ഇതൊരു സുവര്ണാവസരം... വനിത സംവരണ ബില് യാഥാര്ത്ഥ്യമാകുന്നു; ലോക്സഭയില് ഇന്ന് ചര്ച്ച; സോണിയ ഗാന്ധിയും, സ്മൃതി ഇറാനിയും ആദ്യം ചര്ച്ചയില് പങ്കെടുക്കും; കേരളത്തില് ബില് വലിയ മാറ്റമുണ്ടാക്കും; 20 ലോക് സഭാ സീറ്റുകളില് 6 എണ്ണവും 140 നിയമസഭാ സീറ്റുകളില് 46 എണ്ണവും വനിതകള്ക്ക്
വനിത സംവരണ ബില്ലിലൂടെ വനിതകള്ക്ക് സുവര്ണാവസരമാണ് ലഭിക്കുന്നത്. അത്യാവശ്യം കഴിവുള്ള വനിതകള്ക്ക് എംഎല്എമാരായി കയറിപ്പറ്റാം. ലോക്സഭയിലേക്ക് 6 വനിതകളും നിയമസഭയിലേക്ക് 36 വനിതകളുമെത്തും. മുസ്ലീം ലീഗിലും വനിതകളെത്തും. പല പുരുഷ നേതാക്കള്ക്കും അവസരം പോകും. കോണ്ഗ്രസില് കൂട്ടത്തല്ലിനും കാരണമാകും.
വനിത സംവരണ ബില്ലിന്മേല് പുതിയ പാര്ലമെന്റ് മന്ദിരത്തിലെ ലോക്സഭയില് ഇന്ന് ചര്ച്ച നടക്കും. പ്രതിപക്ഷത്ത് നിന്ന് സോണിയ ഗാന്ധിയും, ഭരണപക്ഷത്ത് നിന്ന് മന്ത്രി സ്മൃതി ഇറാനിയും ആദ്യം ചര്ച്ചയില് പങ്കെടുക്കുമെന്നാണ് വിവരം. ബില് നാളെ രാജ്യസഭയിലും അവതരിപ്പിക്കും. അഡ്വക്കേറ്റസ് ഭേദഗതി ബില്ലടക്കം ഇന്ന് സഭയില് വരാനിടയുണ്ട്.
ഇന്നലെയാണ് വനിത ബില് ലോക്സഭയില് അവതരിപ്പിച്ചത്. നിയമമന്ത്രി അര്ജുന് റാം മേഘ് വാളാണ് ബില് അവതരിപ്പിച്ചത്. മണ്ഡല പുനര്നിര്ണ്ണയത്തിന്റെ അടിസ്ഥാനത്തില് സംവരണ സീറ്റുകള് മാറ്റി നിശ്ചയിക്കും. പട്ടികവിഭാഗ സംവരണ സീറ്റുകളിലും മൂന്നിലൊന്ന് സീറ്റുകള് സ്ത്രീകള്ക്ക് സംവരണം ചെയ്യും. അതേ സമയം ഇന്ത്യന് ജനാധിപത്യ ചരിത്രത്തില് പുതിയ അധ്യായത്തിന് തുടക്കമിട്ട് പുതിയ പാര്ലമെന്റ് മന്ദിരം തുറന്നു. പഴയ പാര്ലമെന്റ് മന്ദിരത്തിലെ സെന്ട്രല് ഹാളില് ചേര്ന്ന സംയുക്ത സമ്മേളനത്തിന് ശേഷം പ്രധാനമന്ത്രിയുടെ നേതൃത്വത്തില് എംപിമാര് കാല്നടയായി പുതിയ മന്ദിരത്തിലേക്ക് എത്തുകയായിരുന്നു.
അതേസമയം, പാര്ലമെന്റില് നടപ്പിലാക്കുന്ന വനിതാ സംവരണ ബില്ലില് പിന്നോക്ക എസ് സി, എസ് ടി വിഭാഗങ്ങള്ക്ക് പ്രത്യേക സംവരണം ഏര്പ്പെടുത്തണമെന്ന് ബിഎസ് പി നേതാവ് മായാവതി പറഞ്ഞു. ബില്ലിനെ പിന്തുണക്കുന്നുവെന്നും മായാവതി വ്യക്തമാക്കി. 33ന് പകരം 50% സംവരണം നിയമസഭകളിലും ലോക്സഭയിലും ഏര്പ്പെടുത്തതിനെ കുറിച്ച് സര്ക്കാര് ആലോചിക്കണമെന്നും മായാവതി പറഞ്ഞു.
വനിതാ സംവരണ ബില് ലോക്സഭ പാസ്സാക്കാനൊരുങ്ങുമ്പോള് തദ്ദേശസ്ഥാപനങ്ങളില് 50 ശതമാനം വനിതാ സംവരണം ആദ്യമായി പാസ്സാക്കിയ കേരളം സ്ത്രീശാക്തീകരണത്തിന്റെ മികച്ച മാതൃകയായി ഇപ്പോഴും തലഉയര്ത്തിനില്ക്കുന്നു. 2009 സെപ്റ്റംബര് 17ന് രാജ്യത്ത് തന്നെ നാഴികക്കല്ലായ പല നിയമങ്ങളും പാസ്സാക്കിയ കേരള നിയമസഭ ഒരിക്കല്കൂടി ചരിത്രമെഴുതി. തദ്ദേശ സ്ഥാപനങ്ങളില് അന്പത് ശതമാനം വനിതാ സംവരണം. ഭരണസമിതികളില് മാത്രമായിരുന്നില്ല സംവരണം. പ്രസിഡണ്ട്, മേയര്, ചെയര്മാന്. സ്റ്റാന്ഡിംഗ് കമ്മിറ്റി അധ്യക്ഷന്മാര് അടക്കം എല്ലാ അധികാരകേന്ദ്രങ്ങളിലും പകുതി അവകാശം സ്ത്രീക്ക് നല്കിയ കേരള മോഡല്. അടുത്ത വര്ഷം നടന്ന തദ്ദേശ തെരഞ്ഞെടുപ്പില് സംവരണം നടപ്പാക്കി. ഇന്ന് പകുതിയിലേറെ സ്ഥാപനങ്ങളുടെ തലപ്പത്ത് തലഉയര്ത്തി സ്ത്രീകളുണ്ട്.
കേരള മാതൃകയില് പിന്നീട് നിരവധി സംസ്ഥാനങ്ങളും തദ്ദേശസ്ഥാപനങ്ങളില് അന്പത് ശതമാനം വനിതാ സംവരണം നടപ്പാക്കി. ലോക്സഭയിലേക്കും നിയമസഭയിലേക്ക് 33 ശതമാനം വനിതാ സംവരണം വരുമ്പോള് സംസ്ഥാനത്തെ രാഷ്ട്രീയകേന്ദ്രങ്ങളിലും നിറയുന്നത് പല തരം ചര്ച്ചകളാണ്. പുതിയ നിയമം നിലവില് വരുമ്പോള് കേരളത്തിലെ ആകെയുള്ള 20 ലോക് സഭാ സീറ്റുകളില് 6 എണ്ണം വനിതകള്ക്കായി മാറ്റിവെക്കണം. 140 നിയമസഭാ സീറ്റുകളില് 46 എണ്ണം വനിതകള്ക്ക്. എങ്ങിനെയാകും റോട്ടോേഷന് എന്നതടക്കമുള്ള കാര്യങ്ങളില് ആകാംക്ഷ ബാക്കി.
പല പ്രമുഖ പുരുഷനേതാക്കളുടെയും കുത്തക സീറ്റുകള് വനിതകള്ക്കായി കൈമാറേണ്ടിവരും. പൊതുപ്രവര്ത്തനരംഗത്ത് വനിതകള്ക്ക് കഴിവ് തെളിയിക്കാന് വരുന്നത് മികച്ച അവസരം. തദ്ദേശസ്ഥാപനങ്ങളിലടക്കം ഭരണമികവ് കാണിച്ച പല സ്ത്രീകളെയും പൊതുതെരഞ്ഞെടുപ്പില് മാറ്റിനിര്ത്തുന്ന പ്രവര്ണത രാഷ്ട്രീയപ്പാര്ട്ടികള്ക്കും അവസാനിപ്പിക്കേണ്ടിവരും.
"
https://www.facebook.com/Malayalivartha
