പ്രശസ്ത കവിയും ജ്ഞാനപീഠ പുരസ്‌കാര ജേതാവുമായ ഒ.എന്‍.വി. കുറുപ്പിന്റെ വിയോഗത്തില്‍ രാഷ്ട്രീയ പ്രമുഖര്‍ അനുശോചിച്ചു. കലാസാംസ്‌കാരിക രംഗത്തിന് തീരാനഷ്ടമാണ് ഒഎന്‍വിയുടെ വിയോഗമെന്ന് മുഖ്യമന്ത്രി ഉമ്മന്‍ ചാണ്ടി അനുസ്മരിച്ചു. മനുഷ്യനേയും സ്‌നേഹിച്ച വ്യക്തിയായിരുന്ന അദ്ദേഹമെന്നും മുഖ്യമന്ത്രി പറഞ്ഞു. ഒരു സഹോദരന്‍ നഷ്ടപ്പെട്ട ദുഃഖമാണെന്ന് പ്രതിപക്ഷ നേതാവ് വി.എസ്. അച്യുതാനന്ദന്‍ അനുസ്മരിച്ചു.

പിതൃതുല്യമായ വാല്‍സല്യത്തോടെയാണ് മലയാളികള്‍ ഒഎന്‍വിയെ കണ്ടിരുന്നത്. അദ്ദേഹത്തിനുള്ളതു പോലെ ശിഷ്യസമൂഹം മറ്റുപലര്‍ക്കും ഉണ്‌ടോയെന്നത് സംശയമാണെന്നും മന്ത്രി തിരുവഞ്ചൂര്‍ രാധാകൃഷ്ണന്‍. അധ്യാപകനെന്ന നിലയിലും ഭാഷാ പണ്ഡിതനെന്ന നിലയിലും എല്ലാ പടവുകളും കയറിയെത്തിയ മഹനായ വ്യക്തിയായിരുന്നു അദ്ദേഹമെന്നു തിരുവഞ്ചൂര്‍ പറഞ്ഞു.

കേരളത്തിന്റെ സാഹിത്യ, സാംസ്‌കാരിക, രാഷ്ട്രീയ രംഗത്ത് നിറഞ്ഞു നിന്ന വ്യക്തിയായിരുന്നു ഒ.എന്‍.വി കുറുപ്പ് എന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു. അദ്ദേഹത്തിന്റെ വിയോഗം അപരിഹാരമായ നഷ്ടമാണ് സാഹിത്യലോകത്ത് സൃഷ്ടിച്ചിട്ടുള്ളത്. മലയാള ഭാഷയ്ക്കു ശ്രേഷ്ഠപദവി നേടിയെടുക്കുന്നതില്‍ അദ്ദേഹത്തിന്റെ പങ്ക് വലുതാണെന്നും കോടിയേരി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Like

https://www.facebook.com/Malayalivartha