കശ്മീലെ രജൗരിയിലും ബാരാമുല്ലയിലും സുരക്ഷാസേനയും ഭീകരരുമായി വീണ്ടും ഏറ്റുമുട്ടല്‍ ആരംഭിച്ചതായും ഒരു ഭീകരനെ വധിച്ചതായും കശ്മീര്‍ സോണ്‍ പൊലീസ് . ബാരാമുല്ലയിലെ കര്‍ഹാമ കുന്‍സര്‍ മേഖലയില്‍ നടന്ന ഏറ്റുമുട്ടലിലാണ് ഭീകരനെ വധിച്ചത്.

കുന്‍സര്‍ സ്റ്റേഷന്‍ പരിധിക്ക് കീഴിലുള്ള കര്‍ഹാമ ഗ്രാമത്തില്‍ സംശയാസ്പദമായ ചില നീക്കങ്ങളെക്കുറിച്ച് രഹസ്യ വിവരം ലഭിച്ചുതിനെത്തുടര്‍ന്ന് ബാരാമുല്ല പൊലീസ്, ഇന്ത്യന്‍ ആര്‍മി, സി.ആര്‍.പി.എഫ് എന്നിവയുടെ സംയുക്ത ആഭിമുഖ്യത്തിലായിരുന്നു ഓപറേഷന്‍.


അതേസമയം, അഞ്ച് സൈനികര്‍ കൊല്ലപ്പെട്ട രജൗരിയിലെ കാണ്ടി വനത്തില്‍ ഭീകരവിരുദ്ധ ഓപ്പറേഷന്‍ പുരോഗമിക്കുകയാണെന്ന് പ്രതിരോധ വക്താവ് ലഫ്റ്റനന്റ് കേണല്‍ ദേവേന്ദര്‍ ആനന്ദ് .