കോഴിക്കോട് സ്വകാര്യ ബസ് മറിഞ്ഞ് നിരവധി പേര്ക്ക് പരിക്ക്

കോഴിക്കോട് സ്വകാര്യ ബസ് മറിഞ്ഞ് നിരവധി പേര്ക്ക് പരിക്കേറ്റതായി റിപ്പോര്ട്ട്. അരയിടത്തുപാലം ഗോകുലം മാളിന് മുന്നിലാണ് അപകടമുണ്ടായത്. വിദ്യാര്ത്ഥികള് അടക്കം 30ഓളം പേര്ക്ക് പരിക്കേറ്റെന്നാണ് വിവരം. ഇവരെ അടുത്തുള്ള ആശുപത്രിയിലേക്ക് മാറ്റി. ഒമ്പതോളം പേരെ കോഴിക്കോട് മെഡിക്കല് കോളേജില് പ്രവേശിപ്പിച്ചിട്ടുണ്ട്.
മെഡിക്കല് കോളേജ് റൂട്ടില് ഓടുന്ന ബസാണ് മറിഞ്ഞത്. വൈകിട്ട് 4 മണിയോടെയായിരുന്നു സംഭവം. അപകടസമയത്ത് ബസില് നിറയെ യാത്രക്കാരുണ്ടായിരുന്നു. മുന്പില് പോവുന്ന സ്കൂട്ടറിനെ മറികടക്കാന് ശ്രമിക്കുന്നതിനിടെയാണ് ബസ് നിയന്ത്രണം വിട്ട് മറിഞ്ഞതെന്നാണ് പ്രാഥമിക വിവരം. സ്ഥലത്ത് ഫയര്ഫോഴ്സും പൊലീസുമുണ്ട്. മറിഞ്ഞുകിടക്കുന്ന ബസ് ഉയര്ത്താനുള്ള ശ്രമവും പുരോഗമിക്കുകയാണ്.
https://www.facebook.com/Malayalivartha