എറണാകുളം പിറവം പുഴയില്‍ അജ്ഞാത മൃതദേഹം കണ്ടെത്തി. രാവിലെ നെച്ചൂര്‍ ഭാഗത്തു നിന്നും മൃതദേഹം ഒഴുകിപ്പോകുന്നത് കണ്ട് നാട്ടുകാരാണ് പൊലീസിനെ വിവരം അറിയിച്ചത്.


ഫയര്‍ഫോഴസ് എത്തി മൃതദേഹം കരയ്‌ക്കെത്തിച്ചു. 45 വയസ്സ് പ്രായം തോന്നിക്കുന്ന ആളുടേതാണ് മൃതദേഹം. നീല പാന്റും കറുത്ത ടീ ഷര്‍ട്ടുമാണ് വേഷം.

സംഭവത്തില്‍ പിറവം പൊലീസ് അന്വേഷണം ആരംഭിച്ചു. മൃതദഹം ഇന്‍ക്വസ്റ്റ് നടപടികള്‍ക്ക് ശേഷം മോര്‍ച്ചറിയിലേക്ക് മാറ്റി. സമീപമേഖലകളിലെ കാണാനില്ലെന്ന പേരില്‍ രജിസ്റ്റര്‍ ചെയ്ത കേസുകള്‍ കേന്ദ്രീകരിച്ചാണ് പൊലീസ് അന്വേഷണം നടക്കുക.