മസില് കൂട്ടാന് പ്രോട്ടീന് പൗഡറുകള് വെറുതേ അടിച്ചു കയറ്റിയാല് പണിയാകുമേ...കാത്തിരിക്കുന്നത് മാരക അസുഖങ്ങള്
കൗമാരക്കാരുടെ ഏറ്റവും വലിയ ആഗ്രഹമാണ് വലിയ മസിലുകള്. ജിമ്മില് പോകുന്നതേ വലിയ മസിലുണ്ടാക്കാന് വേണ്ടിയാണ് അതിനായി അവര് എന്തിനും തയ്യാറുമാണ്. മസില് കൂട്ടാന് കഴിക്കുന്ന പ്രോട്ടീന് പൗഡറുകളിലും ക്യാപ്സൂളുകളിലും കലര്ത്തിയിട്ടുള്ള അനാബോളിക്ക് സ്റ്റിറോയിഡുകള് നിങ്ങളുടെ ആയുസ് തന്നെ എടുക്കും. പൗഡറുകളില് അടങ്ങിയിരിക്കുന്ന സ്റ്റിറോയിഡുകളായ സസ്ദാനും ഡ്യൂറാബോളിനും കരളും വൃക്കയും കാര്ന്നുതിന്നാന് കഴിയുന്നവയാണെന്ന് ഓര്ക്കുക. തുടര്ച്ചയായി രണ്ടുവര്ഷം ഉപയോഗിക്കുന്ന ആളുകളില് കാന്സര് ബാധ ഉറപ്പ്.
സംസ്ഥാനത്ത് വ്യാപകമാകുന്ന ശരീരപുഷ്ടി മരുന്നുകളുടെ വില്പ്പന ഒരു യുവ തലമുറയെ തന്നെ പാടെ നശിപ്പിക്കുന്ന തരത്തിലേക്കാണ് നീങ്ങുന്നത്. നേരത്തെ മരുന്ന കടകളില് മാത്രം ലഭിച്ചുക്കൊണ്ടിരുന്ന പൗഡറുകള് ഇപ്പോള് സംസ്ഥാനത്ത് കുമിളുകള് പോലെ ഉയര്ന്നിട്ടുള്ള ജിംനേഷ്യങ്ങളിലും ലഭ്യമാണ്.ഇവിടെ മസിലുകള് പെരുപ്പിക്കാനെത്തുന്ന 16 മുതല് 22 വരെയുള്ള യുവാക്കളെയാണ് പ്രോട്ടീന് പൗഡറുകള് തിന്നാന് പരിശീലകലും ചില ഡോക്ടര്മാരും ഉപദേശിക്കുന്നത്.
നിര്മ്മാതാക്കള് ആവശ്യപ്പെടുന്ന തരത്തില് യുവാക്കളെ പ്രോട്ടീന് പൗഡര് കഴിച്ച് മസിലു വീര്പ്പിച്ച് നടക്കാന് പ്രരിപ്പിക്കുന്നതില് മുന്പന്തിയില് ജിംനേഷ്യത്തിലെ പരിശീകര് തന്നെയാണ്. വാര്ദ്ധക്യത്തെ തുടര്ന്ന് ഉണ്ടാകുന്ന എല്ലുകളുടെ തേയ്മാനങ്ങള് പരിഹരിക്കാന് നല്കുന്ന സ്റ്റിറോയിഡുകളാണ് പ്രോട്ടീന് പൗഡറുകളില് ഇപ്പോള് ഉപയോഗിച്ചു വരുന്നത്.
പൗഡറുകള് കഴിക്കുന്നതോടെ ശരീരത്തിലെ രക്ത കുഴലുകള്ക്ക് അമിതമായ വളര്ച്ചയാണ് ഉണ്ടാകുന്നത്. പ്രോട്ടീന് പൗഡറുകളില് അടങ്ങിയിരിക്കുന്ന സ്റ്റിറോയിഡുകളുടെ അമിത പ്രവര്ത്തനമാണ് ഇതിനു കാരണം. മാത്രമല്ല ഹൃദയത്തിന്റെ പ്രവര്ത്തനങ്ങളെയും സാരമായി ബാധിക്കും. സ്റ്റിറോയിഡുകള് പ്രവര്ത്തിക്കുന്നതോടെ ഹൃദയധമനികള് വികസിച്ച് രക്തയോട്ടത്തിന്റെ വേഗം കുറയ്ക്കുകയും ചെയ്യും. ഇത് ഹൃദയാഘാത്തിനുതന്നെ കാരണമാകും.
കേരളം, ബംഗാള്, മഹാരാഷ്ട്ര, തമിഴ്നാട്, കര്ണ്ണാടക എന്നീ സംസ്ഥാനങ്ങളിലാണ് പ്രോട്ടീന് പൗഡറുകളുടെ അമിതോപയോഗം കണ്ടെത്തിയിട്ടുള്ളത്. നേരത്തെ ഭാരോദ്വഹനക്കാരും കായികതാരങ്ങളും ഉപയോഗിച്ചു കൊണ്ടിരുന്ന സ്റ്റിറോയിഡുകള് ഇപ്പോള് വിവിധ രൂപത്തിലാണ് വിപണയിലെത്തുന്നത്. മൂത്രസാമ്പിളുകളില് പോലും കണ്ടെത്താന് കഴിയാത്തവിധം വിദഗ്ധമായി നിര്മ്മിക്കുന്ന പൗഡറുകള് വാങ്ങി കഴിക്കാന് സാധാരണക്കാരും ഇപ്പോള് ധാരാളമാണ്.
ഇത് തുടര്ച്ചയായി കഴിച്ചവരില് നടത്തിയ പരിശോധനയില് ലിവര് സിറോസിസ്, അര്ബുദം, ഹൃദ്രോഗം, കടുത്ത പ്രമേഹം എന്നിവ കണ്ടെത്തിയത് പുത്തന് തലമുറയ്ക്ക് തിരിച്ചടിയാവുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
