ബംഗാള് ഉള്ക്കടലിലെ ന്യൂനമര്ദ്ദം കരുത്താര്ജ്ജിക്കുന്നു.... നാളെ ചുഴലിക്കാറ്റായി രൂപപ്പെടുമെന്ന് കാലാവസ്ഥ വകുപ്പ് നല്കുന്ന മുന്നറിയിപ്പ്... മഴ ശക്തിപ്രാപിച്ചേക്കും
09 MAY 2023 07:21 AM IST
മലയാളി വാര്ത്ത
ബംഗാള് ഉള്ക്കടലിലെ ന്യൂനമര്ദ്ദം കരുത്താര്ജ്ജിക്കുന്നു. തെക്ക് കിഴക്കന് ബംഗാള് ഉള്ക്കടലിലും ആന്ഡമാന് കടലിനും സമീപത്തായാണ് നിലവില് ന്യൂനമര്ദം സ്ഥിതി ചെയ്യുന്നത്.
അടുത്ത മണിക്കൂറുകളില് തീവ്ര ന്യൂനമര്ദ്ദമായി മാറും. നാളെയോടെ ഇത് മോക്കാ ചുഴലിക്കാറ്റായി രൂപം പ്രാപിക്കും. വടക്ക്-വടക്ക് പടിഞ്ഞാറന് ദിശയില് സഞ്ചരിക്കുന്ന മോക്കാ ചുഴലിക്കാറ്റ് മധ്യകിഴക്കന് ബംഗാള് ഉള്ക്കടല് കടന്ന് ബംഗ്ലാദേശ്-മ്യാന്മാര് തീരത്തേക്ക് നീങ്ങുമെന്നാണ് കരുതുന്നത്.
കേരളത്തെ ചുഴലിക്കാറ്റ് നേരിട്ട് ബാധിക്കില്ലെങ്കിലും മഴയ്ക്ക് കാരണമാകും. ഇന്ന് ഒരു ജില്ലയിലും പ്രത്യേക മഴ മുന്നറിയിപ്പില്ല. മത്സ്യത്തൊഴിലാളികള് ജാഗ്രത പാലിക്കാനായി മുന്നറിയിപ്പുണ്ട്.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
