ഓണം ഇങ്ങെത്തി പോയി. പ്രധാനമന്ത്രി നരേന്ദ്ര മോദിക്ക് കേരളത്തിന്റെ ഇത്തവണത്തെ ഓണ സമ്മാനം മലയാളികൾ ഒരുക്കി കൊണ്ടിരിക്കുകയാണ്. ഓണ സമ്മാനമായി കേരളം ഔദ്യോഗികമായി നൽകുന്നത് കണ്ണൂർ കൈത്തറി കുർത്തയാണ് .

കേരളത്തിന്റെ സ്വന്തം കൈത്തറി തുണി കൊണ്ടുള്ള കുർത്ത . പ്രധാനമന്ത്രിക്ക് മാത്രമല്ല മറ്റ് ചില പ്രമുഖർക്കും ഓണക്കോടി സമ്മാനിക്കുവാൻ തയ്യാറെടുക്കുകയാണ് . ലോക്നാഥ് കോ ഓപ്പ് വീവിങ് സൊസൈറ്റിയാണ് ഓണക്കോടിക്കുള്ള തുണി നെയ്തു കൊണ്ടിരിക്കുന്നത് .കുർത്ത തുണി നെയ്യുന്നത് കെ ബിന്ദുവാണ്.

കുർത്ത തുണിയുടെ നിറങ്ങളും പാറ്റേണും രൂപകൽപ്പന ചെയ്തത്,കോട്ടയം സ്വദേശിയും പാലക്കാട് കൊടുമ്പ് കൈത്തറി ക്ലസ്റ്ററിലെ ഡിസൈനറുമായ അഞ്ജു ജോസാണ് . ഇളം പച്ച, വോള്ള, റോസ്, ചന്ദന നിറം എന്നിവയോടൊപ്പം ഇളം തളിരിലയുടെ നിറം കൂടി ഒത്തുചേർന്നു കുത്തനെ വരകളോടു കൂടിയ കുർത്തയാണ് . തിരുവനന്തപുരത്തെ തുന്നൽ കേന്ദ്രത്തിലാണ് കുർത്ത തയ്ക്കുന്നത്. തിങ്കളാഴ്ച തുണി തിരുവനന്തപുരത്തെത്തിക്കും.