സോളാര് കേസില് ആരോപണവിധേയനായ മുഖ്യമന്ത്രിക്കെതിരെ പ്രതിപക്ഷ പ്രതിഷേധം ശക്തം; കോഴിക്കോട്ട് യുവമോര്ച്ച പ്രവര്ത്തകര് കരിങ്കൊടി വീശി
സോളര് കേസില് ആരോപണവിധേയനായ മുഖ്യമന്ത്രി രാജി വയ്ക്കണമെന്നാവശ്യപ്പെട്ട് പ്രതിപക്ഷ പ്രതിഷേധം ശക്തമാകുന്നു. കോഴിക്കോട് റയില്വെ സ്റ്റേഷനില് ഉമ്മന്ചാണ്ടിക്കുനേരെ ഡിവൈഎഫ്ഐ, യുവമോര്ച്ച പ്രവര്ത്തകര് കരിങ്കൊടി വീശി. ഡിവൈഎഫ്ഐ പ്രവര്ത്തകരെ പിരിച്ചുവിടാന് പൊലീസ് പെപ്പര് സ്പ്രേ പ്രയോഗിച്ചു. ഗസ്റ്റ് ഹൗസിന് സമീപം കരിങ്കൊടി പ്രതിഷേധം തുടരുകയാണ്.
മുഖ്യമന്ത്രിക്കും മന്ത്രി ആര്യാടന് മുഹമ്മദിനുമെതിരെ സോളര് കമ്മിഷനില് സരിത എസ്. നായര് ഇന്നലെ സോളര് കമ്മിഷനില് മൊഴി നല്കിയിരുന്നു. മുഖ്യമന്ത്രിക്ക് എന്ന പേരില് അഡീഷനല് പിഎ ജിക്കുമോന് ജേക്കബ് ആവശ്യപ്പെട്ടതനുസരിച്ച് രണ്ടുതവണയായി 1.90 കോടി രൂപ ഡല്ഹിയിലെ തോമസ് കുരുവിളയ്ക്കു കൈമാറിയെന്നാണ് സരിത സോളര് തട്ടിപ്പ് അന്വേഷിക്കുന്ന ജസ്റ്റിസ് ജി. ശിവരാജന് കമ്മിഷനു മൊഴി നല്കിയത്.
പണമിടപാട് മുഖ്യമന്ത്രിക്ക് അറിയാമായിരുന്നെന്നും മന്ത്രി ആര്യാടന് മുഹമ്മദിന് 25 ലക്ഷം രൂപ നേരിട്ടും 15 ലക്ഷം രൂപ പിഎ മുഖേനെയും കൈമാറിയെന്നും സോളര് കേസിലെ മുഖ്യപ്രതിയായ സരിത വെളിപ്പെടുത്തിയിരുന്നു. ടീം സോളര് കമ്പനിയുടെ സോളര് മെഗാ പവര് പ്രോജക്ടിനുള്ള ലൈസന്സുകളും സഹായങ്ങളും നേടിയെടുക്കാനാണു പണം നല്കിയത്
അതേസമയം, മുഖ്യമന്ത്രിയേയും സര്ക്കാരിനേയും പിടിച്ചുലച്ച കോഴയാരോപണങ്ങള്ക്ക് പിന്നാലെ സരിതാ എസ്. നായര് ഇന്ന് വീണ്ടും സോളര് കമ്മിഷനില് എത്തും. കൂടുതല് വിവാദ വെളിപ്പെടുത്തലുകള് സരിത ഇന്ന് നടത്തിയേക്കുമെന്നാണ് സൂചന. ഇന്നലത്തെ പരാമര്ശങ്ങളോടെ മുഖ്യമന്ത്രിയുടെ രാജി ആവശ്യപ്പെട്ട് പ്രതിപക്ഷ സംഘടനകള് സമരരംഗത്ത് ഇറങ്ങിക്കഴിഞ്ഞു
അതിനിടെ, സരിത എസ്. നായരുടെ വെളിപ്പെടുത്തലിന്റെ അടിസ്ഥാനത്തില് മുഖ്യമന്ത്രി ഉമ്മന്ചാണ്ടിക്കും ആര്യാടന് മുഹമ്മദിനുമെതിരെ കേസെടുത്ത് അന്വേഷിക്കണമെന്നാവശ്യപ്പെട്ട് വി.എസ്. സുനില്കുമാര് എംഎല്എ വിജിലന്സ് ഡയറക്ടര്ക്ക് കത്തയച്ചു. കോഴ നല്കിയെന്ന് വെളിപ്പെടുത്തിയ സരിതയെ അറസ്റ്റ് ചെയ്യണമെന്നും സുനില്കുമാര് ആവശ്യപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
