ഷമീറിന്റെ മരണത്തില് അനുശോചിക്കാന് നിത്യപൂജ ഒഴിവാക്കി ക്ഷേത്രം അടച്ചിട്ടത് രണ്ട് ദിവസം; ഉല്സവ കമ്മറ്റി അംഗം കൂടിയായ യുവാവിന്റെ ഘാതകരെ ശിക്ഷിക്കാന് വക്കത്തെ ജനങ്ങള് ഒരുമിച്ചു
ഇല്ല നിങ്ങള്ക്ക് തകര്ക്കാനാവില്ല ഘാതകരേ ഈ നാടിന്റെ മതമൈത്രി.നടുറോഡില് നാട്ടുകാരുടെ മുമ്പി വച്ച് അക്രമി സംഘം അടിച്ചു കൊലപ്പെടുത്തിയ ഷമീറിന്റെ വിയോഗത്തില് ക്ഷേത്രം അടച്ച് ക്ഷേത്രകമ്മിറ്റി ആദരവ് നല്കി. വക്കം പുത്തന്നട ദേവേശ്വരക്ഷേത്രത്തിലെ ഉത്സവ കമ്മിറ്റി എക്സിക്യൂട്ടീവ് അംഗം കൂടിയായ ഷമീറിന്റെ അകാലത്തിലുള്ള വിയോഗത്തെ തുര്ന്ന തിങ്കളാഴ്ചയും ഇന്നലെയും ക്ഷേത്രം അടച്ച് നിത്യപൂജ ഒഴിവാക്കി.
കഴിഞ്ഞ രണ്ട് വര്ഷമായി ക്ഷേത്രത്തിലെ ഉത്സവ കമ്മിറ്റിയിലെ എക്സിക്യൂറ്റീവ് അംഗമാണ് ഷമീര്. ഉത്സവത്തിന് ദിവസങ്ങള് മാത്രം ബാക്കിനില്ക്കെയാണ് ഷമീറിന്റെ വിയോഗം. ഒന്പതിനു ക്ഷേത്രത്തില് ഉത്സവ കൊടിയേറ്റ്. ഈ ഉത്സവം ആഡംബരരഹിതമായി നടത്തും. വലിയ ആഘോഷങ്ങളും നടത്തില്ല. ക്ഷേത്രവുമായി ഏറെ അടുത്ത് പ്രവര്ത്തിച്ച ഷമീറിന്റെ മരണത്തില് വര്ഗ്ഗീയത കൊണ്ടു വരാന് ശ്രമിച്ചിരുന്നു. കൊല നടത്തിയ ഹിന്ദുക്കളാണെന്നതായിരുന്നു ഇതിന് കാരണം. ഇതിനെ ചേറുത്ത് തോല്പ്പിച്ചത് പുത്തന്നട ദേവസ്വത്തിന്റെ കരുതലോടെയുള്ള നടപടിയാണ്.
കഴിഞ്ഞ വര്ഷം ഉത്സവത്തിന് ആനയെ എഴുന്നള്ളിപ്പിന് ഇടയില് ആനയുടെ വാലില് തൂങ്ങി പ്രശ്നമുണ്ടാക്കിയ സംഘത്തിലെ അംഗങ്ങളാണ് ഷമീറിന്റെ കൊലയ്ക്ക് പിന്നിലെ പ്രതികള്. ഇതെ കേസില് ഷമീര് പൊലീസില് മൊഴി നല്കി ഇതിനെ തുടര്ന്ന് വൈരാഗ്യ ഉടലെടുക്കുകയും നിരവധി തവണ ഷമീറിനെ വഴിയില് തടഞ്ഞ് പ്രശനങ്ങള് സൃഷ്ടിക്കുകയും ചെയ്തതായി നാട്ടുകാര് പറയുന്നു. കേഷ്ത്രത്തിലെ ഉത്സവത്തിന് സമുഹസദ്യ ഉള്പ്പെടുയുള്ള ജോലികള്ക്ക് ചുക്കാന് പിടിക്കുന്നത് ഷമീറായിരുന്നു. ഇതിനുള്ള വിറക് കഴിഞ്ഞ ദിവസം ക്ഷേത്രത്തില് എത്തിച്ചു.
ഈ സാഹചര്യത്തില് വര്ഗ്ഗീയതയ്ക്ക് എതിരെ അണിനിരക്കാന് വക്കത്തെ സാധാരണ ജനങ്ങള് തീരുമാനിച്ചു. ഇതോടെയാണ് കൊലപാതികളുടെ പ്രതികാര കാരണം പുറത്തുവന്നത്. വ്യക്തിപരമായ പ്രശ്നങ്ങളാണ് കൊലയ്ക്ക് കാരണം. അല്ലാതെ വര്ഗ്ഗീയതയോ ക്ഷേത്രത്തെ മോശമാക്കാനുള്ള ഷമീറിന്റെ നടപടികളോ അല്ല കാരണം. കൊല നടത്തിയവരാണ് ക്ഷേത്ര ഉല്സവം അലങ്കോലപ്പെടുത്താന് ശ്രമിച്ചതെന്നും ക്ഷേത്ര കമ്മറ്റി പറയുന്നു. ശ്രീനാരായണ ഗുരുദേവന് സ്ഥാപിച്ച ക്ഷേത്രം അങ്ങനെ മതേതരത്വ മൂല്യങ്ങളും കാവലാളുമായി.
ക്ഷേത്രവുമായി ബന്ധപ്പെട്ട വിഷയങ്ങളും വര്ഗ്ഗീയതയുമാണ് ഷമീറിന്റെ കൊലയ്ക്ക് കാരണമെന്ന വാദങ്ങള് ഇതോടെ പൊളിഞ്ഞു. അടുത്ത ഉല്സവം എല്ലാ അര്ത്ഥത്തിലും ഷമീറിന്റെ ഓര്മ്മയില് തന്നെയാകും നടത്തുകയെന്നാണ് സൂചന.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
