പിണറായിക്കെതിരെയോ സര്‍ക്കാരിനെതിരെയോ പറഞ്ഞാല്‍ കേസെടുക്കുമെന്ന നിയമമാണ് കേരളത്തില്‍ ഇപ്പോഴുള്ളത്. അങ്ങനെയെങ്കില്‍ കൈതോലപ്പായയില്‍ ഉന്നത സിപിഎം നേതാവിന് വേണ്ടി പണം കടത്തിയെന്ന വാദത്തില്‍ ശക്തിധരനെ കാത്തിരിക്കുന്നത് ജയിലറയോ അതോ ഇന്നോവോയെന്ന ചോദ്യം ഉയരുന്നു. മോണ്‍സണ്‍ കേസില്‍ കെ സുധാകരന്‍ അനധികൃത പണമിടപാട് നടത്തിയെന്നും പറഞ്ഞ് അറസ്റ്റ് ചെയ്തത്. എങ്കില്‍ കൈതോലപ്പായയിലെ പണം കടത്തലിനെക്കുറിച്ച്, ഒരുകാലത്ത് കൂടെ ഉണ്ടായിരുന്ന വിശ്വസ്തന്‍ പറയുമ്പോള്‍ ഈ ഉന്നത നേതാവിനെതിരെ കേസെടുക്കുമോ ഭരണകൂടമേ. അയ്യോ കേസെടുത്താല്‍ കേരളത്തിന് ഒരു മുഖ്യമന്ത്രി ഇല്ലാതെ പോകുമേ എന്ന് പരിതപിക്കാനേ സിപിഎമ്മിന് കഴിയൂ.

ദേശാഭിമാനി മുന്‍ അസോഷ്യേറ്റ് എഡിറ്റര്‍ ജി.ശക്തിധരന്റെ വെളിപ്പെടുത്തലില്‍ ചൂടുപിടിക്കുകയാണ് കേരള രാഷ്ട്രീയം. സിപിഎം നേതൃത്വത്തിനും മുഖ്യമന്ത്രിക്കും എതിരെ പതിവായി വിമര്‍ശനം ഉന്നയിക്കുന്ന ശക്തിധരന്‍ ഫെയ്‌സ്ബുക്കിലൂടെ തന്നെയാണ് സാമ്പത്തിക ആരോപണവും ഉന്നയിച്ചത്. സിപിഎമ്മില്‍ നിന്നു പുറത്താക്കപ്പെട്ടയാളാണ് ശക്തിധരന്‍. അതുകൊണ്ട് ശക്തിധരന്റെ വെളിപ്പെടുത്തലുകള്‍ക്ക് മൂര്‍ച്ച കൂടും. കൈതോലപ്പായയില്‍ പൊതിഞ്ഞ് രണ്ട് കോടി മുപ്പത്തിഅയ്യായിരം രൂപ കോടി ഉന്നത സിപിഎം നേതാവ് കൈപ്പറ്റിയെന്ന് ഗുരുതര ആരോപണവും ശക്തിധരന്‍ ഉന്നയിച്ചു. തിരുവനന്തപുരം മുതല്‍ ടൈം സ്‌ക്വയര്‍വരെ പ്രശസ്തനായ നേതാവാണിതെന്നും പോസ്റ്റില്‍ പറയുന്നു.

കൊച്ചി കലൂരിലെ തന്റെ ഓഫീസിലെ മുറിയില്‍ വെച്ച് ഉന്നതനായ നേതാവിനെ പണം എണ്ണാന്‍ താന്‍ സഹായിച്ചുവെന്ന് ശക്തിധരന്‍ പറയുന്നു. വന്‍ തോക്കുകളില്‍ നിന്നും ഈ നേതാവ് വാങ്ങിയ പണമാണ് എണ്ണിയത്. രണ്ട് കോടി മുപ്പത്തയ്യായിരം രൂപയാണ് ഉണ്ടായിരുന്നത്. കൈതൊലപ്പായയില്‍ പൊതിഞ്ഞാണ് ഈ പണം കൊണ്ട് പോയത്. നിലവിലെ ഒരു മന്ത്രിയുടെ കാറിലാണ് ഈ പണം തിരുവനന്തപുരത്തേക്ക് കൊണ്ടുപോയതെന്നും ശക്തിധരന്‍ ആരോപിച്ചു. ഒരിക്കല്‍ കോവളത്ത് വെച്ച് ഈ നേതാവിന് ഒരു കോടീശ്വരന്‍ രണ്ട് കവറിലായി പണം കൈമാറിയെന്നും ആരോപണമുണ്ട്. ഇതില്‍ ഒരു കവര്‍ പാര്‍ട്ടി സെന്ററില്‍ ഏല്‍പ്പിച്ചു. ഈ പെട്ടി തുറന്ന് ഓഫീസ് സ്റ്റാഫ് മറ്റൊരു സ്റ്റാഫിന്റെ സാന്നിധ്യത്തില്‍ പണം എണ്ണിയപ്പോള്‍ പത്ത് ലക്ഷം രൂപയുണ്ടായിരുന്നു. നേതാവ് കൊണ്ടുപോയ കവറിലും ഇത്ര തന്നെ തുകയുണ്ടായിരുന്നിരിക്കണമെന്നും ശക്തിധരന്‍ ആരോപിക്കുന്നു. തനിക്കെതിരായി ഇനിയും സൈബര്‍ ആക്രമണം തുര്‍ന്നാല്‍ കൂടുതല്‍ കാര്യങ്ങള്‍ വെളിപ്പെടുത്തുമെന്നാണ് ശക്തിധരന്റെ മുന്നറിയിപ്പ്.

'തനിക്കെതിരെ വികല ഗോത്രഭാഷ ഉപയോഗിക്കുന്നതില്‍ അതിനിപുണന്‍ ഒരു മന്ത്രി തന്നെയാണ്. അയാളുടെ ആദ്യഭാര്യയോട് എങ്ങിനെയാണ് പകവീട്ടിയതെന്ന് ആ ഭാഷയില്‍ നിന്ന് മനസിലാകും. അതിപ്പോള്‍ കഌഫുകളില്‍ എത്തിയിയിരിക്കുകയാണ്. അവിടത്തെ ശീലാവതിയെ പഠിപ്പിക്കുന്നതും ഇതേ ഭാഷയാണത്രെ. സിംഹാസനത്തില്‍ ഇരിക്കുന്ന ആണും പെണ്ണും നടുറോഡില്‍ തുണിയുരിഞ്ഞു നില്‍ക്കുമ്പോഴേ അപമാനം മനസിലാകൂ. എന്നെയും കുടുംബത്തെയും ഇനിയും അപമാനിക്കാന്‍ ശ്രമിച്ചാല്‍ കൂടെ കിടത്തിയിരുന്നവരെയും കൊണ്ട് ഓടേണ്ടിവരിക മന്ത്രിമാര്‍ ആയിരിക്കും' ജി ശക്തിധരന്‍ മുന്നറിയിപ്പ് നല്‍കി. ഒരു വെല്ലുവിളിയാണ് ശക്തിധരന്‍ നടത്തിയിരിക്കുന്നത്.

ശക്തിധരന്റെ വാക്കുകളില്‍ സിപിഎം നേതാക്കള്‍ മറുപടിയുമായ് രംഗത്ത് വന്നിട്ടില്ല. വെല്ലുവിളി ഏറ്റെടുത്താല്‍ നാറും എന്നുള്ളത് കൊണ്ടാകും. കാരണം ഇവരുടെയൊക്കെ തൊട്ടിത്തരം അറിയാവുന്ന ഒരാള്‍ തന്നെയാണ് വെല്ലുവിളിച്ചിരിക്കുന്നത്. ശക്തിധരനെ കൂടുതല്‍ ചൊടിപ്പിക്കാന്‍ നിന്നാല്‍ അരമന രഹസ്യങ്ങള്‍ അങ്ങാടിപ്പാട്ടാകും. എന്തായാലും പ്രതിപക്ഷത്തിന് കൃത്യമായ ഒരായുധം വീണുകിട്ടി. അതും എതിര്‍പാളയത്തില്‍ നിന്ന് തന്നെ വീണുകിട്ടുമ്പോള്‍ കരുത്ത് കൂടും. പ്രതിപക്ഷം ഇതെങ്കിലും വേണ്ടവിധത്തില്‍ ഉപയോഗിച്ചാല്‍ നിങ്ങള്‍ക്ക് കൊള്ളാമെന്നേ നമുക്ക് പറയാനുള്ളു. സിപിഎമ്മിന്റെ മൂട്ടിലിട്ടാണ് ശക്തിധരന്‍ വെടിപൊട്ടിച്ചിരിക്കുന്നത്. തെക്ക് വടക്ക് ഓടി തുടങ്ങിയിട്ടുണ്ട് നേതാക്കള്‍. എന്തായാലും ഇതിലും മുഖ്യമന്ത്രി പിണരായി വിജയന്‍ വാ തുറക്കില്ല. അല്ലെങ്കില്‍ പൊതുമധ്യത്തില്‍ വന്ന് നിന്ന് ഊരിപ്പിടിച്ച വാളിനിടയിലൂടെ എന്ന വിരട്ടും പ്രത്യേക ഏക്ഷനും ഒക്കെ വന്നേ. പക്ഷെ അടുത്തകാലത്തായിട്ട് ഈ വിരട്ടൊന്നും മുഖ്യമന്ത്രി പുറത്തെടുക്കുന്നില്ല. മൂപ്പര് ആകെ ക്ഷീണത്തിലാണ്.