മഴയെ കുറിച്ചുള്ള ഓരോ വിവരങ്ങളും നമുക്ക് മണിക്കൂറുകൾ ഇടവിട്ട് കിട്ടുന്നുണ്ട്. ഇപ്പോൾ കിട്ടുന്ന ഏറ്റവും പുതിയ വിവരം, മോക്ക' ചുഴലിക്കാറ്റ് രൂപപ്പെടുകയാണ് എന്നതാണ് . മോക്ക' ചുഴലിക്കാറ്റ് രൂപപ്പെട്ട ശേഷം വടക്കോട്ട് നീങ്ങാനാണ് സാധ്യത എന്നാണ് പുറത്ത് വരുന്ന വിവരങ്ങൾ സൂചിപ്പിക്കുന്നത്.

തെക്ക് കിഴക്കൻ ബംഗാൾ ഉൾക്കടലിൽ ചക്രവാതച്ചുഴി രൂപപ്പെട്ടു. മറ്റന്നാളോടെ ഇത് ന്യൂനമ‍ർദ്ദമായി മാറുകയാണ് . പിന്നീട് തീവ്രമാകുന്ന ന്യൂനമർദ്ദം മോക്ക ചുഴലിക്കാറ്റായി മാറുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പ്. മോക്ക ചുഴലിക്കാറ്റ് വരുന്ന സാഹചര്യത്തിൽ ജാഗ്രത പാലിക്കണം. സഞ്ചാരപാതയിലോ, അതിന്റെ ഉറവിടത്തെ കുറിച്ചോ വ്യക്തത വന്നിട്ടില്ല. പക്ഷേ കേരളത്തിൽ മറ്റന്നാളോടെ മഴ ശക്തി പ്രാപിക്കുമെന്നാണ് വിവരങ്ങൾ സൂചിപ്പിക്കുന്നത്.

ഇന്ന് ഒറ്റപെട്ടയിടങ്ങളിൽ മഴ കിട്ടും . കണ്ണൂർ, കാസർകോട് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചിരിക്കുകയാണ് . മറ്റന്നാൾ എറണാകുളം, വയനാട് യെല്ലോ അലർട്ടാണ് . കടൽ പ്രക്ഷുബ്ധമായിരിക്കുമെന്നും മുന്നറിയിപ്പും വന്നിട്ടുണ്ട് . കേരളത്തിൽ അടുത്ത ദിവസങ്ങളില്‍ ഒറ്റപ്പെട്ടയിടങ്ങളിൽ ഇടി/ മിന്നൽ /കാറ്റോട് കൂടിയ മഴക്കും സാധ്യതയുണ്ട്.