മുഖ്യമന്ത്രി ഉമ്മന്‍ചാണ്ടിയുടെ വീട്ടിലേക്ക് സോളാര്‍ കേസ് പ്രതി സരിത നായര്‍ വിളിച്ചത് 130 തവണ. ഉമ്മന്‍ചാണ്ടിയുമായി ഫോണിലൂടെ സരിത നായര്‍ നിരന്തരം ബന്ധപ്പെട്ടതിന്റെ രേഖകള്‍ സോളാര്‍ കമ്മീഷന്റെ അഭിഭാഷകന്‍ ഹാജരാക്കി. സരിതയുടെ ഒരു നമ്പറില്‍ നിന്നും 50ലധികം തവണ മുഖ്യമന്ത്രിയുടെ വീട്ടിലേക്ക് വിളിച്ചു. രണ്ടാമത്തെ ഫോണില്‍ നിന്ന് വിളിച്ചത് 42 തവണയാണ്. മൂന്നാമത്തെ ഫോണില്‍ നിന്നും 38 തവണയും വിളിച്ചു. മുഖ്യമന്ത്രിയുടെ വീട്ടില്‍ നിന്നും തിരിച്ചും നിരവധി തവണ വിളിച്ചതായും രേഖകളുണ്ട്. സമര്‍പ്പിച്ച രേഖകളിലെ അത്രയും തവണ വിളിച്ചോ എന്ന കമ്മീഷന്റെ അഭിഭാഷകന്റെ ചോദ്യത്തിന് വിളിച്ചതാണെന്ന് സരിത മൊഴി നല്‍കി. എംഎല്‍എ പിസി വിഷ്ണുനാഥിനെ സരിത ഒരു നമ്പറില്‍ നിന്ന് 175 തവണയും രണ്ടാമത്തെ ഫോണില്‍ നിന്നും 12 തവണയും വിളിച്ചിട്ടുണ്ട്. ആര്യാടനെ 81 തവണയാണ് വിളിച്ചത്. ജിക്കുവിനെ 475 തവണയും തോമസ് കുരുവിളയെ 140 തവണയും മോന്‍സ് ജോസഫ്-160 ഹൈബി ഈഡന്‍-65 കെ.സി. വേണുഗോപാല്‍-50 എ.പി. അനില്‍കുമാര്‍-30 അബ്ദുല്ലക്കുട്ടി-30 ടെനി ജോപ്പന്‍- 1783  വിളിച്ചുവെന്നുമുള്ള കമ്മീഷന്‍ അഭിഭാഷകന്റെ രേഖകളും ശരിയാണെന്ന് സരിത മൊഴി നല്‍കിയിട്ടുണ്ട്. 2012–2013 കാലഘട്ടത്തിലെ ഫോണ്‍ രേഖകളാണ് കമ്മീഷന്‍ അഭിഭാഷകന്‍ ഹാജരാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha