യുവതിയെ കൊലപ്പെടുത്താന് ശ്രമം,... ആണ് സുഹൃത്ത് കരടി ഉണ്ണിക്ക് കര്ശന ഉപാധികളോടെ ജാമ്യം...
യുവതിയെ ക്രൂരമായ ലൈംഗിക പീഡനത്തിന് വിധേയയാക്കിയ ശേഷം ജീവനോടെ കെട്ടിത്തൂക്കി കൊലപ്പെടുത്താന് ശ്രമിച്ച വധശ്രമക്കേസില് ആണ് സുഹൃത്ത് കരടി ഉണ്ണിക്ക് കര്ശന ഉപാധികളോടെ ജാമ്യം അനുവദിച്ചു.
ജൂണ് 3 മുതല് ജുഡീഷ്യല് കസ്റ്റഡിയില് പാര്പ്പിച്ചിരുന്ന നരുവാമൂട് സ്വദേശി കരടി ഉണ്ണിയെന്ന അനില്കുമാറിനാണ് കര്ശന വ്യവസ്ഥയില് ജാമ്യം നല്കിയത്. തിരുവനന്തപുരം ജില്ലാ കോതിയുടേതാണുത്തരവ്. 50,000 രൂപയുടെ പ്രതിയുടെ സ്വന്തവും തുല്യ തുകക്കുള്ള രണ്ടാള് ജാമ്യ ബോണ്ടും മജിസ്ട്രേട്ട് കോടതിയില് ഹാജരാക്കണം.
കോടതി അനുമതിയില്ലാതെ ജില്ല വിട്ടു പോകരുത്. ഇരയുടെ വാസസ്ഥല പോലീസ് സ്റ്റേഷന് പരിധിക്കുള്ളില് പ്രവേശിക്കരുത്. പ്രതിയുടെ പാസ്പോര്ട്ട് കോടതിയില് കെട്ടിവക്കണം. പാസ്പോര്ട്ട് ഇല്ലായെങ്കില് വിവരത്തിന് സത്യവാങ്മൂലം ഫയല് ചെയ്യണം. എല്ലാ ആഴ്ചയിലും 2 ദിവസം അന്വേഷണ ഉദ്യോഗസ്ഥന് മുമ്പാകെ ഹാജരായി ഒപ്പിടണം. അന്വേഷണവുമായി സഹകരിക്കണം. കേസിലെ വസ്തുത അറിയാവുന്നവരേയോ സാക്ഷികളെയോ സ്വാധീനിക്കാനോ ഭീഷണിപ്പടുത്താനോ തെളിവു നശിപ്പിക്കാനോ പാടില്ല. തുടങ്ങിയ വ്യവസ്ഥയിലാണ് ജാമ്യം അനുവദിച്ചത്.
2023 ജൂണ് 3 ശനിയാഴ്ച രാത്രി പത്തോടെയായിരുന്നു സംഭവം നടന്നത്. യുവതിയുടെ കഴുത്തില് തുണിചുറ്റി മുറിയിലെ സീലിംഗ് ഫാനില് കെട്ടിത്തൂക്കി കൊലപ്പെടുത്താന് ശ്രമിക്കവേയാണ് പ്രതി പിടിയിലായത്. യുവതിയെ കൊലപ്പെടുത്താന് ശ്രമിക്കുന്നത് കണ്ട് യുവതിയുടെ പത്തു വയസ്സുകാരന് മകനാണ് അയല്വാസികളെ വിവരം അറിയിച്ചത്. തുടര്ന്ന് അയല്ക്കാര് എത്തി പൊലീസിനെ വിവരം അറിയിച്ചു. പൊലീസ് എത്തി യുവതിയെ രക്ഷിച്ച ശേഷം പ്രതിയെ കസ്റ്റഡിയില് എടുക്കുകയായിരുന്നു.
സംഭവവുമായി ബന്ധപ്പെട്ട് വിഴിഞ്ഞം പൊലീസ് പ്രതിയെ അറസ്റ്റ് ചെയ്തത്. യുവതിയും പ്രതിയും നേരത്തെ വിവാഹം കഴിഞ്ഞവരാണ്. അതിനിടയില് ഇരുവരും കണ്ട് പരിചയപ്പെടുകയും ഒരുമിച്ച് താമസം ആരംഭിക്കുകയുമായിരുന്നു. കോട്ടുകാലിനടുത്താണ് യുവതിയും മകനും ആണ്സുഹൃത്തായ അനില്കുമാറിനൊപ്പം വാടകയ്ക്കു താമസിച്ചിരുന്നത്. യുവതിക്ക് പത്തുവയസുകാരനായ ഒരു മകനുമുണ്ട്.
കുറച്ചുകാലമായി അനില്കുമാറും യുവതിയും തമ്മില് വഴക്കുണ്ടാകാറുണ്ടെന്നും അയല്ക്കാര് പറയുന്നു. നേരത്തെ കൊലപാതക കേസില് അനില്കുമാര് ജയിലിലായിരുന്നു. തുടര്ന്ന് ജാമ്യം നേടി പുറത്തിറങ്ങുകയായിരുന്നു. പുറത്തിറങ്ങിയ ശേഷമാണ് പ്രതി വിവാഹിതയായ യുവതിയുമായി പരിചയപ്പെടുന്നത്. അതിനുശഷം ഇരുവരും ഒരുമിച്ച് താമസം ആരംഭിക്കുകയുായിരുന്നു.
https://www.facebook.com/Malayalivartha
