പ്രസവിച്ച് കിടന്ന യുവതിക്ക് നേരെ വധശ്രമം. വധശ്രമത്തിന്റെ കാരണം കേട്ട് കേരളം ഒന്നടങ്കം തരിച്ചിരിക്കുകയാണ്. സിനിമയിലും സീരിയലിലും കണ്ടിട്ടുള്ള കാര്യങ്ങളാണ് ഇപ്പോൾ സംഭവിച്ചിരിക്കുന്നത്. പരുമലയിലെ സ്വകാര്യ ആശുപത്രിയില്‍ പ്രസവിച്ച് കിടന്ന യുവതിക്ക് നേരെയാണ് വധശ്രമം ഉണ്ടായിരിക്കുന്നത് . പ്രതി പുല്ലകുളങ്ങര സ്വദേശി 25 വയസ്സുകാരി അനുഷയാണ്. ആശുപത്രിക്ക് ഉള്ളിൽ നഴ്‌സിന്റെ വേഷത്തില്‍ ആണ് അനുഷ എത്തിയത്.

ആശുപത്രിക്കുള്ളില്‍ കടന്ന പ്രതി പ്രസവിച്ച് കിടന്ന യുവതിയെ വധിക്കാൻ ശ്രമിക്കുകയായിരുന്നു. ജീവനക്കാരുടെ സമയോചിതമായ ഇടപെടൽ കാരണമാണ് ആ വധശ്രമം തടയാൻ സാധിച്ചത്. പ്രസവത്തിന് ശേഷം വിശ്രമിക്കുകയായിരുന്നു സ്നേഹ. സ്നേഹയെ അപായപ്പെടുത്തി അരുണിനെ സ്വന്തമാക്കുക എന്ന ലക്ഷ്യത്തോടെയായിരുന്നു അനുഷ ഇത് ചെയ്തത്. അറസ്റ്റിലായ അനുഷ പൊലീസിൽ മൊഴി നൽകുകയും ചെയ്തു .

  

അനുഷയും വിവാഹിതയാണ് എന്നതാണ് ശ്രദ്ധേയമായ കാര്യം . ഒരു വർഷം മുമ്പ് വിവാഹിതയായ അനുഷയുടെ ജീവിത പങ്കാളി വിദേശത്താണ്. അരുണും അനുഷയും കോളേജ് കാലഘട്ടം മുതൽ അടുപ്പത്തിലായിരുന്നു എന്നാണ് മൊഴി നൽകിയിരിക്കുന്നത്. പ്രസവ ശേഷം ഡിസ്ചാര്‍ജായ പെണ്‍കുട്ടിയും അമ്മയും റൂമില്‍ വിശ്രമിക്കുകയായിരുന്നു. അനുഷ നഴ്‌സിന്റെവേഷത്തിൽ കുത്തിവെയ്പ്പിനായി എത്തി . ജീവനക്കാര്‍ ചോദ്യം ചെയ്തതോടെ സംഭവം പുറത്തായി .

ഫാര്‍മസിസ്റ്റായി മുന്‍പരിചയമുള്ള പ്രതി എയര്‍ എംബ്ലോസിസം എന്ന സംവിധാനത്തിലൂടെ കൊലപാതകം പദ്ധതിയിട്ടത്.കാലി സിറിഞ്ച് ഉപയോഗിച്ച് രക്തധമനികളിലേക്ക് വായുകടത്തിയുള്ള അതിക്രൂരമായ കൊലപാതക ശ്രമമായിരുന്നു പ്രതി പ്ലാനിട്ടത് . കുത്തിവെയ്പ്പിനായി ഞരമ്പ് രേഖപ്പെടുത്തുന്ന സമയത്തായിരുന്നു ജീവനക്കാർ ഇത് അറിയുന്നത്. യുവതിയെ തിരുവല്ല പുളിക്കീഴ് പൊലീസ് കസ്റ്റഡിയിലെടുത്തു. 120 മില്ലി ലിറ്ററിന്റെ സിറിഞ്ചാണ് ഇതിന് ഉപയോഗിച്ചത്.