പള്ളുരുത്തിയില് ബൈക്കില് കറങ്ങി നടന്ന് മൊബൈല് ഫോണ് കവര്ച്ച നടത്തിയ കേസിലെ പ്രതി പിടിയില്
പള്ളുരുത്തിയില് ബൈക്കില് കറങ്ങി നടന്ന് മൊബൈല് ഫോണ് കവര്ച്ച നടത്തിയ കേസിലെ പ്രതിയെ പോലീസ് പിടികൂടി. മട്ടാഞ്ചേരി പനയപ്പള്ളി മാളികപറമ്പില് വീട്ടില് അക്ബര് (31) ആണ് പിടിയിലായത്.
പ്രതിയും സുഹൃത്തായ മറ്റൊരാളും കൂടി ബൈക്കില് കറങ്ങി നടക്കുകയും റോഡിലൂടെ ഒറ്റക്ക് പോകുന്നവരെ കാണുമ്പോള് ഫോണ് ചെയ്യുന്നതിനായി അവരുടെ മൊബൈല് ഫോണ് ആവശ്യപ്പെടുകയും അവര് ഫോണ് നല്കുന്ന സമയം ഫോണുമായി കടന്നു കളയുന്നതുമായിരുന്നു പതിവ് രീതി.
ഇപ്രകാരം 2 കേസുകള് പള്ളുരുത്തി പൊലീസ് സ്റ്റേഷനില് രജിസ്റ്റര് ചെയ്തതിന്റെ അടിസ്ഥാനത്തില് പള്ളുരുത്തി പൊലീസ് ഇന്സ്പെക്ടര് ജയന് കെ.എസിന്റെ നേതൃത്വത്തില് എസ് ഐ സിബി.ടി.ദാസ്, എസ് ഐ മനോജ്, എസ്ഐ ബിജോയ്കുമാര്, സിപിഒ ബിബിന് എന്നിവരടങ്ങിയ പൊലീസ് സംഘം നടത്തിയ അന്വേഷണത്തിലാണ് പ്രതി പിടിയിലായത്. കൂട്ടു പ്രതിക്കായുളള അന്വേഷണം ഊര്ജിതമാക്കി.
"
https://www.facebook.com/Malayalivartha
