അര്ജുനെ കണ്ടെത്താന് റിട്ട. മേജര്. ജനറല് ഇന്ദ്രബാലന് ! ഷിരൂര് വെല്ലുവിളി നിറഞ്ഞ ദൗത്യം...പ്രതീക്ഷകള് അസ്തമിക്കുമ്പോഴും വീണ്ടും വെളിച്ചം പടരുന്നു
അര്ജുനെ രക്ഷിക്കാന് കളത്തിലിറങ്ങി റിട്ട. മേജര്. ജനറല് ഇന്ദ്രബാലന്. 'ഷിരൂരില് അപകടം നടന്ന മേഖലയിലെ ഭൂപ്രകൃതി വെല്ലുവിളി നിറഞ്ഞതാണെന്ന് അദ്ദേഹം വെളിപ്പെടുത്തുന്നു. അര്ജുന് വേണ്ടിയുള്ള തിരച്ചിലിന്റെ ഭാഗമായി മണ്ണിനടിയില്പ്പെട്ട ലോറി കണ്ടെത്താന് ആധുനിക സാങ്കേതിക സഹായം തേടി ദൗത്യസംഘം. റിട്ട. മേജര്. ജനറല് ഇന്ദ്രബാലന്റെയും സംഘത്തിന്റെയും സഹായമാണ് തേടിയത്. കരയിലും വെള്ളത്തിലും ഒരുപോലെ 20 മീറ്ററിലും താഴെയുള്ള ഏത് വസ്തുവും കണ്ടെത്താനാവുന്ന സാങ്കേതികവിദ്യയാണ് ഷിരൂര് രക്ഷാപ്രവര്ത്തനത്തിന് എത്തിക്കുന്നത്. ദൗത്യസംഘത്തിനൊപ്പം ഉടന് ചേരുമെന്ന് റിട്ട. മേജര്. ജനറല് ഇന്ദ്രബാല് പറഞ്ഞു.
'ഷിരൂരില് അപകടം നടന്ന മേഖലയിലെ ഭൂപ്രകൃതി വെല്ലുവിളി നിറഞ്ഞതാണ്. ഇങ്ങനെ ഒരു സാഹചര്യത്തില് ഡ്രോണ് സംവിധാനങ്ങള് പ്രയോജനപ്പെടുത്തുന്നതാണ് ഉചിതം. ഡ്രോണ് ഘടിപ്പിച്ചിട്ടുള്ള സാങ്കേതികവിദ്യയാണ് തങ്ങളുടെ പക്കലുള്ളത്. ഇത് ഉപയോഗിച്ച് സ്കാന് ചെയ്ത് കുറച്ചുകൂടി വേഗത്തില് ലോറി കണ്ടുപിടിക്കാന് സാധിക്കുമെന്നാണ് കരുതുന്നത് ' അദ്ദേഹം മാധ്യമങ്ങളോട് പറഞ്ഞു.
അതേസമയം രക്ഷാപ്രവര്ത്തനം എട്ടാം ദിവസം പിന്നിടുമ്പോഴും അര്ജുനെ കണ്ടെത്താനായില്ല. മഴ കനത്തതോടെ ചൊവ്വാഴ്ചത്തെ തിരച്ചിലും അവസാനിപ്പിച്ചു. ശക്തമായ മഴയെ തുടര്ന്ന് പുഴയിലെ നീരൊഴുക്ക് വര്ധിച്ചതാണ് രക്ഷാപ്രവര്ത്തനത്തിന് വെല്ലുവിളിയായത്. ബുധനാഴ്ച കൂടുതല് യന്ത്രങ്ങളെത്തിച്ച് തിരച്ചില് നടത്തുമെന്ന് കര്ണാടക എം.എല്.എ. സതീഷ് കൃഷ്ണ സെയില് വ്യക്തമാക്കി.
ഉടന് ദൗത്യത്തിന്റെ ഭാഗമാകുമെന്നും ലോറി കണ്ടെത്താനാകുമെന്നാണ് പ്രതീക്ഷയെന്നും റിട്ട. മേജര് ജനറല് എം. ഇന്ദ്രബാലന് പറഞ്ഞു. ഏറ്റവും പുതിയ ടെക്നോളജി ഉപയോഗിക്കും. വിദഗ്ധ സംഘം ദില്ലിയില് സജ്ജമാണ്. ഉപകരണങ്ങള് ദില്ലിയില് നിന്നും എത്തിക്കാനുള്ള അനുമതിക്ക് കാത്തിരിക്കുകയാണെന്നും അദ്ദേഹം പറഞ്ഞു. സാങ്കേതിക സംവിധാനം ഉപയോഗിച്ച് ലോറി കണ്ടെത്താനാകും. കരയിലും വെള്ളത്തിലും പരിശോധന നടത്താന് കഴിയും. ഗംഗാവാലി നദിയിലും പരിശോധന നടത്താം. 20 മീറ്ററിലും താഴെയുള്ള വസ്തുക്കള് വരെ കണ്ടെത്താന് കഴിയും. ഷിരൂരിലെ എസ്പിയും കളക്ടറും നേരിട്ട് ബന്ധപ്പെട്ടിട്ടുണ്ടെന്നും റിട്ട. മേജര് ജനറല് ഇന്ദ്രബാലന് പറഞ്ഞു.
https://www.facebook.com/Malayalivartha
