ഭര്‍ത്താവിനെ തലയ്ക്കടിച്ച് കൊലപ്പെടുത്തിയ കേസില്‍ അറസ്റ്റിലായ ഭാര്യ പ്രിയങ്ക റിമാന്റില്‍. കൊല്ലം കടയ്ക്കലില്‍ കഴിഞ്ഞ ദിവസമാണ് സംഭവമുണ്ടായത്. തലയ്ക്ക് പിന്നിലേറ്റ ക്ഷതമാണ് മരണകാരണമെന്നാണ് പോസ്റ്റ്മോര്‍ട്ടത്തിലെ കണ്ടെത്തല്‍. സാജുവിന്റെ തലയില്‍ നിരവധി ക്ഷതങ്ങളുണ്ടെന്നും റിപ്പോര്‍ട്ടില്‍.

ഇരുവരും തമ്മിലുണ്ടായ വഴക്കിന് ഒടുവിലായിരുന്നു കൊലപാതകം നടന്നത്. വഴക്കിനെ തുടര്‍ന്ന് സാജു യുവതിയെ കയ്യേറ്റം ചെയ്തു. തുടര്‍ന്ന് വീടിന് സമീപം ഇരുന്ന മണ്‍വെട്ടി കൊണ്ട് പ്രിയങ്ക ഭര്‍ത്താവിന്റെ തലയ്ക്ക് അടിക്കുകയായിരുന്നു.

സാജു നിലത്ത് വീഴുന്നത് വരെ യുവതി അടിച്ചു. പിന്നീട് യുവതി തന്നെ പൊലീസിനെ വിവരം അറിയിക്കുകയായിരുന്നു. പ്രിയങ്കയെ കസ്റ്റഡിയിലെടുത്ത പൊലീസ് ഇന്നലെ അറസ്റ്റ് രേഖപ്പെടുത്തി കോടതിയില്‍ ഹാജരാക്കി. കൊലക്കുറ്റമാണ് യുവതിക്കെതിരെ ചുമത്തിരിക്കുന്നത്. സാജു നിരന്തരം വീട്ടിലെത്തി പ്രശ്‌നങ്ങള്‍ ഉണ്ടാക്കുന്നുവെന്നു കാണിച്ചു ഒന്നര മാസം മുമ്പ് കടയ്ക്കല്‍ പൊലീസില്‍ പരാതി നല്‍കിയിരുന്നെങ്കിലും ഉദ്യോഗസ്ഥര്‍ കൃത്യമായി നടപടി എടുത്തില്ലെന്നും ആരോപണമുണ്ട്.

പ്രിയങ്കയെയും സാജുവിനെയും വിളിച്ചു പ്രശ്നം ഒത്തു തീര്‍പ്പാക്കുകയായിരുന്നു. പിന്നാലെ ഓച്ചിറയിലെ ജോലി സ്ഥലത്തേക്ക് മടങ്ങിയ സാജു കഴിഞ്ഞ ദിവസം വീണ്ടുമെത്തി പ്രശ്‌നങ്ങള്‍ സൃഷ്ടിച്ചതോടെയാണ് കൊലപാതകത്തിലേക്ക് നയിച്ചത്.