സങ്കടം അടക്കാനാവാതെ.... ആയൂരില്‍ നിയന്ത്രണം വിട്ട് മറിഞ്ഞ സ്‌കൂട്ടറും കാറും കൂട്ടിയിടിച്ചുണ്ടായ അപകടത്തില്‍ പരിക്കേറ്റ യുവാവ് മരിച്ചു. ചെറുവേക്കല്‍ സ്വദേശി എബിനാണ് (19) മരിച്ചത്.


ഇന്ന് രാവിലെയാണ് അതിവേഗതയില്‍ നിയന്ത്രണം വിട്ടെത്തിയ സ്‌കൂട്ടറും കാറും ആയൂര്‍ കശുവണ്ടി ഫാക്ടറിക്ക് സമീപത്ത് വെച്ച് കൂട്ടിയിടിച്ച് അപകടമുണ്ടായത്.

കൊട്ടാരക്കര ഭാഗത്തേക്ക് പോകുകയായിരുന്ന സ്‌കൂട്ടര്‍ ഓരോ വാഹനങ്ങളെയായി മറികടന്ന് വരികയായിരുന്നു. ഇതിനിടെ വളവില്‍ വെച്ച് സ്‌കൂട്ടറിന്റെ നിയന്ത്രണം നഷ്ടപ്പെട്ട് എബിന്‍ റോഡിലേക്ക് വീഴുകയായിരുന്നു. അതേ സമയത്ത് തന്നെ എതിര്‍ വശത്ത് നിന്നെത്തിയ കാര്‍ സ്‌കൂട്ടില്‍ ഇടിക്കുകയായിരുന്നു. പരിക്കേറ്റ എബിനെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല.