ഗുരുവായൂർ...ദിവസങ്ങളുടെ വ്യത്യാസമില്ലാതെ എന്നും ആളും ബഹളവും നിറഞ്ഞു നിൽക്കുന്ന ഇടം. തിരുപ്പതിയും പുരി ജഗനാഥ ക്ഷേത്രവും കഴിഞ്ഞാൽ ഏറ്റവുമധികം ഭക്തർ എത്തിച്ചേരുന്ന ക്ഷേത്രങ്ങളിലൊന്നാണ് തൃശൂർ ജില്ലയിലെ ഗുരുവായൂർ ക്ഷേത്രം. ഭാരങ്ങള്‍ ഇറക്കിവെച്ച് ആശ്വാസംതേടി ലക്ഷക്കണക്കിനു വിശ്വാസികൾ എത്തുന്ന ഗുരുവായൂർ ക്ഷേത്രത്തിന് പ്രത്യേകതകൾ ധാരാളമുണ്ട്.അതുകൊണ്ട് തന്നെ ഗുരുവായൂരപ്പന്റെ മുൻപിൽ എല്ലാവരും ഒരുപോലെ എത്തുന്ന സ്ഥലമാണ്. രാജ്യത്തിൻറെ പല ഭാഗത്തുള്ള സാധാരണക്കാരായിട്ടുള്ളവരും പ്രമുഖരും എല്ലാവരും ഒരു തവണയെങ്കിലും ഗുരുവായൂർ എത്താതെ ഇരിക്കില്ല. ഏതായാലും ദിവസവും നിരവധി ഭക്തർ ആണ് വന്നു പോകാറുള്ളത്.

ഇപ്പോഴിതാ ഗുരുവായൂരിനായി ഒരു സമ്മാനമാണ് ലഭിച്ചിരിക്കുന്നത് . ഗുരുവായൂർ ദേവസ്വം ബോർഡിന്റെ സൂപ്പർ സ്‌പെഷ്യാലിറ്റി ആശുപത്രിയുടെ നിർമാണത്തിന് അനുമതി. ദേവസ്വം വകുപ്പ് ചുമതലയുളള മന്ത്രി വി എൻ വാസവൻ ഈ മാസം 30ന് തറക്കലിടും. റിലയൻസ് ഇൻഡസ്ട്രീസ് ചെയർമാനായ മുകേഷ് അംബാനി ആശുപത്രി നിർമാണത്തിനായി 56 കോടി രൂപ നൽകാമെന്ന് മുൻപ് വാഗ്ദ്ധാനം ചെയ്തിരുന്നു. ദേവസ്വം മെഡിക്കൽ സെന്ററിന്റെ തെക്ക് ഭാഗത്ത് രണ്ടരയേക്കറിലാണ് ആശുപത്രി ഒരുങ്ങുന്നത്. ഒരു ലക്ഷം ചതുരശ്രയടിയിൽ നാലുനിലകളിലായാണ് ആശുപത്രി പണികഴിപ്പിക്കാനായി തീരുമാനിച്ചിരിക്കുന്നത്.കാഞ്ഞങ്ങാട്ടുള്ള ദാമോദരൻ ആർക്കിടെക്റ്റ് എന്ന സ്ഥാപനമാണ് ആശുപത്രിയുടെ രൂപരേഖ തയ്യാറാക്കിയത്.

2022 സെപ്റ്റംബറിൽ ഗുരുവായൂർ ക്ഷേത്ര ദർശനത്തിന് എത്തിയപ്പോഴായിരുന്നു മുകേഷ്‌ അംബാനി പണം നൽകുന്നതുമായി ബന്ധപ്പെട്ട വാഗ്ദ്ധാനം നടത്തിയത്. ആശുപത്രിയുടെ രൂപരേഖ അംബാനി ഗ്രൂപ്പിന് നൽകിയിട്ടുണ്ട്. ആശുപത്രിയുടെ നിർമാണത്തിനുള്ള തടസങ്ങൾ മാറിയ സാഹചര്യത്തിൽ, അംബാനി ഗ്രൂപ്പ്‌ തുക നൽകുമെന്നാണ് അറിയുന്നത്. ഈ തുക ആശുപത്രിക്കെട്ടിട നിർമാണത്തിന് മാത്രമാണ്. ബാക്കി തുക ദേവസ്വം ബോർഡ് ചെലവഴിക്കും. ദേവസ്വം ബോർഡിന്റെ നേതൃത്വത്തിലായിരിക്കും ആശുപത്രിയുടെ നടത്തിപ്പ്.മുകേഷ് അംബാനി ഇന്ത്യയിലെ ഏറ്റവും കോടീശ്വരനാണ്. നിരവധി ബിസിനസുകള്‍ അദ്ദേഹത്തിനുണ്ട്.

അംബാനിയുടെ റിലയന്‍സ് ഇന്‍ഡസ്ട്രീസ് രാജ്യത്തെ തന്നെ ഏറ്റവും മൂല്യമേറിയ കമ്പനിയാണ്. മകന്‍ ആനന്ദ് അംബാനിയുടെ വിവാഹം അതുപോലെ ആഘോഷമാക്കിയിരുന്നു മുകേഷ് അംബാനി. ജൂലായ് പന്ത്രണ്ടിനായിരുന്നു ഈ വിവാഹം.ജൂലായ് അഞ്ചിന് മുകേഷ് അംബാനിയുടെ ആസ്തി 118 ബില്യണ്‍ യുഎസ് ഡോളറായിരുന്നു. എന്നാല്‍ ജൂലായ് 12ന് ഇത് 121 ബില്യണായിട്ടാണ് ഉയര്‍ന്നതെന്ന് ബ്ലൂംബര്‍ഗ് പറയുന്നു. ആഗോള സമ്പന്നരുടെ റാങ്കിംഗില്‍ ഇത് മുകേഷ് അംബാനിക്ക് നേട്ടമായിട്ടുണ്ട്. പന്ത്രണ്ടാം സ്ഥാനത്തായിരുന്നു നേരത്തെ ആഗോള കോടീശ്വരന്‍മാരില്‍ മുകേഷ് അംബാനി.