വാഹനമോടിക്കുന്നവര്‍ ഉറക്കത്തില്‍പ്പെട്ട് അപകടം ഉണ്ടാകാതിരിക്കാന്‍ വെയറബിള്‍ സ്ലീപ് അലാറം നിര്‍ബന്ധമാക്കുന്ന കാര്യം പരിഗണനയിലാണെന്ന് മന്ത്രി തിരുവഞ്ചൂര്‍ രാധാകൃഷ്ണന്‍ നിയമസഭയെ അറിയിച്ചു. ഒന്‍പതു വര്‍ഷത്തിനിടെ വാഹനങ്ങളുടെ എണ്ണം 123 ശതമാനം വര്‍ധിച്ചു. അപകട നിരക്ക് 13 ശതമാനം കുറഞ്ഞു. 96,48,230 വാഹനങ്ങളാണുള്ളത്.

കഴിഞ്ഞ വര്‍ഷം 36,282 വാഹനാപകടങ്ങളില്‍ 4049 പേര്‍ മരിച്ചു. 13,167 അപകടങ്ങളും ഇരുചക്രവാഹനങ്ങള്‍ ഉള്‍പ്പെട്ടതാണ്. 1343 ഇരുചക്രവാഹന യാത്രക്കാര്‍ മരിച്ചു. അപകടകരമായി വാഹനമോടിക്കാന്‍ യുവാക്കളെ പ്രേരിപ്പിക്കുന്ന പരസ്യം നല്‍കുന്ന കമ്പനികള്‍ക്ക് സാമൂഹിക പ്രതിബദ്ധതയുണ്ടാകണം. നിയമത്തിനുള്ളില്‍ നിന്ന് ചെയ്യാനാവുന്നത് സര്‍ക്കാര്‍ ചെയ്യും.

അപകടമേഖലകളിലെ പരസ്യബോര്‍ഡുകള്‍ നീക്കി സൈന്‍ ബോര്‍ഡുകള്‍ സ്ഥാപിക്കുമെന്ന് എം.വി ശ്രേയാംസ് കുമാര്‍, റോഷി അഗസ്റ്റിന്‍, എന്‍. ജയരാജ് എന്നിവരെ മന്ത്രി അറിയിച്ചു. കെഎസ്ആര്‍ടിസി ബസപകടങ്ങളില്‍ നഷ്ടപരിഹാരത്തിന് ഇന്‍ഷുറന്‍സ് കമ്പനികള്‍ കാലതാമസം വരുത്തിയാല്‍ നടപടിയെടുക്കുമെന്ന് ശിവദാസന്‍ നായരെ മന്ത്രി അറിയിച്ചു. സ്‌കൂളുകളില്‍ ഗതാഗത നിയമംപഠിപ്പിക്കുന്ന കാര്യം പരിഗണനയിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha