തൃശൂരില് അഞ്ച് വയസുകാരന് ക്ലാസ് ടീച്ചറുടെ ക്രൂര മര്ദനം...ഡയറി എഴുതിയില്ലെന്ന് ആരോപിച്ചാണ് ക്ലാസ് ടീച്ചർ ഇത്തരത്തിൽ ഒരു ക്രൂരത കാണിച്ചത് ...ഇപ്പോഴും നടപടിയെടുക്കാതെ പോലീസ്...
തൃശൂരില് അഞ്ച് വയസുകാരന് ക്ലാസ് ടീച്ചറുടെ ക്രൂര മര്ദനം. തൃശൂർ കുര്യച്ചിറ സെന്റ് ജോസഫ് യുപി സ്കൂളിലാണ് സംഭവം. ഡയറി എഴുതിയില്ലെന്ന് ആരോപിച്ചാണ് ക്ലാസ് ടീച്ചർ അഞ്ചുവയസ്സുകാരനെ തല്ലിച്ചതച്ചത്. ക്ലാസ് ടീച്ചറായ സെലിനാണ് കുട്ടിയുടെ ഇരു കാൽമുട്ടിനും താഴെ ക്രൂരമായി തല്ലിയത്. രക്ഷിതാക്കളുടെ പരാതിയിൽ കഴിഞ്ഞ തിങ്കളാഴ്ച നെടുപുഴ പൊലീസ് കേസെടുത്തു. സംഭവം നടന്ന് ഒരാഴ്ചയായിട്ടും അധ്യാപികയെ പൊലീസ് അറസ്റ്റ് ചെയ്തിട്ടില്ലെന്ന ആക്ഷേപവും ഉയരുന്നുണ്ട്. സ്കൂൾ മാനേജ്മെന്റിന്റെ സ്വാധീനത്തിന് വഴങ്ങിയാണ് അധ്യാപികയെ അറസ്റ്റ് ചെയ്യാതിരിക്കുന്നതെന്നാണ് രക്ഷിതാവ് ആരോപിക്കുന്നത്.
സ്കൂൾ മാനേജ്മെന്റ് ഒത്തുതീർപ്പിനായി ശ്രമിച്ചെന്നും താൻ വഴങ്ങിയില്ലെന്നും രക്ഷിതാവ് ഏഷ്യാനെറ്റ് ന്യൂസിനോട് പറഞ്ഞു. അധ്യാപിക ഒളിവിൽ ആണെന്നാണ് നെടുപുഴ പൊലീസ് വിശദീകരിക്കുന്നത്. അതേസമയം, അധ്യാപികയെ സസ്പെന്ഡ് ചെയ്തെന്ന് സ്കൂള് അധികൃതര് അറിയിച്ചു.അദ്ധ്യാപികയെ ഇപ്പോഴും അറസ്റ് ചെയ്തില്ല.ബാലാവകാശ കമീഷനിലും പരാതി നൽകി . സ്കൂൾ ടീച്ചേർസ് അസോസിയേഷനിലും പരാതി നൽകിയിട്ടും യാതൊരു നടപടിയുമില്ല . ഇപ്പോഴും അവർ സ്കൂളിലും തുടരുകയാണ് .
ഒത്തുതീർപ്പ് ചെയ്യണം എന്നൊക്കെയാണ് പറയുന്നത് പക്ഷെ പരാതിയുമായി മുൻപോട്ട് പോകാൻ തന്നെയാണ് രക്ഷിതാക്കളുടെ തീരുമാനം . പത്തിരുപത് തവണയാണ് കുട്ടിയുടെ കാലിൽ അടിച്ചിരിക്കുന്നത് .പോലീസ് അന്ന് തന്നെ കേസ് രജിസ്റ്റർ ചെയ്തെങ്കിലും യാതൊരു നടപടിയും ഉണ്ടായിട്ടില്ല . ബാലാവകാശ കമീഷനുമൊക്കെയുള്ള നാടാണ് . എന്നിട്ടാണ് ഇവിടെ ഇങ്ങനെ ഒരു അവസ്ഥ ഉണ്ടായിരിക്കുന്നത് . ഇതിനൊക്കെ എന്താ പറയേണ്ടത് ക്രൂരമായ കുറ്റകൃത്യം എന്ന് തന്നെ വേണം പറയാൻ. ഈ അധ്യാപകയുടെ വീട്ടിലെ ഒരു കൊച്ചിനെയാണെങ്കിൽ ഇവർ ഇങ്ങനെ ഇഞ്ചിച്ചായി ഉപദ്രവിക്കകൻ ഒരുങ്ങുമോ..?
https://www.facebook.com/Malayalivartha
