തൊപ്പി ആഘോഷിക്കപ്പെടേണ്ട ആളല്ല എന്ന് ഒരു കൂട്ടര്‍ പറയുമ്പോള്‍ മറുഭാഗത്തിന്റെ വാദം. അവന്‍ എന്ത് തെറ്റ് ചെയ്തു തെറി പറഞ്ഞതാണോ, പോലീസ് പച്ചത്തെറി വിളിക്കുന്നതോ തെറി സിനിമ ഇറങ്ങുന്നതോ എന്ന ന്യായീകരണം നിരത്തുന്നു. പോലീസ് തെറി വിളിക്കുന്നതിനേയും ചുരുളി എന്ന സിനിമ ഇറങ്ങിയതിനേയും ഇവിടെ എതിര്‍ക്കുന്നുണ്ട്. പിന്നെ തൊപ്പി ആഘോഷിക്കപ്പെടേണ്ട ആളല്ല. കുറേ മനുഷ്യര്‍ പറയുന്നത് കേട്ടു അവന്‍ ഞങ്ങള്‍ക്ക് എന്റര്‍ടെയ്ന്‍മെന്റ് ആണ് എന്ന്. നിങ്ങള്‍ക്ക് എന്റര്‍ടെയ്ന്‍മെന്റ് ആയിരിക്കും പക്ഷെ ആ ചെറുപ്പക്കാരന്‍ ഈ സമൂഹത്തിന് മുന്നില്‍ നിന്ന് കോമാളിയാകുകയാണ്. അവനെ ആഘോഷിക്കുന്ന കൂട്ടരോട് പറയാനുള്ളത് നിങ്ങള്‍ ചെയ്യുന്നതും ഒരു തരത്തില്‍ ക്രൈം ആണ്.

എന്ത് തെറിയും അശ്ലീലവും പറഞ്ഞായാലും കാഴ്ചക്കാര്‍ കൂടി വരുമാനം കൂടുന്നത് അയാളെ കൂടുതല്‍ കൂടുതല്‍ 'മോശക്കാരന്‍ ' ആക്കുകയാണ്. അങ്ങനെ വരുമാനം കൂടി വേണ്ടി എന്തും കാണിക്കാന്‍ മടിയില്ലാത്ത ഒരു മനോഭാവത്തിലേക്കാണ് ആ ചെറുപ്പക്കാരന്‍ ചെന്ന് വീണിരിക്കുന്നത്. നിസ്സാരം ഒരു ചോദ്യം ചോദിച്ചോട്ടേ.....അവനെ തലയിലേറ്റി നടക്കുന്നവരോടാണ് അവനെ പോലെ ഒരാള്‍ നിങ്ങളുടെ കുടുംബത്തില്‍ ഉണ്ടെങ്കില്‍ ഇതേ രീതിയില്‍ നിങ്ങള്‍ ആഘോഷിക്കുമോ അവനേയും. നിങ്ങളുടെ കുട്ടികള്‍ തെറി വിളിക്കുന്നതിനെ നിങ്ങല്‍ പ്രോത്സാഹിപ്പിക്കുമോ. ഇല്ല കാരണം അത് നിങ്ങളുടെ കുടുംബത്തിലെ ഒരാളാണ്. ഇത് ആരാന്റമ്മയ്ക്ക് ഭ്രാന്ത് വന്നാല്‍ കാണാന്‍ നല്ല ചേലാണ് പക്ഷെ സ്വന്തം കുടുംബത്തിലായാല്‍ സങ്കപ്പെടും.

അറിഞ്ഞോ അറിയാതെയോ മാനസിക വൈകല്യം അനുഭവിക്കുന്ന ഒരു ചെറുപ്പക്കാരനെ ആഘോഷിക്കുകയാണ് നിങ്ങള്‍. ആ ചെറുപ്പക്കാരന് വേണ്ടത് കൃത്യമായ കൗണ്‍സിലിങ്ങും ചികിത്സയുമാണ്. പബ്ജി കളിച്ച് അതിന് അടിമപ്പെട്ട് പോയ ഒരു ചെറുപ്പക്കരാനാണത്. തൊപ്പി വിവാദം വന്നതോടെ ഞാന്‍ ആ ചെറുപ്പക്കാരന്റെ വീഡിയോ കാണുന്നത്. ഒരു പത്ത് മിനിറ്റ് പോലും നെറ്റിചുളിയാതെ ആ വീഡിയോ കാണാന്‍ എനിക്ക് കഴിഞ്ഞില്ല. ബാല്യ കൗമാരങ്ങളില്‍ ഉണ്ടാകുന്ന അനുഭവങ്ങള്‍ ഒരു വ്യക്തിയെ പോസിറ്റീവ് ആയും നെഗറ്റീവ് ആയും സ്വാധീനിക്കാം... അത് ഏറ്റവും നെഗറ്റീവ് ആയി സ്വാധീനിച്ച ഒരു ചെറുപ്പക്കാരനാണ് നിഹാദ്. തെറി വിളി മാത്രമല്ല ആ ചെറുപ്പക്കാരന്റെ ബോഡിലാംഗ്വേജ് അതിന്റെ രീതികള്‍ കണ്ടിരിക്കുന്ന ആരിലും അസ്വസ്തത ഉണ്ടാക്കും. അയാളുടെ മോശം പദപ്രയോഗങ്ങളും പെരുമാറ്റങ്ങളും പുതുതലമുറ അനുകരിക്കുന്നുണ്ട് എങ്കില്‍ അത് ഒരു വിപത്ത് തന്നെയാണ്. സിനിമയേക്കാള്‍ കൂടുതല്‍ കുട്ടികലെ സ്വാധീനിക്കുന്നുണ്ട് വ്‌ളോഗുകള്‍. പല വ്‌ളോഗര്‍മാരുടേയും ആരാധകരായ് വലിയ കുട്ടിക്കൂട്ടം ഉണ്ട്. അതുകൊണ്ടാണല്ലോ ഇ ബുള്‍ ജെറ്റിനെ എംവിഡി പിടികൂടിയപ്പോള്‍ കേരളം കത്തിക്കുമെന്ന് ഈ കുട്ടി ആരാധകര്‍ ആക്രോശിച്ചത്. അതുപോലെ തന്നെയാണ് തൊപ്പിയുടെ കാര്യത്തിലും കുട്ടിക്കൂട്ടം ഇളകിയത്. ഒരു സ്ത്രീയുടെ കമന്റ് ശ്രദ്ധയില്‍പ്പെട്ടത് വൈകിട്ട് സ്‌കൂള്‍ വിട്ട് വരുന്ന രണ്ടാംക്ലാസ്സില്‍ പടിക്കുന്ന എന്റെ മകന്‍ ഇതെങ്ങനെ സഹിക്കുമെന്നാണ്. എത്ര നല്ല വിവരക്കേട് ആ സ്ത്രീ വളര്‍ത്തുന്ന കുട്ടിയെ കുറിച്ചോര്‍ത്ത് സഹതാപം തോന്നുന്നു. ഇങ്ങനെയാണ് നിങ്ങളുടെ പേരന്റിങ്ങെങ്കില്‍ തൊപ്പിയേക്കാള്‍ പേരെടുക്കും ആ മകന്‍. അങ്ങനെ ഉണ്ടാകാതിരിക്കട്ടെ. സിനിമയും വ്‌ളോഗും സീരിയലും ഒക്കെ കുട്ടികളെ ഇന്‍ഫുളവന്‍സ് ചെയ്യും അതുപോലെ കുട്ടികള്‍ പെരുമാറും, അവരെ ചെറുപ്പത്തിലേ കാര്യങ്ങള്‍ പറഞ്ഞ് മനസ്സിലാക്കി തിരുത്തേണ്ടതിന് പകരം അത് പ്രോത്സാഹിപ്പിക്കുന്ന മനുഷ്യരെ നിങ്ങള്‍ നിങ്ങളുടെ മക്കളുടെ ഭാവിയാണ് നശിപ്പിക്കുന്നത്.

നിങ്ങളില്‍ എത്രപേര്‍ക്ക് അല്ലെങ്കില്‍ എത്ര കുട്ടികള്‍ക്ക് അഭിലാഷ് ടോമിയെ അറിയാം. പായ്വഞ്ചിയില്‍ ഒറ്റയ്ക്ക് ലോകംചുറ്റിയ ഇന്ത്യക്കാരന്‍, മലയാളിയുടെ അഭിമാനം. ഇത്തരത്തില്‍ ലോകം ചുറ്റിയ രണ്ടാമത്തെ ഏഷ്യക്കാരനുമാണ് അഭിലാഷ് ടോമി. വന്‍ ചരിത്രമാണ് കുറിച്ചത്. എന്നിട്ടും തിരികെ സ്വന്തം നാട്ടില്‍ വന്നിട്ട് എയര്‍പോര്‍ട്ടില്‍ ആ മനുഷ്യനെ മാലയിട്ട് സ്വീകരിക്കാന്‍ ഒരു മലയാളിയും പോയില്ല പോയി കൂട്ടം കൂടിയില്ല. എന്തിനേറെ സര്‍ക്കാര്‍ പ്രതിനിധികല്‍ പോലും പോയില്ല. വേറെ ഏതേലും രാജ്യത്തായിരുന്നെങ്കില്‍ ആമനുഷ്യന്‍ ആഷോഘിക്കപ്പെട്ടേനേ. നിങ്ങളില്‍ എത്രപേര്‍ക്ക് പികെ മുഹമ്മദ് സാലിഹിനെ അറിയാം. ക്‌ഴാചയുള്ളവരോടൊപ്പം കളിച്ച് പിഡെ റേറ്റിങ് നേടിയ കാഴ്ചപരിമിതനായ ചെസ് താരം. പ്രധാനമന്ത്രി നരേന്ദ്ര മോദി പോലും ചേര്‍ത്തുപിടിച്ച് അഭിനന്ദിച്ച കോഴിക്കോടുകാരന്‍. ആ മനുഷ്യന്‍ ദാരിദ്ര്യംകൊണ്ട് തന്റെ രാജ്യാന്തര മെഡല്‍ വില്പനയ്ക്ക് വെച്ച വാര്‍ത്ത പുറത്ത് വന്നിരുന്നു. ഇതുപോലെ കേരളം ആഘോഷി്ക്കപ്പെടേണ്ട ഒരുപാട് സ്റ്റാറുകളുണ്ട്. പക്ഷെ അവരെയൊന്നും മലയാളിക്ക് അറിയത്തതേയില്ല. പകരം ഇവിടെ ആഘോഷിക്കപ്പെടുന്നതും കൂട്ടം കൂടുന്നതും ബിഗ് ബോസ് താരങ്ങളേയും ഇതകുപോലത്തെ വ്‌ളോഗര്‍മാരേയും. എന്നിട്ടും പ്രബുദ്ധ കേരളമാണ് പോലും. പരമ പുച്ഛം തോന്നുന്നു ഈ മനുഷ്യരോട്.