കോരന് കഞ്ഞി കുമ്പിളില് ? കേരളത്തെ സംബന്ധിച്ച് ബജറ്റില് ആശ്വസിക്കാനായി ഒന്നും തന്നെയില്ല ! എന്തിനൊക്കെ വില കൂടും... എന്തിനൊക്കെ വില കുറയും?
മൂന്നാം മോദിസര്ക്കാരിന്റെ കന്നി ബജറ്റിലെ രാഷ്ട്രീയമൊന്നും സാധാരണക്കാരെ ബാധിക്കുന്ന പ്രശ്നമല്ല . രണ്ടറ്റവും കൂട്ടിമുട്ടിക്കാന് പാടുപെടുന്ന സാധാരണക്കാര്ക്ക് ആകെ അറിയേണ്ടത് എന്തിനൊക്കെ വില കൂടും... എന്തിനൊക്കെ വില കുറയും? എന്നുമാത്രമാണ് ..സംസ്ഥാനത്തു നിന്ന് രണ്ടു കേന്ദ്രമന്ത്രിമാര് ഉണ്ടായിട്ടും ഇതാദ്യമായി ലോക്സഭയിലേക്ക് ബിജെപി പ്രതിനിധിയെ തിരഞ്ഞെടുത്തയച്ചിട്ടും കേരളത്തെ സംബന്ധിച്ച് ബജറ്റില് ആശ്വസിക്കാനായി ഒന്നും തന്നെയില്ല .. എന്നാല് ബജറ്റിലെ പ്രഖ്യാപനങ്ങള് അവശ്യ സാധനങ്ങളുടെ വില കുറക്കുമെന്നത് വലിയ ആശ്വാസം തന്നെയാണ് . കസ്റ്റംസ് ഡ്യൂട്ടിയില് പ്രഖ്യാപിച്ച ഇളവുകള് അര്ബുദരോഗ ചികിത്സയ്ക്കുള്ള മരുന്നുകള്ക്ക് വില കുറയ്ക്കാന് സഹായിക്കും ; . മൊബൈല് ഫോണുകള്, മൊബൈല് ചാര്ജറുകള് എന്നിവയ്ക്കും വില കുറയാനിരിക്കുകയാണ്. ഇറക്കുമതി ചെയ്യുന്ന സ്വര്ണത്തിനും വെള്ളിക്കും വില കുറയുമെന്നതാണ് മറ്റൊരു വിശേഷം. സ്വര്ണം ഗ്രാമിന് 420 രൂപ വരെ കുറയാം.
സ്വര്ണം ,വെള്ളി, കാന്സര് മരുന്നുകള്, മൊബൈല് ഫോണ്, മൊബൈല് ചാര്ജറുകള് ,മൊബൈല് ആക്സസറികള് ,തുകല്, തുണി എക്സ്റേ ട്യൂബുകള്, എന്നവയുടെ വില കുറയും .25 ധാതുക്കള്ക്ക് എക്സൈസ് തീരുവ ഒഴിവാക്കിയിട്ടുണ്ട്. അമോണിയം നൈട്രേറ്റിനുള്ള തീരുവ കുറച്ചു
പിവിസി, ഫഌ്സ് ബാനറുകള് സോളാര് പാനലുകള്,എന്നിവയുടെ വില വര്ധിക്കും . നിര്മാണ മേഖലയില് മെഷിനറി ഉപകരണങ്ങള് വാങ്ങാനായി എടുക്കുന്ന വായ്പകള്ക്കായിരിക്കും ആദ്യഘട്ടത്തില് നേട്ടം ലഭിക്കുക. ലെതര് ഉത്പന്നങ്ങളുടെയും തുണിത്തരങ്ങളുടെയും വില കുറയും.
സമുദ്രോല്പന്നങ്ങളുടെ കയറ്റുമതി വര്ധിപ്പിക്കാന് നികുതിയിളവ് നല്കും. മത്സ്യങ്ങള്ക്കുള്ള തീറ്റ ഉള്പ്പടെ 3 ഉല്പന്നങ്ങള്ക്ക് നികുതി കുറയ്ക്കും. ചെമ്മീന് തീറ്റയ്ക്ക് ഉള്പ്പടെ വില കുറയ്ക്കും. അതേസമയം പ്ലാസ്റ്റിക്കിന്റെ കസ്റ്റംസ് ഡ്യൂട്ടി കൂട്ടും. പ്ലാസ്റ്റിക് ഉത്പന്നങ്ങളുടെ വിലയും ഉയരുമെന്നാണ് പ്രഖ്യാപനം.
തൊഴില് അവസരങ്ങള് ഒരുക്കാനും യുവാക്കള്ക്ക് തൊഴില് ലഭ്യമാക്കാനും പ്രഖ്യാപനങ്ങളുണ്ട്. ഇതില് സുപ്രധാനമായത് പുതിയ ജീവനക്കാര്ക്ക് ഒരു മാസത്തെ ശമ്പളം സര്ക്കാര് നല്കും എന്നതാണ്. ഇപിഎഫ് അക്കൗണ്ട് എടുക്കുന്നവര്ക്കാണ് സര്ക്കാര് പണം നല്കുകയെന്നും മന്ത്രി പ്രഖ്യാപിച്ചു. 210 ലക്ഷം യുവാക്കള്ക്ക് ഇതിന്റെ ഗുണം ലഭിക്കുമെന്ന് നിര്മല സീതാരാമന് ബജറ്റ് പ്രഖ്യാപനത്തില് വ്യക്തമാക്കി.
ചെറുകിട, ഇടത്തരം, സൂക്ഷ്മ സംരംഭങ്ങള്ക്കായി 100 കോടി രൂപ വരെ വായ്പാ ഗ്യാരണ്ടി കേന്ദ്രം പ്രഖ്യാപിച്ചു. ഇനി മുതല് കൊളാറ്ററല് സെക്യുരിറ്റി അഥവാ ഈടില്ലാതെ വായ്പയെടുക്കാന് സംരംഭകര്ക്ക് അവസരമൊരുങ്ങും.. 100 കോടി രൂപയുടെ വായ്പാ ഗ്യാരണ്ടിയാണ് ധനമന്ത്രി നിര്മല സീതാരാമന് പാര്ലമെന്റില് അറിയിച്ചത്. ഇനി മുതല് മൂന്ന് ലക്ഷം വരെ വാര്ഷിക വരുമാനമുള്ളവര്ക്ക് നികുതിയില്ല എന്നതും ആശ്വാസമാണ് . മൂന്ന് ലക്ഷം മുതല് ഏഴു ലക്ഷം വരെ അഞ്ച് ശതമാനവും ഏഴു ലക്ഷം തൊട്ട് 10 ലക്ഷം വരെ 10 ശതമാനവുമാണ് പരിഷ്കരിച്ച നികുതി സ്ലാബുകള്. 10 ലക്ഷം മുതല് 12 ലക്ഷം വരെ വാര്ഷിക വരുമാനമുള്ളവര്ക്ക് 15 ശതമാനമായിരിക്കും നികുതി. 12 ലക്ഷം മുതല് 15 ലക്ഷം വരെ വരുമാനമുള്ളവര്ക്ക് നികുതി 20 ശതമാനമാകും . 15 ലക്ഷം രൂപയ്ക്ക് മുകളില് വാര്ഷിക വരുമാനമുള്ളവര്ക്ക് 30 ശതമാനം നികുതിയുണ്ട്. പുതിയ സ്കീമില് പേരുചേര്ത്ത നികുതിദായകര്ക്കാണ് പരിഷ്കാരങ്ങള് ബാധകമാവുക. പഴയ സ്കീമിലുള്ള നികുതിദായകര്ക്ക് ഇളവുകളില്ല.
കൃഷി, തൊഴില്, വൈദഗ്ധ്യം, മെച്ചപ്പെട്ട മാനവവിഭവശേഷി, സാമൂഹികനീതി, ഉല്പ്പാദനം, സേവനങ്ങള്, നഗരവികസനം, ഊര്ജ സുരക്ഷ, അടിസ്ഥാന സൗകര്യങ്ങള്, നവീകരണം, ഗവേഷണവും വികസനവും, അടുത്ത തലമുറയിലെ പരിഷ്കാരങ്ങള് എന്നിങ്ങനെ ഒന്പത് മേഖലകളില് സുസ്ഥിരമായ വളര്ച്ചയാണ് ബജറ്റ് സൂചിപ്പിക്കുന്നത്
https://www.facebook.com/Malayalivartha
