25 കോടി ഭാഗ്യശാലി ആര്? നാളെയറിയാം.... തിരുവോണം ബമ്പര്‍ നാളെ നറുക്കെടുപ്പ് എടുക്കാനിരിക്കെ ടിക്കറ്റ് വില്‍പ്പന 70 ലക്ഷത്തിലേക്ക്.... 25 കോടിരൂപയാണ് ഭാഗ്യശാലിയെ കാത്തിരിക്കുന്നത്. നാളെ ഉച്ചയക്ക് 2 മണിയ്ക്കാണ് ഭാഗ്യശാലികളെ കണ്ടെത്തുക.

25 കോടി രൂപയുടെ ഒന്നാം സമ്മാനം, 1 കോടി രൂപ വീതം 20 പേര്‍ക്ക് രണ്ടാം സമ്മാനം അടക്കം ആകര്‍ഷകമായ സമ്മാനങ്ങളാണ് ഇത്തവണയും ഭാഗ്യശാലികളെ കാത്തിരിക്കുന്നത്.
്, ഈ ഒറ്റ രാത്രികൂടി കഴിഞ്ഞാല്‍ ആ ഭാഗ്യശാലി ആരെന്നറിയാം. ഭാഗ്യന്വേഷികളുടെ എണ്ണവും ഇത്തവണ റെക്കോഡ് സൃഷ്ടിച്ചേക്കുമെന്നാണ് വ്യക്തമാകുന്നത്. ഇതിനകം അറുപത് ലക്ഷത്തി ഏഴുപതിനായിരത്തിലധികം ടിക്കറ്റാണ് വിറ്റുപോയത്.

അവസാന കണക്കെത്തുമ്പാള്‍ അടിച്ച ടിക്കറ്റെല്ലാം വിറ്റ് പോകുമെന്ന നിലയിലാണ്. എണ്‍പത് ലക്ഷം ടിക്കറ്റാണ് ഇത്തവണ കേരള ഭാഗ്യക്കുറി വകുപ്പ് വിപണയിലെത്തിച്ചത്.

കഴിഞ്ഞ ഓണക്കാലത്ത് 75, 76, 098 ടിക്കറ്റ് ആണ് വില്‍പ്പന നടത്തിയത്. ഇക്കുറി ആ റെക്കോര്‍ഡ് ഭേദിക്കുമോയെന്ന് കണ്ടറിയണം. ഭാഗ്യ തേടുന്നവരില്‍ പാലക്കാട് ജില്ലയാണ് മുന്നിലുള്ളത്. ജില്ലയില്‍ മാത്രം 12 മുക്കാല്‍ ലക്ഷം ടിക്കറ്റ് വിറ്റുകഴിഞ്ഞു. അതിര്‍ത്തി കടന്നും ടിക്കറ്റ് പോയതാണ് പാലക്കാടിനെ മുന്നിലാക്കുന്നത്. ഒന്‍പതര ലക്ഷം ടിക്കറ്റ് വില്‍പ്പന നടത്തി തിരുവനന്തപുരം പിന്നിലുണ്ട്.

അതേസമയം നാളെ ഉച്ചയ്ക്ക് ഒന്നരയ്ക്ക് വി കെ പ്രശാന്ത് എം എല്‍ എയുടെ അധ്യക്ഷതയില്‍ ഗോര്‍ഖി ഭവനില്‍ നടക്കുന്ന ചടങ്ങില്‍ പൂജാ ബമ്പറിന്റെ പ്രകാശനവും തിരുവോണം ബമ്പര്‍ നറുക്കെടുപ്പും ധനമന്ത്രി കെ എന്‍ ബാലഗോപാല്‍ നിര്‍വഹിക്കും. പൂജാ ബമ്പര്‍ ഒന്നാം സമ്മാനം 12 കോടിരൂപയാണ്.