വിജയനും രംഗത്തെത്തി. ഉമ്മന്‍ചാണ്ടി വഴി വിട്ട് സഞ്ചരിച്ചതിന്റെ ഒരേട് മാത്രമാണ് സോളാറെന്ന് പിണറായി പറഞ്ഞു. ഉമ്മന്‍ചാണ്ടിയ്ക്ക് ഒരു നിമിഷം പോലും മുഖ്യമന്ത്രി സ്ഥാനത്ത് തുടരാനുള്ള അര്‍ഹതയില്ലെന്നും പിണറായി പറഞ്ഞു.

ഈ ആവശ്യം ഉന്നയിച്ച് സമരപരിപാടികള്‍ ശക്തമാക്കാനാണ് ഇടതുപക്ഷത്തിന്റെ ആവശ്യം. വിവിധ കേന്ദ്രങ്ങളിലേക്കും സമര പ്രക്ഷോഭങ്ങള്‍ നടത്തും. ഒരു രണ്ടാം സോളാര്‍ സമരം കൂടി നയിക്കാനുള്ള അണിയറ നീക്കങ്ങളും നടക്കുന്നുണ്ട്. ഇലക്ഷന്‍ അടുക്കുന്നതിനാല്‍ ഇനിയും ഈ വിഷയം ശക്തമാക്കി തെരഞ്ഞെടുപ്പിനെ നേരിടാനും കര്‍മ്മപദ്ധതിയുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha