ഡിജിപി. ടി.പി. സെന്‍കുമാറിനെതിരെ രൂക്ഷ വിമര്‍ശനവുമായി പ്രതിപക്ഷ നേതാവ് വി.എസ്. അച്യുതാനന്ദന്‍. കേരളത്തിലെ ക്രമസമാധാനനില തകര്‍ന്നടിയുമ്പോള്‍ ഡിജിപി കോളജ് കുട്ടികളെപ്പോലെ ഫേസ്ബുക്കില്‍ കളിച്ചു നടക്കുകയാണെന്ന് അദ്ദേഹം ആരോപിച്ചു. സോളര്‍ കേസടക്കമുള്ള മുഖ്യമന്ത്രിയുടേയും മറ്റു മന്ത്രിമാരുടേയും വൃത്തികെട്ട അഴിമതിക്കേസുകള്‍ തേച്ചുമാച്ചു കളയുന്നതിലാണ് ഡിജിപിക്ക് ജാഗ്രത.

ഇതൊക്കെ കണ്ടിട്ടും ഞാനൊന്നുമറിഞ്ഞില്ലേ രാമനാരായണ എന്നുപറഞ്ഞിരിക്കുന്ന ആഭ്യന്തരമന്ത്രിയുടെ ചര്‍മ കാഠിന്യം കൊള്ളാമെന്നും വിഎസ് തിരുവനന്തപുരത്ത് വാര്‍ത്താസമ്മേളനത്തില്‍ ആരോപിച്ചു. കേരളത്തിലെ പൊലീസിന് ഇപ്പോള്‍ ഉമ്മന്‍ചാണ്ടിയുടെയും രമേശ് ചെന്നിത്തലയുടെയുമൊക്കെ അഴിമതിക്കേസുകള്‍ ഒതുക്കിത്തീര്‍ക്കുന്നതില്‍ മാത്രമാണ് ശ്രദ്ധ. ഇതുമൂലം ക്രമസമാധാന നില അമ്പേ തകര്‍ന്നിരിക്കുകയാണ്.

പൊലീസിന്റെ ജോലി അഴിമതി സര്‍ക്കാരിനെ താങ്ങിനിര്‍ത്തലും അതിനെതിരെ ഉയരുന്ന ഏതു സമരത്തെയും ലാത്തിച്ചാര്‍ജും വെടിവെപ്പുമൊക്കെ നടത്തി അടിച്ചമര്‍ത്തുകയുമാണ്. അടുത്ത ദിവസങ്ങളില്‍ തിരുവനന്തപുരം ജില്ലയുടെ വിവിധ ഭാഗങ്ങളില്‍ നടന്ന മന:സാക്ഷിയെ ഞെട്ടിക്കുന്ന കൊലപാതകങ്ങള്‍ ഇതാണ് തെളിയിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha