മയക്കു ബിസ്ക്കറ്റ് നല്കി ട്രെയിന് കൊള്ള... ക്രീം ബിസ്ക്കറ്റില് ലഹരി കലര്ത്തി നല്കി ട്രെയിന് യാത്രക്കാരെ കൊള്ളയടിച്ച കേസ് വിചാരണക്കായി സെഷന്സ് കോടതിയിലേക്ക് കമ്മിറ്റ് ചെയ്തയച്ചു, പ്രതികളായ ബിഹാര് സ്വദേശി ശത്രുധന് കുമാറിന്റെയും ചുമന് കുമാറിന്റെയും റിമാന്റ് കോടതി ദീര്ഘിപ്പിച്ചു, സെഷന്സ് കോടതിയില് നിന്നും പ്രൊഡക്ഷന് വാറണ്ട് ലഭിക്കുന്ന മുറയ്ക്ക് പ്രതികളെ വീണ്ടും ഹാജരാക്കാന് കോടതി ജില്ലാ ജയില് സൂപ്രണ്ടിനോട് ഉത്തരവിട്ടു
മയക്കു ബിസ്ക്കറ്റ് നല്കി ട്രെയിന് കൊള്ളയടിച്ച പ്രതികളെ വിചാരണ ചെയ്യാന് തിരുവനന്തപുരം ജില്ലാ സെഷന്സ് കോടതിയിലേക്ക് കമ്മിറ്റ് ചെയ്തയച്ചു. തിരുവനന്തപുരം ചീഫ് ജുഡീഷ്യല് മജിസ്ട്രേട്ട് ഷിബു ഡാനിയേലിന്റേതാണുത്തരവ്.
ക്രീം ബിസ്ക്കറ്റില് ലഹരി കലര്ത്തി നല്കി ട്രെയിന് യാത്രക്കാരെ കൊള്ളയടിച്ച കവര്ച്ചാ കേസില് പ്രതികളായ ബിഹാര് സ്വദേശി ശത്രുധന് കുമാറിന്റെയും ചുമന് കുമാറിന്റെയും റിമാന്റ് കോടതി ദീര്ഘിപ്പിച്ച് ജയിലിലേക്ക് തിരിച്ചയച്ചു. സെഷന്സ് കോടതിയില് നിന്നും പ്രൊഡക്ഷന് വാറണ്ട് ലഭിക്കുന്ന മുറയ്ക്ക് പ്രതികളെ വീണ്ടും ഹാജരാക്കാന് കോടതി ജില്ലാ ജയില് സൂപ്രണ്ടിനോട് ഉത്തരവിട്ടു.
രപ്തി സാഗര് എക്സ്പ്രസില് അഞ്ച് ഇതര സംസ്ഥാന തൊഴിലാളികളാണ് 2022 ല് കവര്ച്ചയ്ക്കിരയായത്. തമ്പാനൂര് റെയില്വേ സ്റ്റേഷനിലും കൊച്ചുവേളിയിലുമാണ് പ്രതികള് മോഷണം നടത്തിയത്. തീവണ്ടിയില് സഞ്ചരിക്കുന്ന അതിഥി തൊഴിലാളികളുമായി സൗഹുദം സ്ഥാപിച്ച ശേഷം ലഹരി കലര്ന്ന ബിസ്ക്കറ്റ് നല്കി കവര്ച്ച നടത്തുന്നതാണ് ഒന്നാം പ്രതി ശത്രുധന് കുമാറിന്റെ മോഡസ് ഓപ്പറാന്റി (കുറ്റകൃത്യം ചെയ്യുന്ന രീതി). ബീഹാറിലും സമാനമായ കേസുകളില് ഇയാള് പ്രതിയാണ്. സി സി റ്റി വി ദ്യശ്യങ്ങളിലൂടെയാണ് ഇയാള് പിടിയിലാത്. രപ്തി സാഗര് , കേള എക്സ്പ്രസ് ട്രെയിനുകളില് കവര്ച്ച നടത്തിയ ഇയാള് മോഷണത്തിനു ശേഷം ആലപ്പുയിലാണ് റെയില്വേ പോലീസിന്റെ പിടിയിലായത്. മോഷണം നടന്നതിന് പിന്നാലെ തമ്പാനൂര് റെയില്വേ പോലീസ് സിസിടിവി വഴി ലഭിച്ച മോഷ്ടാവിന്റെ ചിത്രം മറ്റു സ്റ്റേഷനുകളിലേക്ക് പങ്കുവെച്ചിരുന്നു.
കേരള എക്സ്പ്രസില് മലയാളിയെയും കൊള്ളയടിച്ചിരുന്നു
പിടിയിലായ ബീഹാര് ലബാരന് സ്വദേശി ശത്രുധന് കുമാറിന്റെ (42) സംഘത്തിലെ രണ്ടു പേര്ക്കുവേണ്ടി തിരച്ചില് ശക്തമാക്കിയാണ് പൊലീസ് രണ്ടാം പ്രതിയെ പിടികൂടിയത്.
"
https://www.facebook.com/Malayalivartha
