ഗവര്ണറുടെ നയപ്രഖ്യാപന പ്രസംഗത്തിനിടെ പ്രതിപക്ഷം നിയമസഭയില് നിന്ന് ഇറങ്ങിപ്പോയി
നിയമസഭയില് ഗവര്ണറുടെ നയപ്രഖ്യാപന പ്രസംഗം പ്രതിപക്ഷം ബഹിഷ്കരിച്ചു. ആരോപണവിധേയരായ മന്ത്രിമാരെ പുറത്താക്കണമെന്ന് ആവശ്യപ്പെട്ട്, മുദ്രാവാക്യം വിളിച്ച് പ്രതിപക്ഷം സഭയില് പ്രതിഷേധിച്ചു. നയപ്രഖ്യാപനപ്രസംഗം ഒഴിവാക്കണമെന്ന് വിഎസ് ആവശ്യപ്പെട്ടു. സര്ക്കാര് അഴിമതിയില് മുങ്ങിയെന്ന് അദ്ദേഹം ആരോപിച്ചു. പ്രതിപക്ഷം മുദ്രാവാക്യം വിളിച്ച് പ്രതിഷേധിച്ചു.
ജനാധിപത്യപരമായി പ്രതിഷേധിക്കാന് വിഎസിനോട് ഗവര്ണര് ആവശ്യപ്പെട്ടു. ഭരണഘടനാപരമായ ബാധ്യത നിറവേറ്റാന് തന്നെ അനുവദിക്കണം. സമാധാനപരമായി കേള്ക്കണം. ഇല്ലെങ്കില് സഭയ്ക്കു പുറത്തേക്കുപോവണം. ഭാവിയില് നിങ്ങള്ക്കും ഈ അവസ്ഥ ഉണ്ടാകാമെന്നും ഗവര്ണര് പറഞ്ഞു. ഭരണഘടന വായിക്കണമെന്നും പ്രതിപക്ഷത്തോട് ഗവര്ണര് ആവശ്യപ്പെട്ടു. നയപ്രഖ്യാപനം ഒഴിവാക്കണമെന്ന വിഎസിന്റെ ആവശ്യം ഗവര്ണര് തള്ളി. ഇതോടെ പ്രതിപക്ഷം സഭ വിട്ടിറങ്ങി. പ്രതിപക്ഷം യുദ്ധസ്മാരകത്തില് കുത്തിയിരുന്ന് പ്രതിഷേധം ആരംഭിച്ചു. തുടര്ന്ന് ഗവര്ണറുടെ നയപ്രഖ്യാപന പ്രസംഗം തുടങ്ങി.
കഴിഞ്ഞ അഞ്ചുവര്ഷം കേരളത്തിന്റെ സുവര്ണകാലമാണെന്ന് ഗവര്ണര് പറഞ്ഞു. കൊച്ചി മെട്രോ, ലൈറ്റ് മെട്രോ പദ്ധതികള് വിവിധഘട്ടങ്ങളിലാണ്. കണ്ണൂര് വിമാനത്താവളം അന്പത് ശതമാനം പൂര്ത്തിയായി. കേരളത്തിന്റെ വളര്ച്ചനിരക്ക് രാജ്യ നിലവാരത്തേക്കാള് മുന്നിലാണെന്നും അദ്ദേഹം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
