കേരളത്തിന്റെ വികസനം ബിജെപിയിലൂടെ മാത്രമാണ് ഉണ്ടാവുകയെന്ന് പാര്‍ട്ടി ദേശീയ അധ്യക്ഷന്‍ അമിത് ഷാ. ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്റെ വിമോചന യാത്രയുടെ കോട്ടയത്തെ പരിപാടിയില്‍ സംസാരിക്കുകയായിരുന്നു അമിത് ഷാ. ഇടതുപക്ഷം ഭരണത്തില്‍ വരുമ്പോള്‍ കേരളം അന്ധകാരത്തിലാകും. വലതുപക്ഷം ഭരണത്തിലെത്തുമ്പോള്‍ കേരളം അഴിമതിയുടെ പിടിയില്‍പ്പെടും. ബിജെപി വന്നാലേ വികസനം വരൂ.
യുഡിഎഫും ഇടതുപക്ഷവും വോട്ടു ബാങ്കിന്റെ രാഷ്ട്രീയം കളിച്ച് കേരളത്തിലെ ജനങ്ങളോട് അനീതിയാണു കാണിച്ചത്. ഇരുകക്ഷികളും പ്രീണന രാഷ്ട്രീയത്തിലൂടെയാണ് കേരളം ഭരിച്ചത്. ബിജെപി വന്നാല്‍ ഇത്രയും കാലം നീതി നിഷേധിക്കപ്പെട്ടവര്‍ക്ക് നീതി ലഭിക്കും, അമിത് ഷാ കൂട്ടിച്ചേര്‍ത്തു.
ആലുവയില്‍ നടന്ന ബിജെപി സംസ്ഥാന കോര്‍ കമ്മിറ്റി യോഗത്തിലും അമിത് ഷാ പങ്കെടുത്തിരുന്നു. വരുന്ന നിയമസഭാ തിരഞ്ഞെടുപ്പില്‍ സംസ്ഥാന ഘടകത്തിലെ പ്രമുഖ നേതാക്കളെല്ലാവരും മല്‍സരിക്കണമെന്നാണ് അമിത് ഷാ യോഗത്തിലെടുത്ത നിലപാട്. നേതാക്കള്‍ മല്‍സരിക്കേണ്ട മണ്ഡലങ്ങളുടെ കാര്യത്തില്‍ ഏകദേശ ധാരണയായതായും സൂചനയുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha