എഡിഎം നവീന് ബാബു ആത്മഹത്യ ചെയ്ത കേസില് പ്രതി പി പി ദിവ്യയുടെ ജാമ്യഹര്ജിയില് വാദം ഇന്ന്
എഡിഎം നവീന് ബാബു ആത്മഹത്യ ചെയ്ത കേസില് പ്രതി പി പി ദിവ്യയുടെ ജാമ്യഹര്ജിയില് വാദം ഇന്ന് . തലശ്ശേരി ജില്ലാ കോടതിയാണ് വാദം കേള്ക്കുക. ജാമ്യം നല്കുന്നതിനെ എതിര്ത്ത് നവീന് ബാബുവിന്റെ കുടുംബം കക്ഷി ചേരും.
തെറ്റ് പറ്റിയെന്ന് എഡിഎം പറഞ്ഞെന്ന കളക്ടറുടെ മൊഴിയും പരാതിക്കാരന് പ്രശാന്തിന്റെ മൊഴിയും ആയുധമാക്കിയാവും പ്രതിഭാഗം വാദം.ഫയല് നീക്കം വൈകിപ്പിച്ചതിനെയാണ് വിമര്ശിച്ചതെന്നും അഴിമതിക്കെതിരായ സന്ദേശമാണ് നല്കിയതെന്നും സ്ഥാപിക്കാനാകും ശ്രമം. ദിവ്യയെ ചോദ്യം ചെയ്തതിന് പിന്നാലെയെത്തുന്ന ജാമ്യഹര്ജിയില് പ്രോസിക്യൂഷന് വാദവും നിര്ണായകമായേക്കും.
നവീന് ബാബുവിനെതിരെ കൈക്കൂലി ആരോപണ ഉന്നയിച്ചതില് ഗൂഢാലോചനയില്ലെന്നാണ് പി പി ദിവ്യ പൊലീസിനോട് പറഞ്ഞത്. പെട്രോള് പമ്പുമായി ബന്ധമില്ലെന്ന് വ്യക്തമാക്കിയ ദിവ്യ പ്രശാന്തിനെ നേരത്തെ പരിചയമില്ലെന്നും മൊഴി നല്കി. പ്രശാന്തുമായി ഫോണ് വിളികളും ഉണ്ടായിട്ടില്ല.
പ്രശാന്ത് ജില്ലാ പഞ്ചായത്തിന്റെ ഹെല്പ് ഡെസ്കില് വന്ന അപേക്ഷകന് മാത്രമാണെന്നും ദിവ്യ പറഞ്ഞു. കഴിഞ്ഞ ദിവസം ദിവ്യയെ രണ്ടര മണിക്കൂര് പൊലീസ് ചോദ്യം ചെയ്തപ്പോഴാണ് ഇക്കാര്യങ്ങള് വിശദീകരിച്ചത്.കളക്ടര്ക്കെതിരെ ഇന്നലെയും കണ്ണൂരില് കനത്ത പ്രതിഷേധമുണ്ടായി.
അരുണ് കെ വിജയനെ നുണപരിശോധനയ്ക്ക് വിധേയനാക്കണമെന്ന് ആവശ്യപ്പെട്ട് മുസ്ലിം ലീഗ് നടത്തിയ കളക്ടറേറ്റ് മാര്ച്ച് സംഘര്ഷത്തിലാണ് അവസാനിച്ചത്. പൊലീസും പ്രവര്ത്തകരും തമ്മില് ഉന്തും തള്ളുമുണ്ടായി. മാധ്യമങ്ങളോട് ഒന്നും പറയാനില്ലെന്നായിരുന്നു കളക്ടര് മറുപടി പറഞ്ഞത്.
https://www.facebook.com/Malayalivartha
