ബീഗിളിന്റെ ഉടമയെ തേടി പാല പൊലീസ്...
പാല പൊലീസ് സ്റ്റേഷനില് ഒരാള് തന്റെ യജമാനനെയും കാത്ത് ഇരിപ്പുണ്ട്. ടൗണില് അലഞ്ഞുതിരിഞ്ഞ നായക്കുട്ടിയാണ് ആ ഒരാള്. വിപണിയില് നല്ല വിലയുള്ള ബീഗിള് ഇനം നായയാണ്. പ്രസവിച്ച് അധികം ദിവസങ്ങളാകാത്ത നായക്കുട്ടിയെ പാലാ ടൗണില് നിന്നും രണ്ട് യുവാക്കളാണ് ആദ്യം കണ്ടെത്തിയത്. മുന്തിയ ഇനത്തില്പ്പെട്ട നായക്കുട്ടിയാണെന്ന് മനസിലാക്കിയതോടെ ഇവര് പാല പൊലീസ് സ്റ്റേഷനിലെത്തിക്കുകയായിരുന്നു.
പാലാ പൊലീസ് ഇതുസംബന്ധിച്ച് ചിത്രം സഹിതം അറിയിപ്പ് കൊടുത്തെങ്കിലും ഇതുവരെ അവനെ തേടി ഉടമ എത്തിയിട്ടില്ല. എന്തായാലും നായക്കുട്ടിക്ക് സംരക്ഷണം നല്കി ഉടമയെ കാത്തിരിക്കുകയാണ് പാല പൊലീസ്. ഉടമയെ അന്വേഷിച്ച് കേരള പൊലീസ് തങ്ങളുടെ ഔദ്യോഗിക ഫേസ്ബുക്ക് പേജില് പോസ്റ്റ് ഇട്ടതോടെയാണ് സംഭവം പുറത്തറിയുന്നത്.
ഫേസ്ബുക്ക് കുറിപ്പിന്റെ പൂര്ണ്ണരൂപം....
പാലാ ടൗണില് അലഞ്ഞുതിരിഞ്ഞ നിലയില് കണ്ടെത്തിയ സുന്ദരന് നായക്കുട്ടിയെ ഇന്നലെ പുലര്ച്ചെയോടെയാണ് രണ്ടു ചെറുപ്പക്കാര് പാലാ പോലീസ് സ്റ്റേഷനിലെത്തിച്ചത്. പാലാ പൊലീസ് ഇതുസംബന്ധിച്ച് ചിത്രം സഹിതം അറിയിപ്പ് കൊടുത്തെങ്കിലും ഇതുവരെ അവനെ തേടി ഉടമ എത്തിയിട്ടില്ല. ബീഗിള് ഇനത്തില്പ്പെട്ടതാണ് നായക്കുട്ടി. വിപണിയില് നല്ല വിലയുള്ള ബീഗിള് ബുദ്ധിയിലും സ്നേഹപ്രകടനങ്ങളിലും മുന്നിലാണ്. രണ്ടു ദിവസത്തിനുള്ളില് ഉടമസ്ഥന് എത്തിയില്ലെങ്കില് പൊലീസിന്റെ ശ്വാനവിഭാഗത്തിലേക്ക് ഇവനെ കൈമാറാനാണ് തീരുമാനം. ഉടമസ്ഥര് പാലാ പോലീസ് സ്റ്റേഷനുമായി ബന്ധപ്പെടാം. ഫോണ്:0482 2212334
https://www.facebook.com/Malayalivartha
