കിലുക്കം സിനിമയിലെ രേവതിയുടെ ഒരു ഡയലോഗ് ഉണ്ട് അതാണ് ഈ അവസരത്തിൽ പറയാൻ തോന്നുന്നത്. ജ്യോതിയും വന്നില്ല തീയും വന്നില്ല! ..അതായിരുന്നു ഇന്നലെ ഉലകമഴയും പ്രതീക്ഷിച്ച് ഉറക്കവും കളഞ്ഞ് ആകാശത്തേക്ക് നോക്കിയിരുന്നവരുടെ അവസ്ഥ.ആകാശത്തെ വിസ്മയ കാഴ്ച കാണാനായി നിരവധി പേരാണ് കാത്തിരുന്നത്. എന്നാല്‍ കണ്ടില്ലെന്നും കണ്ടെന്നുമുള്ള വാദങ്ങള്‍ ഉയര്‍ന്നു. വര്‍ഷത്തില്‍ ഒരിക്കല്‍ മാത്രം സംഭവിക്കുന്ന ഉല്‍ക്കമഴയ്ക്കായി കാത്തിരുന്നവര്‍ക്ക് നിരാശയുണ്ടായതായാണ് ഭൂരിഭാഗം അഭിപ്രായങ്ങളും. എന്നാല്‍ ഒരു മിന്നായം പോലെ കണ്ടെന്നാണ് ചിലര്‍ പറയുന്നത്.ഏതായാലും ഉല്‍ക്കമഴ കാണാത്തവരുടെ കൂട്ടകരച്ചിലാണ് സോഷ്യല്‍ മീഡിയയില്‍. ജ്യോതിയും വന്നില്ല തീയും വന്നില്ല വെറുതേ ഉറക്കം കളഞ്ഞെന്നായിരുന്നു ചിലര്‍ അഭിപ്രായപ്പെട്ടത്. ഉല്‍ക്കമഴ കാണാന്‍ കാത്തിരുന്ന് ഉറങ്ങിപ്പോയവരും ഉണ്ട്.

ഉല്‍ക്കമഴ ഇല്ലാത്തതാണോ ആകാശം തേച്ചതാണോ എന്ന സംശയങ്ങളും സോഷ്യല്‍മീഡിയയില്‍ ഉയര്‍ന്നു.ഉല്‍ക്ക മഴ കാണാന്‍ പാതിരാത്രി മാനത്തോട്ടും നോക്കി നിന്ന് പനി പിടിച്ചെന്നാണ് ചിലരുടെ സങ്കടം. ഉല്‍ക്കമഴയെ പകര്‍ത്താന്‍ ക്യാമറ സെറ്റാക്കി രകാത്തിരുന്നവരും ഉണ്ട്. എന്നാല്‍ ചിലയിടങ്ങളില്‍ ദൃശ്യമായെന്നും സംഭവത്തില്‍ വീഡിയോ സമൂഹമാധ്യമങ്ങളില്‍ പ്രചരിക്കുകയും ചെയ്തിട്ടുണ്ട്.ആകാശത്തേയ്‌ക്ക് നോക്കിയാൽ ഇന്ന് ഉൽക്ക മഴ കാണാം. വർഷം തോറും പെയ്തിറങ്ങുന്ന പെഴ്‌സിഡേഴ്‌സ് ഉൽക്കമഴ ഇന്നാണ് കൂടുതൽ ദൃശ്യമാകുക. ഈ വർഷം നിലാവില്ലാത്ത ആകാശത്ത് കൂടുതൽ ശോഭയോടെ ഇത് കാണാനാകും. മണിക്കൂറിൽ 60 മുതൽ 100 വരെയുളള ഉൽക്കകളാണ് ആകാശത്ത് ഉണ്ടാകുക. ഈ ഉൽക്കകളെ നഗ്നനേത്രങ്ങൾ കൊണ്ട് കാണാനാകും എന്നതാണ് സവിശേഷത. ഏറ്റവും വലുതു കൂടുതൽ വ്യക്തവുമാകുന്ന ഉൽക്കകളാണ് ഇന്ന് ദൃശ്യമാകുന്നത്.നഗരത്തിന്റെ തിരക്കുകളിൽ നിന്ന് വെളിച്ചമില്ലാത്ത പ്രദേശത്ത് പോയാൽ ഇന്ന് ഉൽക്കമഴ കാണാൻ സാധിക്കും. ഉൽക്കകൾ ഉത്ഭവിക്കുന്ന സ്ഥലമായ റേഡിയൻ എത്ര ഉയർന്നതാണോ അത്രയധികം ഉൽക്കകളെ കാണാനാകും. ഇന്ന് അർദ്ധ രാത്രി മുതൽ പുലർച്ച വരെയാണ് ആകാശത്ത് ഉൽക്കമഴ ദൃശ്യമാകുന്നത്.

lightpollutionmap.info എന്നീ വെബ്‌സൈറ്റുകൾ ഉപയോഗിച്ച് ഉൽക്ക ദൃശ്യമാകുന്ന ഇടങ്ങൾ കണ്ടെത്താം.ആകാശത്ത് വടക്ക്- കിഴക്ക് ഭാഗത്തുളള പെഴ്‌സിയൂസിയൻ നക്ഷത്ര സമൂഹത്തിന്റെ ഭാഗത്തേക്കാണ് നോക്കേണ്ടത്. ഏങ്കിലും കൃത്യമായി ആകാശത്ത് ഏത് ഭാഗത്താണ് ഉൽക്ക പ്രത്യക്ഷപ്പെടുകയെന്ന് പറയാനാകില്ല. ഭൂമിയിൽ എല്ലായിടത്തും ഉൽക്ക വർഷം ദൃശ്യമാകുമെന്നാണ് വാനനീരിക്ഷകർ പറയുന്നത്. ബഹിരാകാശത്ത് നിന്ന് ഭൂമിയിലേക്ക് പ്രഹരിക്കുന്ന പാറകഷ്ണങ്ങളും തരികളുമാണ് ഉൽക്കകൾ.ഇന്ത്യ ഉള്‍പ്പടെ ഉത്തരാര്‍ദ്ധഗോള മേഖലയിലുള്ള സ്ഥലങ്ങളില്‍ നിന്ന് പെഴ്‌സീഡ് ഉല്‍ക്കമഴ കാണാം.

ഇത് കാണാന്‍ എന്തെങ്കിലും പ്രത്യേക ഉപകരണം ഒന്നും ആവശ്യമില്ല. തെളിഞ്ഞ രാത്രി ആകാശം മാത്രം മതി. പ്രകാശ മലിനീകരണം ഉള്ള ഇടങ്ങളില്‍ നിന്ന് മാറി തെളിഞ്ഞ വിസ്തൃതിയുള്ള ആകാശം കാണുന്നയിടം കണ്ടെത്തുക.ജൂലായ് 17 നാണ് പെഴ്‌സീഡ് ഉല്‍ക്കമഴ ആരംഭിച്ചത്. ഇത് ഓഗസ്റ്റ് 24 വരെ നീളും. ഈ വരുന്ന ഞായര്‍, തിങ്കള്‍ ദിവസങ്ങളിലാണ് ഇത് ഭൂമിയില്‍ നിന്നും ഏറ്റവും തെളിച്ചത്തില്‍ ദൃശ്യമാവുക. ആകാശത്ത് വടക്ക് കിഴക്കന്‍ ദിശയിലേക്കാണ് നോക്കേണ്ടത്.എന്നൊക്കെ ഇന്നലെ വിശദമായി വിവരിച്ചു കൊണ്ട് മാധ്യമങ്ങളിൽ മുഴുവൻ വിശദംശങ്ങൾ നല്കിയിരുന്നെകിലും അവസാനം ഒന്നും കാണാൻ സാധിച്ചില്ല. ഇപ്പോൾ സോഷ്യൽ മീഡിയയിലടക്കം ട്രോളുകൾ ഉയരുകയാണ്.