എ ഐ ക്യാമറ ചുമത്തിയ പിഴ അടക്കാതെ മുങ്ങി നടക്കുന്ന ആളുകളുണ്ടെങ്കിൽ ഒന്ന് സൂക്ഷിച്ചോളൂ. നിങ്ങളെ കാത്തിരിക്കുന്നത് മുട്ടൻ പണിയാണ്. എ ഐ ക്യാമറ ചുമത്തിയ പിഴ അടയ്ക്കാത്തവർ‌ക്ക് ഇൻഷൂറൻസ് പുതുക്കാൻ ഒരുപക്ഷേ സാധിക്കില്ല. ഇത്തരം വാഹനങ്ങളുടെ ഇൻഷുറൻസ് പുതുക്കുന്നത് തടയാൻ ആണ് തീരുമാനം. ഇതിനായി കേന്ദ്ര ഉപരിതല ഗതാഗതമന്ത്രാലയം, ഇൻഷുറൻസ് കമ്പനികൾ എന്നിവയെ സമീപിക്കുമെന്ന് ഗതാഗതമന്ത്രി ആന്റണി രാജു പറഞ്ഞു.ഗതാ​ഗത നിയമലംഘനങ്ങൾ ആവർത്തിക്കുകയും പിഴ അടക്കാതിരിക്കുകയും ചെയ്താൻ വാഹനങ്ങൾ കരിമ്പട്ടികയിൽ പെടുത്തുകയാണ് ചെയ്യാറുള്ളത്. ഇതിനൊപ്പം ആയിരിക്കും ഇൻഷൂറൻസ് പുതുക്കുന്നത് തടയുക. എഐ ക്യാമറകൾ പ്രവർത്തിച്ച് തുടങ്ങിയ ശേഷം ഇതുവരെ 25 കോടി രൂപ പിഴ ചുമത്തി.ഇതിൽ 3. 37 കോടി രൂപ മാത്രമാണ് പിഴ അടച്ചത്.

എ ഐ ക്യാമറ ആ​ഗസ്റ്റ് രണ്ട് വരെ കണ്ടെത്തിയത് 32. 42 ലക്ഷം നിയമലംഘനങ്ങളായിരുന്നു. 15.83 ലക്ഷം കേസുകളിലാണ് പിഴ ചുമത്തിയത്. 3. 82 ലക്ഷം പേർക്ക് പിഴയടക്കാൻ ചെലാൻ നോട്ടീസ് അയച്ചു.ലഭിക്കുന്ന ചിത്രങ്ങൾ സൂക്ഷമമായി പരിശോധിച്ച ശേഷമാണ് പിഴ ചുമത്തുന്നത്. 726 എ ഐ ക്യാമറകളാണ് സ്ഥാപിച്ചിട്ടുള്ളത്. ജൂൺ അഞ്ചാം തീയതി മുതലാണ് പിഴ ഈടാക്കി തുടങ്ങിയത്.അതേസമയം എ ഐ ക്യാമറ പ്രവർത്തിച്ച് തുടങ്ങിയ ശേഷം വാഹനാപകടങ്ങൾ മുൻ വർഷത്തെ അപേക്ഷിച്ച് മൂന്നിലൊന്നായി കുറഞ്ഞു.2022 ജൂലായിൽ 3316 അപകടങ്ങളിൽ 313 പേരാണ് മരിച്ചത്. 3992 പേർക്ക് പരിക്ക് പറ്റി. ഇക്കഴിഞ്ഞ ജൂലായിയിൽ 1201 റോഡപടകങ്ങളാണ് ഉണ്ടായത്. മരിച്ചത് 67വ പേരാണ്. 1329 പേർക്കാണ് പരിക്ക്. പിഴ ഈടാക്കി തുടങ്ങിയതോടെ ട്രാഫിക് നിയമലംഘനങ്ങളിൽ കാര്യമായ കുറവ് സംഭവിച്ചിട്ടുണ്ട് എന്ന് മോട്ടോർ വാഹന വകുപ്പ് അറിയിച്ചിരുന്നു.

അമിത വേ​ഗം, സീറ്റ് ബെൽറ്റ് ഇടാതെ യാത്ര, ഹെൽമെറ്റില്ലാത്ത ഇരുചക്ര വാഹനയാത്ര, ഡ്രൈംവി​ഗിംനിടെ മൊബൈൽ ഫോൺ ഉപയോ​ഗിക്കുന്നത്. അനധികൃത പാർക്കിം​ഗ് തുടങ്ങയവയ്ക്കാക്കെ പിഴ ഇടാക്കും. നിയമ ലംഘനങ്ങൾ വ്യത്യസ്ത പിഴയാണ്. ഹെൽമെറ്റില്ലാത്ത യാത്ര ചെയ്താൽ 500 രൂപയാണ്. പിൻസീറ്റിൽ ഇരിക്കുന്ന ആൾക്ക് ഹെൽമെറ്റില്ലെങ്കിലും ഇതേ തുക തന്നെയാണ്. ഡ്രൈവിംഗിനിടെ മൊബൈൽ ഫോണിൽ സംസാരിക്കുന്നതിന് പിഴ 2000 രൂപയാണ്.സംസ്ഥാനത്ത് എ ഐ ക്യാമറ വഴിയുള്ള ഗതാഗത പരിഷ്കാരം വലിയ വിജയമാണെന്ന വിലയിരുത്തലിലാണ് ഗതാഗത വകുപ്പ്. ഇന്ന് ചേർന്ന അവലോകന യോഗത്തിന്‍റെ വിലയിരുത്തലും സമാനമായിരുന്നു. എ ഐ ക്യാമറ സ്ഥാപിച്ച ശേഷമുള്ള പ്രശ്നങ്ങളും യോഗത്തിൽ ചർച്ചയായി. എ ഐ ക്യാമറ വഴി പിഴ ലഭിച്ച ശേഷം ചലഞ്ച് ചെയ്യാൻ ജനങ്ങൾ നേരിടുന്ന പ്രശ്നങ്ങൾക്ക് പരിഹാരം കാണാനുള്ള തീരുമാനം യോഗത്തിലുണ്ടായി. ചലഞ്ചിനായി ഓൺലൈൻ സംവിധാനം ഒരുക്കാനാണ് യോഗത്തിലെ തീരുമാനം. ഇക്കാര്യം ഗതാഗത മന്ത്രി തന്നെ മാധ്യമങ്ങളോട് പറഞ്ഞു.