ഷിരൂരിലെ മണ്ണിടിച്ചിൽ ദുരന്തത്തിൽ ദൃക്‌സാക്ഷി അഭിലാഷ് ചന്ദ്രന്റെ വെളിപ്പെടുത്തൽ ഏവർക്കും ആശ്വാസകരമായിരുന്നു.  അങ്കോളയിലെ പഞ്ചർ കടയിൽ    വാഹനത്തിന്റെ ടയർ നന്നാക്കുന്നതിനിടെ വലിയ ഒരു ശബ്ദം കേട്ടു. നോക്കിയപ്പോൾ മണ്ണിടിച്ചിലിൽ ഒരു ടാങ്കർ ഗംഗാവലി നദിയിലേക്ക് ഒലിച്ചുപോവുന്നത്  കണ്ടു .

എന്നാൽ അർജുൻ ഉണ്ടായിരുന്നെന്ന് പറയുന്ന ട്രാക്ക് നദിയിലേക്ക് ഒഴുകി പോകുന്നതായി താൻ കണ്ടില്ല. മണ്ണിടിച്ചിൽ നടന്നതിന് നൂറ് മീറ്റർ ഇപ്പുറത്താണ് പഞ്ചർകട. അർജുന്റെ വാഹനം ഒഴുകി പോകാൻ സാധ്യതയില്ല എന്നാണ് അഭിലാഷ് പറയുന്നത് . റോഡിന്റെ എതിർ വശത്തായിരുന്നു  അർജുന്റെ ട്രക്ക് . റോഡിന്റെ മധ്യഭാഗത്ത് ഡിവൈഡർ ഉള്ളത് കൊണ്ട് തന്നെ അതിന് സാധ്യതയില്ലെന്നും അഭിലാഷ് തുറന്നടിച്ചു .

അർജുന്റെ വാഹനം നിർത്തിയിട്ടിരിക്കുന്ന തൊട്ടടുത്ത് മറ്റൊരു ടാങ്കർ നിർത്തിയിട്ടിരുന്നു. പിന്നീട് മണ്ണിടിച്ചിൽ തുടർന്നപ്പോൾ അവിടെ നിന്നും ആ ടാങ്കർ മാറ്റിയിട്ടു. ആ സമയം അർജുന്റെ വാഹനം അവിടെയുണ്ടായിരുന്നില്ല. അത് കൊണ്ട് തന്നെ വാഹനം മണ്ണിൽ ആണ്ടുപോയിട്ടുണ്ടാവാനാണ് സാധ്യതയെന്നും അഭിലാഷ് പറഞ്ഞു.