ബിജെപിയും തിരഞ്ഞെടുപ്പ് കമ്മീഷനും ഒരേ സീലാണോ ഉപയോഗിക്കുന്നത്; സംഭവത്തില് വിശദീകരണവുമായി തിരഞ്ഞെടുപ്പ് കമ്മിഷന്
രാഷ്ട്രീയ പാര്ട്ടികള്ക്കയച്ച കത്തില് ബി.ജെ.പി കേരള ഘടകത്തിന്റെ സീല് പതിഞ്ഞ സംഭവത്തില് വിശദീകരണവുമായി തിരഞ്ഞെടുപ്പ് കമ്മിഷന്. പിഴവ് സമ്മതിച്ച മുഖ്യതിരഞ്ഞെടുപ്പ് ഓഫീസര് ഡോ, രത്തന് ഖേല്ക്കര് സാങ്കേതികമായ ക്ലറിക്കല് പിശക് മാത്രമാണെന്നും വ്യക്തമാക്കി. ക്ലറിക്കല് പിഴവ് ഉയര്ത്തിക്കാട്ടി തെറ്റായ സന്ദേശങ്ങള് പ്രചരിപ്പിക്കുന്നത് ഒഴിവാക്കണമെന്ന് മുഖ്യതിരഞ്ഞെടുപ്പ് ഓഫീസര് ആവശ്യപ്പെട്ടു.
സ്ഥാനാര്ത്ഥികളുടെ ക്രിമിനല് പശ്ചാത്തലം സംബന്ധിച്ച 2019ലെ മാര്ഗനിര്ദ്ദേശങ്ങളില് വ്യക്തത തേടി ബി.ജെ.പി സംസ്ഥാന ഘടകം സി.ഇ.ഒ ഓഫീസിനെ ത സമീപിച്ചിരുന്നു. ഇതിനായി അവര് സമര്പ്പിച്ച അപേക്ഷയ്ക്കൊപ്പം വച്ചിരുന്ന 2019ലെ കത്തിന്റെ പകര്പ്പിലാണ് ബി.ജെ.പിയുടെ സീല് ഉണ്ടായിരുന്നത്. ബി.ജെ.പി നല്കിയ ഈ കത്ത് അശ്രദ്ധ മൂലം മറ്റ് രാഷ്ട്രീയപാര്ട്ടികള്ക്കും അയച്ചു കൊടുക്കുകയായിരുന്നു. എന്നാല് മാര്ച്ച് 21ന് തന്നെ ഈ പിശക് ശ്രദ്ധയില്പ്പെട്ടതായും ഉടന് തന്നെ ആ നിര്ദ്ദേശം പിന്വലിച്ച് എല്ലാ പാര്ട്ടികള്ക്കും ജില്ലാ കളക്ടര്മാര്ക്കും അറിയിപ്പ് നല്കിയതായും കമ്മിഷന് അറിയിച്ചു.
ബിജെപിയും തിരഞ്ഞെടുപ്പ് കമ്മീഷനും ഒരേ സീലാണോ ഉപയോഗിക്കുന്നതെന്ന വിമര്ശനത്തോടെയാണ് സി,പി,എം ആരോപണവുമായി രംഗത്ത് വന്നത്. തിരഞ്ഞെടുപ്പ് കമ്മീഷന് ബിജെപിയുടെ ഏജന്റായി പ്രവര്ത്തിക്കുന്നു എന്ന ആരോപണം ദേശീയതലത്തിലും സിപിഎം ഉന്നയിക്കുന്നുണ്ട്.
https://www.facebook.com/Malayalivartha
