കല്ലായ് റെയില്‍വെ പാലത്തിനടിയില്‍ നിന്ന് 300 പായ്ക്കറ്റ് ബ്രൗണ്‍ഷുഗറുമായി മുംബൈ സ്വദേശി ധാരാവി അക്ബര്‍ ഷേക്ക് എന്ന സയ്യിദ് നതാറിനെ (45) സിറ്റി ക്രൈം സ്‌ക്വാഡ് പിടികൂടി.
കേരളത്തില്‍ നിന്നും മുംബൈയിലേക്ക് ബ്രൗണ്‍ഷുഗര്‍ വാങ്ങാനായി ആളുകള്‍ വരാറുണ്ടെന്ന് മനസിലാക്കിയ അക്ബര്‍ ബ്രൗണ്‍ഷുഗറുമായി കോഴിക്കോട് വന്നപ്പോഴാണ് പിടിയിലാവുന്നത്. വിപണിയില്‍ മൂന്ന് ലക്ഷം രൂപയുടെ ബ്രൗണ്‍ഷുഗറാണ് ഇയാളില്‍ നിന്നും പിടികൂടിയത്. ചെറിയപായ്ക്കറ്റിന് 1000, 1500 രൂപ നിരക്കിലാണ് വില്പന നടത്തുന്നത്. ജില്ലയില്‍ ജോലി ചെയ്യുന്ന അന്യസംസ്ഥാന തൊഴിലാളികളെ കേന്ദ്രീകരിച്ച് വില്പന നടത്താനാണ് കോഴിക്കോട് ഭാഗത്ത് എത്തിയത്. 
മുംബൈയിലെ മസ്ജിദ്ബന്തറില്‍ നിന്നാണ് ബ്രൗണ്‍ഷുഗര്‍ വില്പനയ്ക്കായി കൊണ്ടുവന്നത്. മുബൈയിലെ ചേരിയായ ധാരാവിയില്‍ വളര്‍ന്ന അക്ബറിന് മലയാളം, തമിഴ്, ഹിന്ദി ഭാഷകള്‍ നന്നായി കൈകാര്യം ചെയ്യാന്‍ കഴിവുണ്ട്. ഇതിനു മുമ്പും ബ്രൗണ്‍ഷുഗര്‍ വില്പനയ്ക്കായി കേരളത്തിലെ പല ജില്ലകളിലും വന്നതായി പോലീസിന് സൂചന ലഭിച്ചിട്ടുണ്ട്. 

വേറിട്ട രീതിയിലാണ് സയ്യിദ് നതാറിന്റെ ബ്രൗണ്‍ഷുഗര്‍ വില്പന. പായ്ക്കറ്റുകളിലാക്കിയ ബ്രൗണ്‍ഷുഗര്‍ ചെറിയ കുട്ടികളുടെ ഉടുപ്പിനുള്ളില്‍ ഒട്ടിച്ച് വച്ച് റോഡ് സൈഡില്‍ ഉടുപ്പു വില്പനക്കാരനെന്ന വ്യാജേന ഉടുപ്പുകള്‍ ബാഗിലാക്കി ആര്‍ക്കും സംശയം തോന്നാത്ത വിധത്തിലാണ് പ്രതിയുടെ കച്ചവട ശൈലി. പിടികൂടാന്‍ വന്നാല്‍ ബ്രൗണ്‍ഷുഗര്‍ പായ്ക്കറ്റുകള്‍ ഒട്ടിച്ച ഉടുപ്പ് ഉപേക്ഷിച്ചു കളയുകയാണ് പതിവ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha