കരുവന്നൂർ കള്ളപ്പണ ഇടപാടുമായി ബന്ധപ്പെട്ടു ഇ ഡി ശക്തമായ അന്വേഷണവുമായി മുന്നോട്ടു പോകുകയാണ്. പെരിങ്ങണ്ടൂർ സർവീസ് സഹകരണ ബാങ്ക് സെക്രട്ടറി ടിആർ രാജനെ എന്‍ഫോഴ്സ്മെന്റ് ഡയറക്ടറേറ്റ് ചോദ്യം ചെയ്യും . അദ്ദേഹം ഇ ഡിക്ക് മുന്നിൽ ഹാജരായി. കരുവന്നൂർ കേസിൽ അറസ്റ്റിലായ അരവിന്ദാക്ഷന് രണ്ട് അക്കൗണ്ടുകൾ ഈ ബാങ്കിലുണ്ടെന്ന് ഇഡി നേരത്തെ കണ്ടെത്തി.

ഈ സാഹചര്യത്തിലാണ് ടിആർ രാജനെ ചോദ്യം ചെയ്യുന്നത്. അരവിന്ദാക്ഷന്റെ അമ്മയുടെ അക്കൗണ്ടുമായി ബന്ധപ്പെട്ട് കുറച്ച് സംശയങ്ങൾ ശക്തമാണ്. അതിനിടയിലാണ് ഇഡിയുടെ ഈ നടപടി. അരവിന്ദാക്ഷന്റെ അമ്മയായ ചന്ദ്രമതിക്ക് പകരം മറ്റൊരു ചന്ദ്രമതിയുടെ അക്കൗണ്ടിന്റെ വിവരങ്ങളാണ് ഇഡി കോടതിയിൽ നൽകിയതെന്ന് ആരോപണമുയർന്നിരുന്നു. എന്തായാലും അടുത്ത വ്യക്തിയെ ഇ ഡി നോട്ടമിട്ടു കഴിഞ്ഞു എന്നതാണ് ശ്രദ്ധേയമായ കാര്യം .

എം കെ കണ്ണൻ ഇന്ന് ഈ ഡി ഓഫീസിൽ കുറച്ച് രേഖകൾ ഹാജരാക്കിയിരുന്നു എന്നാൽ ആ രേഖകൾ തൃപ്തികരമല്ലെന്ന് ഇഡി. അതുകൊണ്ട് തന്നെ എം കെ കണ്ണന് വീണ്ടും നോട്ടീസ് നൽകാൻ തയ്യാറെടുക്കുകയാണ് ഇ ഡി. നിലവിൽ ഹാജരാക്കിയ സ്വത്ത് വിവരങ്ങളുടെ രേഖകൾ അപൂർണം എന്നും ഇഡി വ്യക്തമാക്കി. തൃശ്ശൂർ സഹകരണ ബാങ്കിലെ അക്കൗണ്ട് വിവരങ്ങളും ഇല്ല എന്നും ഇഡി വ്യക്തമാക്കി. ആവശ്യമുള്ള രേഖകളുടെ പട്ടിക തയ്യാറാക്കി വീണ്ടും നോട്ടീസ് നൽകുമെന്നും ഇ ഡി അറിയിച്ചു.